Jọshụa 12:1 - Kịrịkẹnị Baịbụl

¹ Jọdan ḅụ ịrụapakapaka nyọ daọrụ ama mị, Izrẹlapụma ini anị inuma se anị ọkị angasam, Anọn Pẹsịkiri mị ḅie ḅụ sakị mun Jọdan Pẹsịkiri mị la, pịkịna mun ọgọnọju Hamọn Tụndụ mị la. Ini mama amanyanapụ nẹngịmamẹ.

Jọshụa 12:1 Iomraidhean Croise

1 Amanyanapụ 4:19

Giba Uraị yaḅe: Giledị iri mị ḍikiḍikimẹ, anị Amanyanaḅọ Saịhọn Amọraịḅọ ḅe na Amanyanaḅọ Ọg Beshanḅọ ḅe daḅọrọsa nyọ mị. Mà oyimaịn-apụ fịnjịma sikima ọkụma, bebe sẹ mị mgba ḍikiḍiki gbọrị gọvịnaḅọ simemẹ.

Fịafịa Nime 133:3

Hamọn Tụndụ ọgọnọ otita ọkụ simemẹ, anị koro Zaịyọn chịngịma ọgọnọ sarasara ayema. Anịanga anị Nyanaḅọ Ḅe oria ḅẹlẹma mị ḅereniye-ẹ— kuluma nyanaka ḍumo mị.

Fịafịa Nime 136:21

Ori inia amama se oria tomonima pịrịmẹ; oria ḅẹlẹma sime gbasomẹ;

Fịafịa Nime 89:12

Ị́rị́ anị ọgọnọ na chuku na tẹmẹye-ẹ; Tebọ Tụndụ na Hamọn Tụndụ na ḅieḅẹlẹ ḅụ nime chu ị́ bomamẹ.

Aịzaya 16:2

Anọn Tọrụ mị aka ini koru simemẹ, se ini sịsẹ nwẹngị damunḅịa nyọ nemika ḅaraḅụ, ini nwẹngị iwo nwẹngị iderima ḅọrọmẹ, anị feni-warị ḅie ini depakụma fenima sime ọkụ.

Kịẹnḅịpị Ma 21:13

Ini anịanga wẹrịso se pịkị Anọn Tọrụ ọgọnọju mun Amọraị pẹkẹrẹ sọ piri ele mị ḅie pikemẹ. (Anọn Tọrụ mị anị eke pu Amọraị apụma na Moab apụma na pịrịye-ẹ.)

Kịẹnḅịpị Ma 21:21

Anịsịkị Izrẹlapụma okunwẹngịapụ se Amọraị amanyanaḅọ Saịhọn ḅe fịrịma se nwọ ḅẹmẹ:

Kịẹnḅịpị Ma 21:24

Ọkụma Izrẹlapụ ini na tarakapụma ḅụ tọn apụ ọmụ mị ḅie nwọ ḅaamẹ, se pịkị inia ama mị ọkịmẹ Anọn Tọrụ mị ḅe ọgọnọju ḅụ sakị mun Jabọk mị la, anị Amọn apụma nyọ mị, anịatịḅị Amọn apụma ini kụrọma inia eke mị ḍụamẹ.

Kịẹnḅịpị Ma 32:19

Wa ḍiekiri nyana-ẹkẹ Jọdan mị ḅụ ísí pẹkẹrẹ mị ḅụ, anịatịḅị mịna ḍiekiri wa ọkịsam mịanga Jọdan mị ḅụ ịrụapakapaka anga mị ḅụ.”

Kịẹnḅịpị Ma 32:32

Ori ọmụtịḅịda wa pịrịḅụ wa saḅamun Kenan ama mị ḅie sọ ọmụ mị gbinḅịa, mịẹse mị Jọdan mị ḅụ ịrụapakapaka nyọ mị ḅụ mịna ḍiekiriye mị sime wa pịrịḅịa ọkụ.”

Kịẹnḅịpị Ma 32:33

Anịẹrẹchị Moziz ḅe Amọraị amanyanaḅọ Saịhọn ḅe na pịkị Bashan amanyanaḅọ Ọg ḅe na nyana kiri mị na, amama na pịkị anị bebe sẹ mịmgba na nwọse Gadị sẹ mị na Rubẹnị sẹ mị na pịkị Manasẹ sẹ mị ḅe gbọrị pẹkẹrẹ na nwọ pịrịmẹ.

Maịnkarama Oloko 2:24

“Wa Moab mị ḅie toluḅọrọ so sịkị, Nyanaḅọ Ḅe nwọse wa ḅẹmẹ, ‘Mịọkụ, ọ́ sakị mun Anọn Tọrụ mị saḅa. Saịhọn, Amọraị amanyanaḅọ Hẹshbọnḅọ ḅe na oria ama mị na à se ọ́ pịrịaḅẹ. Ómine owu se ọ̀ paka se oria ama mị ọkị anga.

Maịnkarama Oloko 2:32

Saịhọn ḅe na oria tomonima na ḅo mine na ọmụgbinmẹ Jehaz ama mị na kpeki nyọ ḅụ,

Maịnkarama Oloko 3:1

“Jịnye, wa so ọgọnọju daọrụ anị Bashan pẹkẹrẹ mị mun mẹ, se Ọg, Bashan Amanyanaḅọ ḅe oria tomonima na ḅo mine na ọmụgbinmẹ Edreị ama mị na kpeki nyọ ḅụ.

Maịnkarama Oloko 4:44

Moziz ḅe Tamụnọ olokoma na, ḍie ayema na se Izrẹlapụma pịrịmẹ.

Maịnkarama Oloko 4:48

Mịn ama mị anị wasama mun Aroa mị lamẹ, Anọn Tọrụ mị aka sịkị ḅụ, ọgọnọju daọrụ ḅụ ọkịmun Siriọn Tụndụ mị la, anị Hamọn Tụndụ mị-ẹ.

Jọshụa 1:15

ọkịmun Jọdan mị ḅụ ịrụasọsọ nyọ daọrụ ama mị ini nwọ ọkị anga sịkị laḅịa, anị Nyanaḅọ ọ́mịna Tamụnọ Ḅe se ini pịrịsaye mị. Izrẹl furo mamgba ò deinma se inia amama ḅie sosa ḅẹḅẹ, anịsịkị re, mị ómine ineda vinpịkị soḅo mị ọ́mịna ama mị ḅie angaḅịaye-ẹ, anị Jọdan mị ḅụ ịrụapakapaka nyọ daọrụ mị ḅụ anị Moziz, Nyanaḅọ Ḅe fịrịnwẹngịḅọ ḅe se ọ́ pịrịye mị.”

Jọshụa 11:17

Eke mị finjima mun Helak Tụndụ mị ḅụ chuku daọrụ ḅụ Idọm na kpeki nyọ mị lamẹ, anị pịkị mun ọgọnọju Bealgad mị lamẹ, Lẹbanọn Pẹsịkiri mị ḅie Hamọn Tụndụ mị ḅụ chuku daọrụ mị. Jọsụwa ḅe ọ̀ mị pẹkẹrẹ amanyanapụma na ọmụgbin mun ḅọlọ sịkị lamẹ, ọkụma inimgba ori ini kun pịkị ini ḅaafamamẹ.

Jọshụa 11:3

Ọ̀ pịkị ḅịpị se Kenan apụma fịrịmamẹ Jọdan ḅụ mama pẹkẹrẹ ma ḅụ sime apụma na, Amọraị apụma na, Hitaị apụma na, Pẹrizaị apụma na, pịkị Jebus apụma na anị chịngị ọgọnọ sẹ mị na, pịkị Hivaị apụma na anị Hamọn Tụndụ mị chuku sime ama mị, anị Mizpa sẹ mị ḅie ḅụ.

Jọshụa 13:8

Rubẹnị na Gadị na sẹma na pịkị Manasẹ sẹ mị ḅụ gbọrị pẹkẹrẹ mị na, Moziz, Nyanaḅọ Ḅe fịrịnwẹngịḅọ ḅe ḍie ini pịrị kiri mị ini ọkịsam, Jọdan Tọrụ mị ḅụ ịrụapakapaka nyọ daọrụ ḅụ anị simemẹ.

Jọshụa 22:4

Mịọkụ, ò yeḅerenisa ḅaraḅụ, Nyanaḅọ ọ́mịna Tamụnọ Ḅe ò deinma se ó juo Izrẹlapụma pịrịsam. Anịẹrẹchị ó vinpịkị so ómine ọkị ọḅụ pịrị ama mị mun, Jọdan mị ḅụ ịrụapakapaka nyọ daọrụ ama mị, anị Moziz, Nyanaḅọ Ḅe fịrịnwẹngịḅọ ḅe se ọ́ pịrị ama mị.

Bẹrẹkọn Apụ 11:18

Anị ini onwun ele mị ḅie ḅọrọsoye-ẹ, Idọm ama mị na pịkị Moab ama mị na kanaḅọrọ se ḅo Moab mị ḅụ ịrụapakapaka nyọ daọrụ mị lamẹ, Anọn Tọrụ mị ḅụ ísí saḅamanga mị. Ini anịju ḅụ ikowarịma pike simemẹ, ọkụma Anọn mị ini anị saḅakẹ anịatịḅị anị ma anị Moab eke mị-ẹ.