Jọshụa 13:27 - Kịrịkẹnị Baịbụl

²⁷ Jọdan Pẹsịkiri mị ḅie ḅụ ma amama sọ ḅie omi-ẹ, Bẹt Heram mị na, Bẹt Nimra mị na, Sọkọt mị na, pịkị Zefọn mị na, anị Amanyanaḅọ Saịhọn, Hẹshbọn amanyanaḅọ ḅe oria amanyanakiri ma ḅụ kọn aye ma-ẹ. Jọdan Tọrụ mị anị inia eke mị-ẹ, ịrụasọsọ nyọ daọrụ ḅụ, pịkị ọgọnọju daọrụ ḅụ ọkịmun Galili Ḍapa mị sọnị nwọ lamẹ.

Jọshụa 13:27 Iomraidhean Croise

Chukusakị 33:17

Ọkụma Jekọb ḅe ò so Sọkọt mun mẹ, ori anịanga warị nama ọ̀ ḅụ pịrịmẹ, ọ̀ pịkị tịḅịkikima nyọ nama oria namama sọ pịrịmẹ. Anị ini gose Sọkọt nwọse nyọ mị chịnye-ẹ.

1 Amanyanapụ 7:46

Amanyanaḅọ ḅe Sọkọt mị na Zarẹtan mị na ogboku ini ikulele sanị sanị ma aye mamgba mịẹ ọ̀ pịrịmẹ Jọdan Pẹsịkiri mị ḅieḅụ.

Fịafịa Nime 60:6

Oria fịafịa tẹkẹ warị ḅie Tamụnọ Ḅe ò ḍukosam na, “Ọmụḅaraiḅi ḅụ à Shẹkẹm mị ḍieḅịa se Sọkọt Pẹsịkiri mị se ị̀ya tomonima pịrịḅịa.

Kịẹnḅịpị Ma 32:3

“Mị pẹkẹrẹ mị, Nyanaḅọ Ḅe ḅarachụa Izrẹlapụma pịrị se ini ḅo ọkị anga ama ma—Atarọt na, Dibọn na, Jiza na, Nimra na, Hẹshbọn na, Ẹliele na, Sibma na, Nebo na, pịkị Biọn na—kiri mị opuma iḅi kiri-ẹ nama koko ḅụ, anịsịkị wa pịkị ḅakama nama nyanamẹ.

Kịẹnḅịpị Ma 32:36

Bẹt Nimra mị na, pịkị Bẹt Haran mị na.

Kịẹnḅịpị Ma 34:11

Anịsịkịre mị anị chuku daọrụ ḅụ ọkịmun Habel, anị Aịn mị ḅụ ịrụapakapaka nyọ mị la, se anịju ḅụ sakị mun Galili Ḍapa mị ḅụ ịrụapakapaka nyọ da anga ḅụ sime chịngịma laḅịa,

Luk Iḅi Ḅẹrẹ Mị 5:1

Gbọrị ene Jizọs Ḅe Gẹnẹsarẹt Ḍapa mị aka ḅụ chịẹ simemẹ, tomonima pụnụma Ọ̀ damaḅomẹ, Tamụnọ ọkwẹịn mị naaḅịa ẹrẹchị.

Maịnkarama Oloko 3:17

Ịrụasọsọ nyọ daọrụ mị ḅụ inia pẹkẹrẹ mị wasama mun Jọdan Tọrụ mị lamẹ, Galili Ḍapa ọgọnọju daọrụ mị ḅụ ọkịmun Fị Tọrụ mị chuku daọrụ la pịkị somun Pisga Tụndụ mị chuku ịrụapakapaka nyọ daọrụ lamẹ.

Jọshụa 11:2

pịkị chịngị ọgọnọ sẹma ḅe amanyanapụma na, ọgọnọju daọrụ, Jọdan Pẹsịkiri anị Galili Ḍapa mị ḅụ na, chuku daọrụ mị na, chịngịma chuku ma, pịkị Do tọrụ aka mị na kpekima sime nyọ mị ḅe amanyanapụ mamgba na fịrịmamẹ.

Jọshụa 12:3

Jọdan Pẹsịkiri mị sọnị anịa ḅie omi-ẹ, Galili Ḍapa mị ḅụ sakị chukuju daọrụ ọkịmun Bẹt-Jeshimọt mị la (Jikeka Opu Tọrụ mị ḅụ ịrụapakapaka nyọ daọrụ mị) pịkị somun Pisga Tụndụ mị chuku la.

Jọshụa 13:26

inia ama mị Hẹshbọn mị ḅụ ọkịmun Remat Mizpẹ mị na Bẹtonim mị na lamẹ; Mahaneim mị ḅụ ọkịmun Lodiba eke mị la.

Jọshụa 13:28

Ma anị ini se Gadị sẹ mị pịrị opuamama na amama na-ẹ, ini wẹrị furofuro ḅụ paka ḅaraḅụ inia ḍiekiriye-ẹ.