Jọshụa 11:23 - Kịrịkẹnị Baịbụl

²³ Jọsụwa ḅe ama mị mgba ori ọkị famamẹ, anị Nyanaḅọ Ḅe tọn Moziz ḅe pịrịsa ḅaraḅụ. Jọsụwa ḅe ori anị seni Izrẹlapụma pịrị se anị iniaye sọmẹ, ọ̀ pịkị anị ḍie ini pịrịmẹ, sẹ sẹ gbọrị kiri gbọrị kiri nwọ ọkịmẹ. Se tomonima ọmụgbin ḅụ ịnyọsaramẹ.

Jọshụa 11:23 Iomraidhean Croise

Nẹhimaya 9:24

Ini Kenan ama mị nẹngịmamẹ; ị́rị́ anịnyọ ḅụ angapụma nẹngịmamẹ. Ị́ya tomonima ị́ kụrọ seni ini pịrịmẹ inia ḅụḅẹlẹ ḅara ini nwọse anịanga ḅụ tomonima na Kenan amanyanapụma na mịẹ.

Fịafịa Nime 46:9

Tomonikiri mgba kelema ori owusọ kikimẹ; ò lubu ma anyịmamẹ, ori angwa ma kọsịmamẹ, ọ̀ pịkị agbọ ma dọkịmamẹ.

Pakaso 34:11

À se mịmgba ọ́ pịrịarị olokoma ọ́ nwọ koko. Amọraị apụma na, Kenan apụma na, Hitaị apụma na, Pẹrizaị apụma na, Hivaị apụma na, pịkị Jebus apụma na àrị ini desinḅịa ọ́ sọmun-arị sịkị.

Izikịẹl 45:8

Mị okpokiriḅa mị, anị ḅẹrẹtọn àrị amanyanaḅọ tọkụ ḅe nyana ḍiekiri-ẹ Izrẹl ama mị ḅie ḅụ, anị mị mịẹse ọ̀ ḅarị tomonima inuma ẹkẹ, ọkụma ọ̀ mịẹḅịa sẹ mị ḅie kirikọn-nyọ ma àrị sime Izrẹl sẹma pịrịḅịa.

Maịnkarama Oloko 1:38

Ọkụma Jọsụwa ḅarachụa ị́ pịrịarịḅọ ḅe kuḅie kụrọma, anị Nọn yaḅe. Ọ̀ tọrọkọda Izrẹlapụma pịrị se ini mun ama mị ọkị se angaḅịa.’

Maịnkarama Oloko 25:19

Anịẹrẹchị, Nyanaḅọ ọ́mịna Tamụnọ Ḅe ama mị se ọ́ pịrị pịkị mịẹse ọ́ gbori kelema ómine na tarakapụma ḅara ḅie gbọrịye sọnị ọ́ lakẹ ḅẹḅẹ, ómine ọrị na Amalẹk apụ mamgba ómine ini ḅaafamamẹ, mịẹse gbọrịḅọ sọnị ḅarị ini se ḅiekoroma ẹka ḅara. Ó se ḅieḅarama ma!

Jọshụa 12:7

Jọsụwa ḅe na Izrẹlapụ mamgba na Jọdan mị ḅụ ịrụasọsọ nyọ daọrụ amanyanapụ mamgba nẹngịmamẹ, Bealgad, Lẹbanọn pẹsịkiri mị ḅie ḅụ ọkịmun Helak Tụndụ mị la anịa chukuju daọrụ Idọm mị na kpeki sẹ mị, Jọsụwa ḅe ama mị ò ḍie se sẹ sẹma pịrịmẹ anị iniaye sọ gbasoḅịa ḅara.

Jọshụa 18:10

Jọsụwa ḅe ori ịkịan wakị se Nyanaḅọ Ḅe ḅịpị gbela ini pịrịmẹ, se Izrẹl mị ḅie kirikọn furoma inia ḍiekiri seni ini pịrịmẹ kọn kirima ḅụ.

Jọshụa 22:4

Mịọkụ, ò yeḅerenisa ḅaraḅụ, Nyanaḅọ ọ́mịna Tamụnọ Ḅe ò deinma se ó juo Izrẹlapụma pịrịsam. Anịẹrẹchị ó vinpịkị so ómine ọkị ọḅụ pịrị ama mị mun, Jọdan mị ḅụ ịrụapakapaka nyọ daọrụ ama mị, anị Moziz, Nyanaḅọ Ḅe fịrịnwẹngịḅọ ḅe se ọ́ pịrị ama mị.

Jọshụa 23:1

Sịkị iḅiọkụ ḅọrọsam Nyanaḅọ Ḅe mịẹse Izrẹl mị dein nyanamẹ ini gbori kelema inina-tarakapụma ḅara ḅie. Anịsịkị mị ḅụ, Jọsụwa ḅe ori iḅiọkụ olomusam,