Jọshụa 11:4 - Kịrịkẹnị Baịbụl

⁴ Ini inia owuni mamgba se ḅomẹ, tọrụ aka ḅụ onwun ḅaka la ọkụ anị ọmụogbo ma inia owuapụma ḅaka la ọkụ-ẹ. Ini pịkị tọn-a asụn na owuni kporokporo na nwọ nyanamẹ.

Jọshụa 11:4 Iomraidhean Croise

Chukusakị 22:17

à ḅereni na à mịẹḅịa ị́ ḅụ pakaḅoḅịa apụma ini sotọrụ sime lolia ma ḅaka ọkụ ḅakaḅịa pịkị tọrụ aka sime onwun mgbọlụma ḅaka ọkụ ḅakaḅịa. Ị́ furo ḅie pakaḅoḅịa apụma ini ini na taraka apụma ḅụ ọmụḅaraiḅi nyanaḅịa.

Chukusakị 32:12

Ḅiekoroma na ị́ ḅereni ị̀ pịrịmẹ na ị́ mịẹse yelayelaye ị̀rị̀ na lọkọlọkọ tọrọkọ munḅịa, ị́ pịkị mịẹḅịa gbọrịḅọ sọ ineda kịẹnka tomoni ị̀ ḅụ pakaḅoḅịa, tọrụ aka sime onwun ma ḅaka ọkụ ḅaka apụ.”

2 Samụẹl 17:11

Ị̀ya tetema anị, ị́ bebe Izrẹl mị ḅie sime apụ mamgba nwọ chịnḅo koḅirimaḅịa; sẹ mị ḅụ gbọrị ịkọlị ọkịmun ísí ịkọlị la, tọrụaka ḅụ onwun ḅaka ọkụ mị, se ị́rị́ ḅarana ọmụkụlọ mị da ini pịrị.

1 Amanyanapụ 4:20

Juda apụma na Izrẹlapụma na tọrụ aka onwun ḅaka ọkụ anị ini ḅaka ọkụ-ẹ kịẹnḅịpị ḅụ, ini yefị pịkị ḅu mẹ, se ḅieḅẹlẹmẹ.

Fịafịa Nime 20:8

Ọkọ simeapụma inia ḅụọ tọmbụlọ se ini ḅịkịḅịa, ọkụma mine wa sịsẹ kụrọma chịẹḅịa.

Jọshụa 11:5

Mịna amanyanapụ mamgba inia owunima ọkịḅo gboloma se Mirọm Mengi mị nyọ ḅụ ikowarịma pike simemẹ Izrẹlapụma na ọmụgbinḅịa ẹrẹchị.

Bẹrẹkọn Apụ 7:12

Midia apụma na Amalẹk apụma na, pịkị onwun ele mị ḅie sime sẹma ḅie apụma na pẹsịkiri mị ḅie, igurube sara ọkụ se sara sime waraḅẹ, tọrụ aka ḅụ onwun ḅaka la-ọkụ, anị ini nyana ike-nambuloma pịkị ḅaka la-ọkụ-ẹ.

1 Samụẹl 13:5

Filistia apụma ini ḅo koḅirimamẹ Izrẹlapụma na owusọḅịa ẹrẹchị; kporokporo ọmụarụ ḅụ tẹrẹ-a poku na jie ẹndẹ ini nwọ nyanamẹ, asụn ọgọnọ owunima jie ẹndẹ, pịkị owunima ḅaka ḅara, tọrụ aka onwun ḅaka ọkụ ḅakamẹ. Ini so Mikmash mị mun mẹ, Bẹt-Avẹn mị ḅụ ịrụapakapaka nyọ daọrụ ḅụ, se anịju ini ikowarịma pike simemẹ.