Jọshụa 13:8 - Kịrịkẹnị Baịbụl

⁸ Rubẹnị na Gadị na sẹma na pịkị Manasẹ sẹ mị ḅụ gbọrị pẹkẹrẹ mị na, Moziz, Nyanaḅọ Ḅe fịrịnwẹngịḅọ ḅe ḍie ini pịrị kiri mị ini ọkịsam, Jọdan Tọrụ mị ḅụ ịrụapakapaka nyọ daọrụ ḅụ anị simemẹ.

Jọshụa 13:8 Iomraidhean Croise

Kịẹnḅịpị Ma 32:19

Wa ḍiekiri nyana-ẹkẹ Jọdan mị ḅụ ísí pẹkẹrẹ mị ḅụ, anịatịḅị mịna ḍiekiri wa ọkịsam mịanga Jọdan mị ḅụ ịrụapakapaka anga mị ḅụ.”

Maịnkarama Oloko 3:8

“Anịsịkị mị ḅụ wa ini mama Amọraị amanyanapụma ḅara Jọdan Tọrụ mị ḅụ ịrụapakapaka nyọ daọrụ mị ḅụ sime ama mị ọkịmẹ, Anọn Tọrụ mị ḅụ sakịmun Hamọn Tụndụ mị la.

Jọshụa 12:1

Jọdan ḅụ ịrụapakapaka nyọ daọrụ ama mị, Izrẹlapụma ini anị inuma se anị ọkị angasam, Anọn Pẹsịkiri mị ḅie ḅụ sakị mun Jọdan Pẹsịkiri mị la, pịkịna mun ọgọnọju Hamọn Tụndụ mị la. Ini mama amanyanapụ nẹngịmamẹ.

Jọshụa 12:6

Moziz ḅe na Izrẹlapụma na mịna mama amanyanapụma nẹngịmamẹ. Moziz, Nyanaḅọ Ḅe fịrịnwẹngịḅọ ḅe inia amama se Rubẹnị na Gadị na sẹma na pịkị Manasẹ sẹ mị ḅụ gbọrị pẹkẹrẹ na pịrịmẹ, na anị iniaye nwọ sọ.

Jọshụa 13:7

Anịẹrẹchị mịọkụ, mịn kiri mị ḍie se ísí esenie-a furoma na pịkị Manasẹ furo mị ḅụ gbọrị pẹkẹrẹ mị na nwọ pịrị, mịẹse ini anị ḍiaọkị se anị iniaye sọḅịa ḅara.”

Jọshụa 13:9

Inia pẹkẹrẹ mị anị mun Aroa mị lamẹ (Anọn Pẹsịkiri mị aka sime sẹ mị) pịkị anị pẹsịkiri mị ogboku sime opuama mị na pịkị sẹrẹrẹ kiri mị mgba se chụa anị Mẹdiba mị ḅụ ọkịmun Dibọn mị la.

Jọshụa 22:4

Mịọkụ, ò yeḅerenisa ḅaraḅụ, Nyanaḅọ ọ́mịna Tamụnọ Ḅe ò deinma se ó juo Izrẹlapụma pịrịsam. Anịẹrẹchị ó vinpịkị so ómine ọkị ọḅụ pịrị ama mị mun, Jọdan mị ḅụ ịrụapakapaka nyọ daọrụ ama mị, anị Moziz, Nyanaḅọ Ḅe fịrịnwẹngịḅọ ḅe se ọ́ pịrị ama mị.

Jọshụa 4:12

Rubẹnị na Gadị na sẹma na pịkị Manasẹ sẹ mị ḅụ gbọrị pẹkẹrẹ na ḅụkarakarama ọmụ mị pịrị, se ini kirikọn apụma tọrọkọ pẹlẹma saḅamẹ, anị Moziz ḅe ini ḅẹ na mịẹ nwọḅẹ ḅara mị.

1 Samụẹl 13:7

ísíapụma ini Jọdan Tọrụ mị saḅa mun Gadị na Giledị na ḅe ekema ḅụ sọmẹ. Sọl ḅe ọ̀ pa Gilgalị mị ḅieḅụ sime waraḅẹ, se ori na sime apụma inia ḅụgeregere aḅẹ ḅalafa ḅụ.