Jọshụa 11:15 - Kịrịkẹnị Baịbụl

¹⁵ Nyanaḅọ Ḅe ori oria olokoma chụa Moziz oria fịrịnwẹngịḅọ ḅe pịrịmẹ, Moziz ḅe àrị se Jọsụwa ḅe pịrịmẹ, se Jọsụwa ḅe àrị kokomẹ. Nyanaḅọ Ḅe tọn Moziz ḅe pịrịye goyegoye ḅụ ọ̀ mịẹkaye ofori-ẹ.

Jọshụa 11:15 Iomraidhean Croise

2 Amanyanapụ Sịkị Mịẹaye Ma 30:12

Tamụnọ Ḅe sọnị Juda mị ḅieḅụ ọ̀ fịrịnwẹngịaḅẹ. Ò tomonima gbolomamẹ inia kuḅietọn ini mịẹḅịa ḅẹye mị ḅụ, ini ọ̀ ḅịpịpoki se amanyanaḅọ ḅe na oria fịrịtịḅịnị ma na tọnye mị mịẹḅịa ọkụ.

Kịẹnḅịpị Ma 33:50

Moab ḅele kiri mị Jọdan Saḅamanga ḅụ Jẹriko ateli mị ḅie ḅụ ḅoarị ọkụma, anịanga ḅụ Nyanaḅọ Ḅe

Kịẹnḅịpị Ma 33:52

ama mị ḅie angapụ mamgba ómine ini depakụma. Ini ḍụparị na ikulele na se tẹmẹ oru ma na pịkị inia tẹkẹ kiri mamgba ọ́ kansin.

Matio 23:23

“Sifụla sime ọ́ pịrị, ómine Oloko ḍieapụ na Farisiapụ na! Epekelepepe-a tomoni! Oyi-a kiri ḅe gbọrị kiri ọ́ nwọse Tamụnọ Ḅe pịrịmẹ, fịye ḅẹlẹma ịnyanyama ḅụ sọnị, ọgụ na, kụnụḍiri na, ọha na, pembe-aye, ọkụma yeḅụsọtẹịn ḅara sime Oloko mị ḅe-a ḍieyema ọ́ nwọse yechịnkẹ, karakara ḅẹrẹkọn na, ḍikiḅụgerere nyana na, jịnḅọ inumaka na, pembe-aye ma. Mà ma mị ó se mịẹmịẹye ḅụ chu gbẹịn aye ma-ẹ, ísíaye ma ḅụḅarasinka ḅụ.

Luk Iḅi Ḅẹrẹ Mị 11:42

“Anị ḅalafamaye sọ ọ́ pịrị ọkụ ḍiki, ómine Farisiapụma! Ọ́ kụnụ yechụọ ịnyanya layelaye ḅụ oyi-a kiri ḅe gbọrị kiri se Tamụnọ Ḅe pịrịaḅẹ, kụnụḍiri na olubu kịkẹ ịnyanya ma na, ọkụma ḅẹrẹ karakaraye na ḅẹlẹma na ọ́ nwọ ḍikitọrụsinmẹ Tamụnọ Ḅe ḅụ. Mayema anị ọ́ mịẹ gbẹịnye-ẹ, ísí ayema nwọ ḍikitọrụsinka ḅụ.

Okunwẹngịapụ 20:20

Ó nemimẹ na ḅarachụa ọ́ pịrịḅịaye ḅụ à se ọ́ ḅọịma gbọrị kalaye sọnị ofori-ẹ, à nwọ amaogbo na pịkị ọ́mịna warịma ḅie Tamụnọ ḅẹrẹ mị ḍukoarị sịkị ḅụ.

Okunwẹngịapụ 20:27

Anịatịḅị Tamụnọ Ḅe tọn koroma se à ḍuko ọ́ pịrịka se ọlọchịẹmaye ofori-ẹ.

Maịnkarama Oloko 12:32

“À tọn se ọ́ pịrịye goyegoye ọ́ nwọ mịẹ, ó yese chụama ọ́ pịkị ye sinma.

Maịnkarama Oloko 31:3

Nyanaḅọ ọ́mịna Tamụnọ Ḅe ḅarana tọrọkọda ọ́ pịrị se anịju ḅụ sime sẹma kansinḅịa, mịẹse ómine ineda inia amama ọkị se angaḅịa ọkụ; se Jọsụwa ḅe ọ́mịna tịḅịnịḅọ sọḅịa, Nyanaḅọ Ḅe ḍukosa ḅaraḅụ.

Maịnkarama Oloko 31:5

Nyanaḅọ Ḅe ọ̀ mịẹ sarasarama ọ́ pịrịse ómine ini nẹngịmaḅịa. Anịsịkị àrị ọ́ ḅẹ na se ini mịẹ nwọḅẹ ḅara mị ọ́ nwọse ini mịẹ.

Maịnkarama Oloko 31:7

Anị Moziz ḅe Izrẹlapụ mamgba tọrọkọ ḅụ Jọsụwa ḅe chịn se nwọse ọ̀ ḅẹye-ẹ, “Ịnyọ chụa pịkị kụrọ kuḅie nyana; ị́rị́ anị mịna apụma se mun Nyanaḅọ Ḅe ḅereni inia olomu-aḍapụma pịrịsa ama mị ọkị angaḅịaye-ẹ.

Maịnkarama Oloko 4:2

À tọn ọ́ pịrịye ḅụ ọ́ gbọrịye sọnị se chụama, ọ́ pịkị anịaḅụ ye sinma. Nyanaḅọ ọ́mịna Tamụnọ Ḅe olokoma ọ́ nwọ koko anị à se ọ́ pịrịsa yema.

Maịnkarama Oloko 4:5

“Oloko mamgba à se ó ḍiesosam, anị ị̀ Nyana Tamụnọ Ḅe ị̀ ḅẹ na à mịẹ nwọḅẹ ḅaraḅụ. Ómine àrị koko ó mun owu se paka se ọkị anga-ẹmun-arị ama mị ḅie.

Maịnkarama Oloko 7:2

Nyanaḅọ ọ́mịna Tamụnọ Ḅe mịna apụ mamgba se ọ́mịna kụrọ chukuḅie koroma se ini nẹngịmasa ḅẹḅẹ, inimgba ómine ini ḅaafama. Ómine ini na ḅịpịogbosọ nyanama, ọ́ pịkị ini ḍikitịḅịfoinma.

Jọshụa 1:7

Ị́rị́ pa ịnyọ chụa pịkị kụrọ kuḅie nyana; pịkị ọrị na ị̀ya fịrịnwẹngịḅọ Moziz ḅe chụa se ọ́ pịrị oloko mamgba ó kokomẹ. Arịaḅụ gbọrị pẹkẹrẹ sọnị se papaye mịẹma se ị́ mun-anga-mun-anga ye ị́rị́ na iḅiḅịa.

Jọshụa 11:12

Jọsụwa ḅe mịna opuama mamgba na arịa amanyanapụma na ọkị, pịkị inimgba ḅaafamamẹ, anị Moziz, Nyanaḅọ Ḅe fịrịnwẹngịḅọ ḅe tọnsa ḅaraḅụ.

Jọshụa 11:14

Izrẹlapụma mịna opuamama ḅie yelaye ma na pịkị inia namama na ọkị se somẹ. Ọkụma tomoniḅọ goyegoye ini ḅaamẹ; ḍumo ḅụ sime gbọrịḅọ sọnị ofori-ẹ.

Jọshụa 11:16

Jọsụwa ḅe, ama mamgba ori ọkịmẹ chịngị ọgọnọ amama na, chịngị mị chuku amama na, ọgọnọju daọrụ mị na chukuju daọrụ mị na, Goshẹn pẹkẹrẹ mị mgba na pịkị anịa chukuju daọrụ ḅụ kpoinkpoin kiri amama na, pịkị Jọdan Pẹsịkiri mị na.

1 Samụẹl 15:11

“Anị ị̀ ngịrịmamẹ à Sọl ḅe se amanyanaḅọ mịẹye mị; ori ị̀ ḅụ vinpịkị so se ḅarị ị̀ ḅịpịpokikẹ à tọn ọ̀ pịrịayema ḅụ.” Samụẹl ḅe anị ò ḅụosọmẹ, se bebe ḍin mị mgba ọ̀ Nyanaḅọ Ḅe tẹkẹmẹ owuḅụ.