Jọshụa 13:16 - Kịrịkẹnị Baịbụl

¹⁶ Inia pẹkẹrẹ mị ọkịmun Aroa mị lamẹ (Anọn Pẹsịkiri mị aka ḅụ) pịkị anị pẹsịkiri mị ḅie ogboku sime opuama mị na pịkị bebe Mẹdiba mị kelema koro gele sẹrẹrẹ kiri mị mgba.

Jọshụa 13:16 Iomraidhean Croise

2 Samụẹl 24:5

Ini Jọdan mị saḅakoro se Aroa mị ḅụ chuku daọrụ ḅụ ikowarị pike simemẹ, anị pẹsịkiri mị ḅie ogboku ḅụ sime opuama Gadị mị pẹkẹrẹ ḅụ. Anịju ḅụ ini ọgọnọ ọrụḅụ ḅọrọ mun Jiza mị lamẹ,

1 Amanyanapụ Sịkị Mịẹaye Ma 19:7

Ini ọkọ kporokporo ọmụarụ inein-a poku ma na pịkị Meaka amanyanaḅọ ḅe ọmụogbo mị na ḅo Mẹdiba mị na kpekima ikowarịma pike simemẹ. Amọn apụma sọnị inia opuamama ḅie pakaḅo owusọḅịa ẹrẹchị, ḅụkarakarama simemẹ.

Aịzaya 15:4

Hẹshbọn apụma na Ẹliele apụma na, ini owupakụmamẹ, se inia owutịḅịḅie mị sasaju sime Jehaz apụma ineda anị naaḅịa. Owuni ma na mịnaḅụ na iniaḅụ geregeremẹ, inia kuḅiekụrọ mị fasam.

Kịẹnḅịpị Ma 21:26

Hẹshbọn mị anị Amọraị amanyanaḅọ Saịhọn ḅe oria tịḅịda ama mị-ẹ, ori anị Moab amanyanaḅọ ḅe na ọmụ gbin se oria ama mamgba ọkị famaḅọḅe-ẹ, ọkịmun Anọn Tọrụ mị sọnị nwọ lamẹ.

Maịnkarama Oloko 3:12

“Wa ama mị ọkị nyana sịkị, Rubẹnị na Gadị na sẹ apụma Aroa ama mị ọgọnọju daọrụ mị Anọn Tọrụ mị na kpeki nyọ mị na pịkị Giledị chịngị ọgọnọ sẹ mị ḅụ pẹkẹrẹ na, pịkị anịa amama na, à se ini pịrịmẹ.

Jọshụa 12:2

Gbọrịḅọ anị, Saịhọn, Amọraị amanyanaḅọ, Hẹshbọn ḅie anga se ḅẹrẹtọn arịḅọ ḅe-ẹ, oria amanyanakiri mị Giledị mị ḅụ gbọrị pẹkẹrẹ anịa ḅụ simemẹ; Aroa mị ḅụ sakị (anị Anọn Pẹsịkiri mị aka sịkị sime ama mị) pịkị anịa pẹsịkiri mị ḅie ogboku ḅụ sime opuama mị na, pịkị ọkịmun Jabọk Tọrụ mị la, anị Amọn apụ eke mị;

Jọshụa 13:15

Moziz ḅe kiri mị ḅụ gbọrị pẹkẹrẹ ọ̀ nwọse Rubẹnị sẹ mị pịrị ḅọrọsam, anị sime ini pịrịmẹ.

Jọshụa 13:17

Pịkị Hẹshbọn mị na, bebe gele sẹrẹrẹ kiri mị ọgọnọ sime opuama mamgba na, Dibọn mị na, Bemọt Beal mị na, Bẹt-Beal-Miọn mị na,

Jọshụa 13:9

Inia pẹkẹrẹ mị anị mun Aroa mị lamẹ (Anọn Pẹsịkiri mị aka sime sẹ mị) pịkị anị pẹsịkiri mị ogboku sime opuama mị na pịkị sẹrẹrẹ kiri mị mgba se chụa anị Mẹdiba mị ḅụ ọkịmun Dibọn mị la.

Jọshụa 14:3

Moziz ḅe Jọdan mị ḅụ ịrụapakapaka nyọ daọrụ mị, ò ḍie seni ísí mama furoma na pẹkẹrẹ mị na pịrị ḅọrọsam. Ọkụma Livaị awọma ò ḍiekiri seni ini pịrịkẹ. Josẹf furo ḅie apụma ini ini seni mama furo nwọ ḍiemẹ: Manasẹ na, Ifrem na, Livaị furo ḅie apụma mị inia pẹkẹrẹ-ẹ nwọḅẹ ḍiekiri ofori-ẹ ḅẹ sọnị opuamama ḅie ḅụ ini angaḅịa nyọ Moziz ḅe ọ̀ nwọse ini pịrịmẹ pịkị inia namama osuein fịḅịa ele ma na.

Jọshụa 18:7

Livaị apụma, anị sime ḅaraḅụ, ini ómine kirikọn apụma na ama mị ḍia ẹkẹ, anịatịḅị inia ḍiekiri anị Nyanaḅọ Ḅe agbamịẹ apụ ḅaraḅụ fịrịnwẹngị ọ̀ pịrị mị-ẹ. Ini Gadị na, Rubẹnị na, pịkị Manasẹ na awọma ọkụma inia ama ini ọkị ḅọrọsam Jọdan mị ḅụ ịrụapakapaka nyọ daọrụ ḅụ, anị Moziz, Nyanaḅọ Ḅe fịrịnwẹngịḅọ ḅe se ini pịrịye mị.”

Bẹrẹkọn Apụ 11:26

Kụra jieasi lasam Izrẹl mị Hẹshbọn mị na, Aroa mị na, àrị kelema amama na, pịkị Anọn tọrụaka ma ḅụ sime opuama mamgba na ọkị angasam. Cheye ẹrẹchị ma ị́ pa àrị ọkịka ḅo nwọ la anị sịkị ngịsị?

1 Samụẹl 30:28

Aroa mị na, Sifmọt mị na, Ẹshtẹmoa mị na,