Jọshụa 13:3 - Kịrịkẹnị Baịbụl

³ pịkị Avim pẹkẹrẹ mị ḅụ ọkịmun chuku daọrụ mị mgba la. (Shaịhọ ideri mengi mị ḅụ sime kiri mị ḅụ ọkịmun Ijipt apụ eke mị ḅụ la, pịkị ọgọnọ daọrụ mị ḅụ mun Ẹkrọn apụ eke mị la, anịmgba Kenan apụ nyọ-ẹ; Filistia amanyanapụma anga nyọ anị Gaza mị na, Ashdọd mị na Ashkẹlọn mị na, Gat mị na, pịkị Ẹkrọn na-ẹ.)

Jọshụa 13:3 Iomraidhean Croise

Chukusakị 10:6

Ham owuapụ awọma anị—Kọsh, Ijipt, Libya, pịkị Kenan ḅe na—ini anị inia ḅieju-aḍapụma ẹrẹ fịapụ ma-ẹ.

Chukusakị 15:18

Anịsịkị mị anịju ḅụ Nyanaḅọ Ḅe Ebram ḅe na ọḅọkụ fịye-ẹ. Ọ̀ nwọḅẹmẹ, “À ḅereni ị́ pịrịmẹ na ị́ furo ḅie awọma, mị ama mị mgba ọkịmun Ijipt eke mị la, pịkịna mun Yufretis Tọrụ mị la, à se ini pịrịḅịa,

1 Amanyanapụ 8:65

Anịju Oputẹkẹwarị mị nyọ ḅụ, Sọlọmọn ḅe na bebe Izrẹlapụ mamgba na Tịḅịkikima nyọma Alalị ma fịmẹ sọnọma ḍin ḅụ. Tomoni opuma kpo ḅụ ḅakamẹ, Hamat Ḅọrọnyọ ọgọnọju daọrụ ḅụ sakị ḅo apụma na pịkị chukuju daọrụ ḅụ Ijipt apụma eke mị ḅụ ḅo apụma na.

1 Amanyanapụ Sịkị Mịẹaye Ma 13:5

Anịẹrẹchị Devid ḅe Izrẹlapụma chịn koḅirimamẹ bebe sẹ mị mgba ḅie ḅụ, Ijipt apụ eke mị ḅụ chukuju daọrụ ḅụ sakị mun Hamat Ḅọrọ Nyọ mị ḅụ ọgọnọju daọrụ ḅụ simeye mị la, mịẹse Kiriat Jearim mị ḅie ḅụ ini Ọḅọkụ Igbe mị ọkịso Jerusalẹm mị munḅịa ọkụ.

Aịzaya 23:3

tọrụ mị ḅụ saḅamanga fịrịmamẹ, Ijipt ḅie sẹnịpaka fịayemgbọlụ ma fẹ se pịkịna dẹrị dẹrị sẹ mamgba na opu-tuḅokọnmẹ.

Jerimaya 2:18

Ị́ koroma ḅara che sọye ị́ nwọ nyanaḅe mun Ijipt ḅie Naịl mengi mị ọkị ḅu ḅụ? Ị́ koroma ḅara che sọye ị́ nwọ nyanaḅe mun Asiria ḅie Yufretis mengi mị ọkị ḅu ḅụ?

Maịnkarama Oloko 2:23

Mẹditirenia tọrụaka mị ḅụ sime ama mị Krit chọ mị ḅie apụma anịa ḅie angamẹ. Ini Avim apụma ḅaasinmẹ, anị jokoma ama mị nyana apụma, se inia ama mị mgba nwọ ọkịmẹ ọkịmun Gaza opuama mị lamẹ anị chukuda ọrụ mị.)

Jọshụa 13:13

Ọkụma Izrẹlapụma ini Gẹshọ apụma na Meaka apụma na depakụmakẹ; ini pa Izrẹlapụma ḅie anga waraḅẹ.

Bẹrẹkọn Apụ 16:5

Filistia sọnọ amanyanapụma á damamun se nwọse á ḅẹmẹ, “Epele se Samsịn ḅe ti se ò gose ịnyọ nyanaye mị ọ̀ nwọ ḍuko ị́ pịrị, mịẹse wa ineda ò kun, ọ̀ fịna pịkị mịẹse wa ineda ọ̀ nẹngịmaḅịa ọkụ. Mịnaḅụ ḅọḅọ ineda seleḅa pẹkẹrẹ-a mẹndẹ jieasi fịnjị nwọse ị́ pịrịḅịa.”

Bẹrẹkọn Apụ 3:3

Ama mị ḅie kọn apụma anị Filistia apụ sọnọ-a opuama ma-ẹ, bebe Kenan apụ mamgba na, Saịdọn apụma na pịkị Hivaị apụma na, anị Lẹbanọn Tụndụ ma ḅie anga apụma, Beal Hamọn Tụndụ mị ḅụ ọkịmun Hamat Ḅọrọnyọ mị la.

1 Samụẹl 5:1

Filistia apụma kụrọḅara se Ọḅọkụ Igbe mị ọkịso sịkị, ini Ebeniza mị ḅie anị deki so inia opuama Ashdọd mị mun mẹ,

1 Samụẹl 5:10

Anị ini Ọḅọkụ Igbe mị seni Ẹkrọn mị fịrịmaye-ẹ, anị pịkị jịn Filistia apụ opuama-ẹ; ọkụma anị ḅo anịju lasịkị, tomonima oloku se nwọ ḅẹmẹ, “Ini Izrẹl Tamụnọ Ọḅọkụ Igbe mị se mịanga ḅosam, se mine mgba ḅaafamaḅịa ẹrẹchị!”

1 Samụẹl 5:8

Anị ini okumun-apụ ma fịrịma Filistia sọnọ amanyanapụ mamgba chịnḅo koḅirima se ini gbelaye-ẹ, “Izrẹl Tamụnọ Ọḅọkụ Igbe mị nde wa anị na kọnḅịa nwẹngị?” Ini nwọse ini pẹkẹrẹmẹ, “Ómine anị ọkị saḅama mun Gat mị ḅie ḅụ wẹrị,” anị pịkị jịn Filistia apụ opuama-ẹ.

1 Samụẹl 6:4

“Ndende sime ḍiepịrịye wa nwọse ọ̀ fịrịma ḅe?” tomonima ọkọse ini gbelamẹ. Ini nwọ pẹkẹrẹmẹ, “Ini goli se mịẹ sọnọ-a foin obi na pịkị goli se mịẹ sọnọ-a ofunguru na, arịa ḅụ gbọrịye gbọrịye sime Filistia mị ḅie sọnọ-a amanyanapụma pịrịmẹ. Mịn gbọrị obi mị ómine mgba ọgọnọ gbanamẹ pịkị sọnọ-a sẹma amanyanapụma na ẹrẹ ḅụ.