Jọshụa 14:3 - Kịrịkẹnị Baịbụl

^3-4 Moziz ḅe Jọdan mị ḅụ ịrụapakapaka nyọ daọrụ mị, ò ḍie seni ísí mama furoma na pẹkẹrẹ mị na pịrị ḅọrọsam. Ọkụma Livaị awọma ò ḍiekiri seni ini pịrịkẹ. Josẹf furo ḅie apụma ini ini seni mama furo nwọ ḍiemẹ: Manasẹ na, Ifrem na, Livaị furo ḅie apụma mị inia pẹkẹrẹ-ẹ nwọḅẹ ḍiekiri ofori-ẹ ḅẹ sọnị opuamama ḅie ḅụ ini angaḅịa nyọ Moziz ḅe ọ̀ nwọse ini pịrịmẹ pịkị inia namama osuein fịḅịa ele ma na.

Jọshụa 14:3 Iomraidhean Croise

Izikịẹl 45:1

Ini kiri ḍie se gbọrị pẹkẹrẹ gbọrị sẹ, gbọrị pẹkẹrẹ gbọrị sẹ nwọ pịrịḅịa sịkị, gbọrị pẹkẹrẹ ini nwọ sin sikima osiḅụ wẹrị Nyanaḅọ Ḅe pịrịḅịa. Anịa ịsụn oyi-a sonju laḅịa, finji mị nine-a sonju laḅịa. Anị bebe okpokiriḅa mị mgba fịafịa ḅụ simeḅịa.

Jọshụa 12:6

Moziz ḅe na Izrẹlapụma na mịna mama amanyanapụma nẹngịmamẹ. Moziz, Nyanaḅọ Ḅe fịrịnwẹngịḅọ ḅe inia amama se Rubẹnị na Gadị na sẹma na pịkị Manasẹ sẹ mị ḅụ gbọrị pẹkẹrẹ na pịrịmẹ, na anị iniaye nwọ sọ.

Jọshụa 13:14

Livaị furo ḅie apụma Moziz ḅe ò kiri se ini pịrịkẹ. Anị Nyanaḅọ Ḅe ḍuko Moziz ḅe pịrịsa ḅaraḅụ, ini se dọkịma agbamịẹ Izrẹl mị Nyana Tamụnọ Ḅe pịrịayema ḅụ anị inia ḍiekiri mị simeye-ẹ.

Jọshụa 13:16

Inia pẹkẹrẹ mị ọkịmun Aroa mị lamẹ (Anọn Pẹsịkiri mị aka ḅụ) pịkị anị pẹsịkiri mị ḅie ogboku sime opuama mị na pịkị bebe Mẹdiba mị kelema koro gele sẹrẹrẹ kiri mị mgba.

Jọshụa 13:17

Pịkị Hẹshbọn mị na, bebe gele sẹrẹrẹ kiri mị ọgọnọ sime opuama mamgba na, Dibọn mị na, Bemọt Beal mị na, Bẹt-Beal-Miọn mị na,

Jọshụa 13:8

Rubẹnị na Gadị na sẹma na pịkị Manasẹ sẹ mị ḅụ gbọrị pẹkẹrẹ mị na, Moziz, Nyanaḅọ Ḅe fịrịnwẹngịḅọ ḅe ḍie ini pịrị kiri mị ini ọkịsam, Jọdan Tọrụ mị ḅụ ịrụapakapaka nyọ daọrụ ḅụ anị simemẹ.