Jọshụa 11:2 - Kịrịkẹnị Baịbụl

² pịkị chịngị ọgọnọ sẹma ḅe amanyanapụma na, ọgọnọju daọrụ, Jọdan Pẹsịkiri anị Galili Ḍapa mị ḅụ na, chuku daọrụ mị na, chịngịma chuku ma, pịkị Do tọrụ aka mị na kpekima sime nyọ mị ḅe amanyanapụ mamgba na fịrịmamẹ.

Jọshụa 11:2 Iomraidhean Croise

1 Amanyanapụ 15:20

Amanyanaḅọ Bẹnhadad ḅe ò ḅerenimẹ Esa ḅe seni ọ̀ ḅẹye mị, se ori oria ọmụtịḅịdapụ ma na oria ọmụogbo mị na fịrịma se ini owu seni Izrẹl opuamama pakamẹ. Ini Ijọn mị na, Danị mị na, Ebẹl Bẹt Meaka mị na, anị Galili Ḍapa mị na kpeki nyọ mị, pịkị bebe Naftalaị eke mị mgba na ọkịmẹ ọmụ ḅie.

1 Amanyanapụ 4:11

Bẹn Abinadab, Sọlọmọn ḅe ḅarọ Tafat ma na simeḅọ ḅe, bebe Do pẹkẹrẹ mị mgba ḍikiḍikimẹ

Kịẹnḅịpị Ma 34:11

Anịsịkịre mị anị chuku daọrụ ḅụ ọkịmun Habel, anị Aịn mị ḅụ ịrụapakapaka nyọ mị la, se anịju ḅụ sakị mun Galili Ḍapa mị ḅụ ịrụapakapaka nyọ da anga ḅụ sime chịngịma laḅịa,

Luk Iḅi Ḅẹrẹ Mị 1:39

Anị mị ḅo ḅọrọ kirikiri, Meri ma á ḅụkarakarama se be paka Judia sẹ mị ḅie sime chịngị mị ḅie gbọrị ama nwọ mun mẹ.

Luk Iḅi Ḅẹrẹ Mị 5:1

Gbọrị ene Jizọs Ḅe Gẹnẹsarẹt Ḍapa mị aka ḅụ chịẹ simemẹ, tomonima pụnụma Ọ̀ damaḅomẹ, Tamụnọ ọkwẹịn mị naaḅịa ẹrẹchị.

Jọshụa 10:40

Jọsụwa ḅe bebe sẹ mamgba ori árị nẹngịmamẹ. Chịngị ọgọnọ sẹma ḅe amanyanapụma ori ini nẹngịmamẹ ịrụapakapaka nyọ daọrụ ḅụ tukoro anga ma ḅụ sime amama na, pịkị chịngịma chuku sime amama na, anị ịrụasọsọ nyọ daọrụ ḅụ, pịkị kpoinkpoin kiri sẹma ḅụ, chukuju daọrụ ḅụ sime amama na. Gbọrịḅọ sọnị ọ̀ kọnmakẹ; nweni mamgba ọ̀ ḅaafamamẹ. Mịn anị Nyanaḅọ Izrẹl Tamụnọ Ḅe tọn ọkụ-ẹ.

Jọshụa 10:6

Gibiọn apụma ḅịpị se Jọsụwa ḅe fịrịmamẹ Gilgalị mị ḅie ini ikowarịma pike sime nyọ mị ḅụ, se nwọse ọ̀ ḅẹmẹ: “Mine ị́ya fịrịnwẹngịapụma se sarakoromama! Saramaḅo ḅarachụa wa pịrị se wa ḍụaḅọrọma! Chịngị ma ọgọnọ sime Amọraị apụ mamgba inia owunima ọkịḅo gboloma se owuse wa pakasam!”

Jọshụa 11:16

Jọsụwa ḅe, ama mamgba ori ọkịmẹ chịngị ọgọnọ amama na, chịngị mị chuku amama na, ọgọnọju daọrụ mị na chukuju daọrụ mị na, Goshẹn pẹkẹrẹ mị mgba na pịkị anịa chukuju daọrụ ḅụ kpoinkpoin kiri amama na, pịkị Jọdan Pẹsịkiri mị na.

Jọshụa 11:21

Mịn sịkị mị ḅụ Jọsụwa ḅe mun opuma godoro apụ sẹ mị kanmẹ, anị ini Anakim nwọse chịn chịngị ọgọnọ sẹ mị ḅie anga apụma, anị Hibrọn na, Diba na, Enab na, pịkị Juda na Izrẹl na nyọ ḅụ sime chịngị ọgọnọ sẹ mị mgba na Jọsụwa ḅe gbọtụma ini ḅaa pịkị inia amama famamẹ.

Jọshụa 12:23

Do (tọrụ mị aka ḅụ sime sẹ mị na), Goyịm (Galili mị ḅie sime sẹ mị na),

Jọshụa 12:3

Jọdan Pẹsịkiri mị sọnị anịa ḅie omi-ẹ, Galili Ḍapa mị ḅụ sakị chukuju daọrụ ọkịmun Bẹt-Jeshimọt mị la (Jikeka Opu Tọrụ mị ḅụ ịrụapakapaka nyọ daọrụ mị) pịkị somun Pisga Tụndụ mị chuku la.

Jọshụa 13:27

Jọdan Pẹsịkiri mị ḅie ḅụ ma amama sọ ḅie omi-ẹ, Bẹt Heram mị na, Bẹt Nimra mị na, Sọkọt mị na, pịkị Zefọn mị na, anị Amanyanaḅọ Saịhọn, Hẹshbọn amanyanaḅọ ḅe oria amanyanakiri ma ḅụ kọn aye ma-ẹ. Jọdan Tọrụ mị anị inia eke mị-ẹ, ịrụasọsọ nyọ daọrụ ḅụ, pịkị ọgọnọju daọrụ ḅụ ọkịmun Galili Ḍapa mị sọnị nwọ lamẹ.

Jọshụa 17:11

Ịsaka ḅe na Asha ḅe na ogboku sime eke ma ḅie ḅụ mịna amama sime Manasẹ ḅe pịrịmẹ: Bẹt Shan mị na Ibleam mị na pịkị àrị kelema amama na, pịkị Do mị na (anị tọrụ aka ḅụ simeye mị), Ẹndọ mị na, Teanak mị na, Mẹgido mị na, pịkị àrị kelema amama na.

Bẹrẹkọn Apụ 1:27

Manasẹ sẹ mị anị opuamama ḅie anga sime apụma depakụmakẹ anị Bẹt Shan na, Teanak na, Do na, Ibleam na, Mẹgido na, pịkị àrị na kpeki amama na; Kenan apụma ini pa pịkị anịju ḅụ anga mamunmẹ.