Jọshụa 11:21 - Kịrịkẹnị Baịbụl

²¹ Mịn sịkị mị ḅụ Jọsụwa ḅe mun opuma godoro apụ sẹ mị kanmẹ, anị ini Anakim nwọse chịn chịngị ọgọnọ sẹ mị ḅie anga apụma, anị Hibrọn na, Diba na, Enab na, pịkị Juda na Izrẹl na nyọ ḅụ sime chịngị ọgọnọ sẹ mị mgba na Jọsụwa ḅe gbọtụma ini ḅaa pịkị inia amama famamẹ.

Jọshụa 11:21 Iomraidhean Croise

Jerimaya 3:23

Chịngị ma ọgọnọ wa kọn àrị oru-a tẹkẹma àrị ḅarachụa wa pịrịkẹ ngịsị. Sime Izrẹl mị pịrị ḅarachụa, Nyanaḅọ, mịna Tamụnọ Ḅe ḅara kẹngẹ mị anị ḅoye-ẹ.

Jerimaya 9:23

Nyanaḅọ Ḅe ọkọ ḅẹmẹ, “Yenemiapụ inia nemi se ḅụbomama, anịkanịka kụrọ apụ inia ịnyọ se bomama, anịkanịka ngọ-kọn-apụ inia ngọ se bomama.

Emọs 2:9

“Anịsọ, ị̀ya tomoni, ọ́mịna tịḅị gose mị àrị okorona okorona Amọraị apụma famaye-ẹ, anị awụ chịn nangwọ ọkụ nangwọ apụma, pịkị kuru kụrọ ọkụ kụrọ apụma.

Kịẹnḅịpị Ma 13:33

wa pịkị godoro apụ furo ḅie apụ ọrịmẹ, anị Anak ḅe ò furo apụma. Anị mịnaḅụ sime ọkụ, ị́ ḅẹḅịa mine ma kala akpakpa awọ-ẹ, wa fịnyọ la-ọkụ mị ḅụ, anị inima sọnị pịkị se wa ḍikiḅịa tọrụ-ẹ.”

Maịnkarama Oloko 1:28

Nde wa gose anịju munḅịaye? Mịna ḅalafaḅẹ. Wa fịrịma mun apụma ḍuko wa pịrịmẹ na nweni ma ini nangwọtẹịn pịkị kụrọtẹịn wa nẹngịmẹ, na ini anga opuamama ḅe onu ma àrị gele mun so lamẹ. Anịju ḅụ ini godoro apụ ọrịmẹ!’

Maịnkarama Oloko 2:21

Anakim apụma gele ọkụ anị ini sọnị gele ọkụ-ẹ. Ini opuma ḅakamẹ, pịkị opu sẹ-ẹ. Ọkụma Nyanaḅọ Ḅe ini ḅaasinmẹ, anịẹrẹchị Amọn apụma inia ama mị ọkị se anịa ḅie angamẹ.

Maịnkarama Oloko 9:2

Tomonima na mịnaḅụ na gele pịkị kụrọ apụ-ẹ; ini ma godoro apụ-ẹ, ini ḍuko ọ́ pịkị naasam na ineda dadama inia tọrọkọ chịẹ-chịẹ ḅọ ngịsị ofori-ẹ.

Jọshụa 10:42

Jọsụwa ḅe mịna amanyanapụma na inia sẹma na gbọrị sịkị ḅụ ori arịmgba ọkịmẹ, anịatịḅị Nyanaḅọ Izrẹl Tamụnọ Ḅe ḅarana ọmụ mị gbin Izrẹl mị pịrịmẹ.

Ḍieḅelema Yema 6:2

À ḍiki ọkụma, gbọrị ḅịaḅịa asụn anị nyọ omi-ẹ. Oria ọgọnọ sime ḅọ ḅe lubu ọ̀ ḅara omi-ẹ, amanyanachu ini nwọse ọ̀ pịrịmẹ se ọmụalaḅọ ḅara ḅụ, ọ̀ pakamun ọmụ mị gbinkan-ẹ mun aḅẹ.

Bẹrẹkọn Apụ 1:20

Moziz ḅe tọnsa ḅaraḅụ, Hibrọn mị ini se Kelẹb ḅe pịrịmẹ, anị opuama mị ḅie Anak furo ḅie apụ tẹrẹ-a sẹma depakụmaḅọ ḅe.