Jọshụa 12:2 - Kịrịkẹnị Baịbụl

² Gbọrịḅọ anị, Saịhọn, Amọraị amanyanaḅọ, Hẹshbọn ḅie anga se ḅẹrẹtọn arịḅọ ḅe-ẹ, oria amanyanakiri mị Giledị mị ḅụ gbọrị pẹkẹrẹ anịa ḅụ simemẹ; Aroa mị ḅụ sakị (anị Anọn Pẹsịkiri mị aka sịkị sime ama mị) pịkị anịa pẹsịkiri mị ḅie ogboku ḅụ sime opuama mị na, pịkị ọkịmun Jabọk Tọrụ mị la, anị Amọn apụ eke mị;

Jọshụa 12:2 Iomraidhean Croise

Chukusakị 32:22

Anị gbọrị ḍin ḅie Jekọb ḅe oria mama ya eremeni ma na mama ịgwa eremeni ma na pịkị oria oyigbọrị awọ fịnjịma na ọkị Jabọk Tọrụ mị saḅamẹ.

1 Amanyanapụ Sịkị Mịẹaye Ma 5:8

Bela, Ezaz yaḅe, anịsịkị oria tọkụ ḅe yi tọkụ anị Shima, Joẹl sẹ mị ḅieḅọ ḅe. Mịn sẹ mị Aroa ḅie na, pịkị ọkịmun Nebo na Beal Meọn mị na ḅụ ọgọnọju da eke mị ḅụ ini anga simemẹ.

Nẹhimaya 9:22

“Ị́rị́ ini mịẹmẹ ini sẹsẹ na amanyanakiri na nẹngịmamẹ, ini na eke nyana amama. Ini Hẹshbọn ama mị nẹngịmamẹ, Saịhọn ḅe ḅẹrẹtọntọn nyọ mị, pịkịna Bashan ama mị na anị Ọg ḅe amanyanaḅọ sọ ama mị.

Fịafịa Nime 135:11

Saịhọn Amọraị amanyanaḅọ ḅe na, Ọg, Bashan amanyanaḅọ ḅe na, pịkị Kenan amanyanapụ mamgba na.

Jerimaya 48:19

Ómine Aroa angapụma, ateli aka ọ́ chịẹ koru; ọ́ mangị so arịapụ ma gbela, ómine ini gbela nemi cheye pakasa.

Maịnkarama Oloko 1:4

Anị Nyanaḅọ Ḅe Saịhọn Amọraị amanyanaḅọ Hẹshbọn mị ḅie ḅẹrẹtọn àrị ḅọ ḅe na, pịkị Ọg Bashan amanyanaḅọ anị Ashtarọt mị na Edreị mị na ḍikiḍikiarịḅọ ḅe na nwọ nẹngịma sosịkị.

Bẹrẹkọn Apụ 11:13

Amọn amanyanaḅọ ḅe nwọse Jẹfta okunwẹngịapụma pẹkẹrẹmẹ, “Izrẹlapụma Ijipt mị ḅie pakaḅo sịkị, ini ị̀ya ama ọkịmẹ Anọn Tọrụ mị ḅụ sakị mun Jabọk Tọrụ mị na pịkị Jọdan Tọrụ mị na la. Mịọkụ ị́ tẹrẹ anị se ị̀ pịrịḅịa deinma ḅaraḅụ.”

Bẹrẹkọn Apụ 11:22

Ini Amọraị apụ eke mị mgba ọkịmẹ Anọn chuku daọrụ ḅụ simeye mị ḅụ sakị mun Jabọk mị la ọgọnọju daọrụ ḅụ pịkị onwun ele mị ḅụ ịrụapakapaka nyọ daọrụ ḅụ sakị mun Jọdan ḅụ ịrụasọsọ nyọ daọrụ ḅụ simeye mị lamẹ.