Jọshụa 14:11 - Kịrịkẹnị Baịbụl

¹¹ anị-ẹ ḅẹ sọnị, Moziz ḅe ị̀ fịrịma pakụma sịkị mị ḅụ àrị ịnyọ nyana ọkụ mị, anị à pa sime wara ọkụ-ẹ. Mịọkụ sọnị à pa ịnyọ nyana waraḅẹ ọmụgbin ḅụ pịkị ḅẹyeḅẹye ḅụ sọnị.

Jọshụa 14:11 Iomraidhean Croise

Fịafịa Nime 103:5

Ori iḅiaye seni ị̀ ḍumo ḅeinmamẹ, anịẹrẹchị àrị ịwọ waraḅẹ, à pịkị igo ḅe kụrọ ọkụ kụrọmẹ.

Fịafịa Nime 90:10

Kụra tesi oyi fịnjị anị wa nyanaye-ẹ— wa kụrọmẹ ḅẹḅẹ kụra inein-a si-ẹ; anịẹḅẹ sọnị àrị se ḅo wa pịrịaye anị ḅụfụka na kururu na-ẹ; ḍumo mị ḅọlọkẹ ḅọrọsam, se wa sosam.

Aịzaya 40:31

Ọkụma ḅarachụa gose kuḅie se Nyanaḅọ Ḅe ḅụgbana apụma ịwọ ịnyọ inia ḅie sọḅịa. Ini igo pamba chụa se fin ọkụ fin ḅịa; ini mangị ḅịa ịnyọ iniaḅụ faẹkẹ; ini nwẹngịḅịa iniaḅụ pịkị lọkọ ẹkẹ.

Maịnkarama Oloko 31:2

nwọse ini ḅẹmẹ, “Mịọkụ à ḅo kụra sonioasi nwọ lasam, à ḅarị ineda tịḅịnịḅọ sọ ọ́ pịrị ẹkẹ. Mịn mị sikima ọkụma, Nyanaḅọ Ḅe ò ḍuko ị̀ pịrịsam na Jọdan mị àrị anị saḅa-ẹkẹ.

Maịnkarama Oloko 33:25

Ye oria amama ikulele nwọ seni onu ḅọkọ ma mịẹ kikima, Pịkịna ye sịkịmamgba ye ọ̀ laka ḅaraḅụ ò deinma anga.”

Maịnkarama Oloko 34:7

Moziz ḅe kụra sonioasi ọ̀ nwọ lase ọ̀ fịmẹ; ọ̀ kụrọ kpoinkpoinmẹ, ọ̀ tọrụmgbọlụma sọ pa gịọngịọn waraḅẹ.

Jọshụa 14:10

Mịọkụ, ḍiki, anị sọnọfa-kụra-mesi-oyi-fịnjị-lasam Nyanaḅọ Ḅe mịn mị ḍuko Moziz ḅe pịrị sịkị. Anị Izrẹl mị onwun ele mị nwẹngị saḅarị sịkịḅụ-ẹ, se Nyanaḅọ Ḅe ò yeḅereni ị̀ pịrịsa ḅaraḅụ, ị̀ ḍumo mị kokoḅo mịmgba lamẹ. Ị̀ ḍiki! Sọnọfa-kụra-iniasi-oyi-fịnjị à nwọ lasam,