Jọshụa 14:12 - Kịrịkẹnị Baịbụl

¹² Mịọkụ, ị̀rị̀ na mun apụma na ị̀rị̀ na, ḅo ḅẹrẹ mị ḍuko ene ḅụ, Nyanaḅọ Ḅe ḅereni ị̀ pịrị chịngị-ọgọnọ-sẹ mị se ị̀ pịrị. Wa ḍuko ọ́ pịrịmẹ na Anakim nwọ chịn opu-godoro apụ anịju ḅụ simemẹ, ḍụḅaḍụḅa onu inia opuamama gbọrị kelemamẹ. Sosi Nyanaḅọ Ḅe ori ị̀ ḅụ simeḅịa, se àrị ini desinḅịa anị Nyanaḅọ Ḅe pa ḍukosa ḅaraḅụ.”

Jọshụa 14:12 Iomraidhean Croise

2 Amanyanapụ 19:4

Asiria sẹdaḅọ ḅe oria opu ọmụtịḅịnịḅọ ḅe fịrịmaḅo ḍumo sime Tamụnọ Ḅe wọlọmẹ. Ye Nyanaḅọ ị́ Tamụnọ Ḅe ma wọlọ ọkwẹịnma naa se fomuḅara seni àrị kọn apụma pịrị. Anịẹrẹchị Tamụnọ tẹkẹ mine fị ḅụ kọn apụma pịrị.”

2 Amanyanapụ Sịkị Mịẹaye Ma 14:11

Esa ḅe Nyanaḅọ, ọ̀ Tamụnọ Ḅe tẹkẹ se nwọ ḅẹmẹ, “Yei Nyanaḅọ, ị́ ine ḅarachụa ịnyọ ḅụ oforika owuni nwọ pịrịḅịa se ini ḅo kụrọ apụ nwọ sọḅịa. Ḅarachụa wa pịrị mịọkụ, Yei Nyanaḅọ, mịna Tamụnọ, anịatịḅị ị́ ḅụ anị wa sẹrẹrẹye-ẹ, pịkị ị́ya ẹrẹ ḅụ mị wa pakaḅo mà tọn-a owunima na owusọ-ẹḅoarịye-ẹ. Nyanaḅọ, ị́rị́ anị mịna Tamụnọ-ẹ, ị́rị́ ị́ nẹngịmaḅịa koroma kọnḅịaḅọ gbọrịḅọ sọnị ofori-ẹ.”

Fịafịa Nime 44:3

Ị́ya tomonima inia okola-agiji ini nwọse ama mị inumakẹ; inia kụrọḅụ ini anị inumakẹ; ọkụma ị́ya kụrọ na ị́ya ịnyọ na ḅụ-ẹ, ị́rị́ ini na omi-ẹ ḅe kuḅie kụrọ mị na, anị mị ḍiepakụmamẹ na ị́ ini ḅẹlẹmamẹ.

Fịafịa Nime 60:12

Tamụnọ Ḅe mịnaḅụ omi-ẹ nwọḅẹ sịkị, wa inumaḅịa; ò mine-na-tarakapụ ma nẹngịmaḅịa.

Kịẹnḅịpị Ma 13:28

Ọkụma ama ḅie anga apụma kụrọnị-ẹ; inia opuamama àrị opuma ḍụḅamẹ, ini pịkị kụrọma onu se àrị gborimẹ. Anị sitẹịn anga, godoro apụ furo ḅie apụma wa ini ọrịmẹ anị anga ḅụ.

Kịẹnḅịpị Ma 13:33

wa pịkị godoro apụ furo ḅie apụ ọrịmẹ, anị Anak ḅe ò furo apụma. Anị mịnaḅụ sime ọkụ, ị́ ḅẹḅịa mine ma kala akpakpa awọ-ẹ, wa fịnyọ la-ọkụ mị ḅụ, anị inima sọnị pịkị se wa ḍikiḅịa tọrụ-ẹ.”

Kịẹnḅịpị Ma 21:34

Nyanaḅọ Ḅe nwọse Moziz ḅe ḅẹmẹ. “Ò ḍikiḅalafama. Àrị ị́ mịẹse ị́ ọ̀ nẹngịmaḅịa, oria tomonima na, pịkị ama mị na. Ị́ se Saịhọn, Amọraị apụ amanyanaḅọ ḅe mịẹ ọkụ se ọ̀ mịẹ, anị Hẹshbọn ḅie sime ḅẹrẹtọnḅọ ḅe.”

Romapụ 8:31

Maye mamgba ḅụ, cheye wa ineda nwọ ḍuko ḅe? Tamụnọ Ḅe nemikase mịna ḅụ simemẹ ḅẹ ọkụma, tụḅọ ineda mine na ye mịẹ ḅe?

Maịnkarama Oloko 1:28

Nde wa gose anịju munḅịaye? Mịna ḅalafaḅẹ. Wa fịrịma mun apụma ḍuko wa pịrịmẹ na nweni ma ini nangwọtẹịn pịkị kụrọtẹịn wa nẹngịmẹ, na ini anga opuamama ḅe onu ma àrị gele mun so lamẹ. Anịju ḅụ ini godoro apụ ọrịmẹ!’

Maịnkarama Oloko 9:1

“Ó poki, Izrẹlapụ! Mịmgba ọ́ Jọdan Tọrụ mị saḅa mun opusọ pịkị kụrọ ọ́ nẹngịapụ ama nwọ ọkị anga-ẹmun-aḅẹ. Inia opuamama ḍụḅamẹ, arịa onu ma gelemun so mị bịanmẹ.

Maịnkarama Oloko 9:3

Ọkụma mịọkụ ọ́ ḅarana ọrịḅịa na Nyanaḅọ ọ́mịna Tamụnọ Ḅe kọrịarị owoi fịnị ḅara nwọse ọ́mịna tọrọkọ pẹlẹma munḅịa. Ori ini nẹngịmaḅịa ọ́ nwẹngị tọrọkọ mun-arị sịkị, mịẹse ori ini depakụma se ọ́ sarasarama ini ḅaasinḅịa ọkụ, anị ò ḅereni ọ́ pịrịsa ḅaraḅụ.

Filipaị 4:13

Ye wẹrị simeọkụ simeọkụ sọnị, se anị daḅịa ịnyọ à nwọ nyanamẹ Kraịst Ḅe se ị̀ pịrị kụrọ mị ḅụ.

Hibru 11:33

Ḅereni ḅụ ini wẹrị bebe sẹ sẹ mamgba na owusọ se àrị nẹngịmamẹ. Ini karakaraye nwọ mịẹmẹ se Tamụnọ Ḅe ḅereni ini pịrịye mị nwọ nyanaḅo mẹ. Ini chịrịḅama ḅịpị nwọ gbẹịnmẹ,

Jọshụa 15:14

Kelẹb ḅe ori Anak furo ḅie apụma depakụmamẹ opuama mị ḅie ḅụ—anị Shẹshaị mị na, Ahiman mị na, pịkị Talmaị mị na sẹma.

Bẹrẹkọn Apụ 1:20

Moziz ḅe tọnsa ḅaraḅụ, Hibrọn mị ini se Kelẹb ḅe pịrịmẹ, anị opuama mị ḅie Anak furo ḅie apụ tẹrẹ-a sẹma depakụmaḅọ ḅe.

1 Samụẹl 14:6

Jonatan ḅe nwọse asẹmẹnịḅọ ḅe ḅẹmẹ, “Ye wa saḅa mun anị oruḅẹrẹnemi Filistia apụma ikowarịma pike sime nyọ mị mun. Sosi Nyanaḅọ Ḅe ọ̀ ḅarachụa wa pịrịḅịa; ò nemikase ḅarachụaḅịa-ọkụma, ineda ò kiki se ori ọmụḅaraiḅi se wa pịrị-ẹkaye ngịsị ofori-ẹ; wa boka la-ọkụ la-ọkụ sọnị.”