Jọshụa 11:14 - Kịrịkẹnị Baịbụl

¹⁴ Izrẹlapụma mịna opuamama ḅie yelaye ma na pịkị inia namama na ọkị se somẹ. Ọkụma tomoniḅọ goyegoye ini ḅaamẹ; ḍumo ḅụ sime gbọrịḅọ sọnị ofori-ẹ.

Jọshụa 11:14 Iomraidhean Croise

2 Amanyanapụ Sịkị Mịẹaye Ma 20:25

Jẹhoshafat ḅe na oria owunima na nwẹngị mun owu-ḅie-siaye ma tan-ẹmunmẹ, se ini tọn aye ọrịmẹ, nambulo na, fịaye na, ḅụchụaye na, tọn-a yela ngọ na. Tẹrẹ-a ene ini nwọse mayema koḅirimẹ, ọkụma yema opuma ḅaka ẹrẹchị ini ineda àrị koḅiri sokẹ.

Kịẹnḅịpị Ma 31:9

Izrẹlapụma ini Midiapụ eremeni ma na awọmẹnịma na inia nambuloma na ananama na kunsomẹ, anịsịkị inia ngọ mamgba ọfọịn ọkịmẹ,

Maịnkarama Oloko 20:14

Opuama mị ḅie sime eremeni ma na, awọmẹnịma na, namama na pịkị jịn aye na, ómine ineda ọkịḅịa. Ómine na tarakapụma nyanaye goyegoye ómine ineda ọkị se warị angaḅịa. Nyanaḅọ Ḅe se ọ́ pịrịmẹ.

Maịnkarama Oloko 20:16

“Ọkụma Nyanaḅọ ọ́mịna Tamụnọ Ḅe se ọ́ pịrịarị amama ḅie sime opuamama ọ́ nwọ ọkịsa ḅẹḅẹ, nweni mamgba ọ́ ḅaafama.

Jọshụa 10:40

Jọsụwa ḅe bebe sẹ mamgba ori árị nẹngịmamẹ. Chịngị ọgọnọ sẹma ḅe amanyanapụma ori ini nẹngịmamẹ ịrụapakapaka nyọ daọrụ ḅụ tukoro anga ma ḅụ sime amama na, pịkị chịngịma chuku sime amama na, anị ịrụasọsọ nyọ daọrụ ḅụ, pịkị kpoinkpoin kiri sẹma ḅụ, chukuju daọrụ ḅụ sime amama na. Gbọrịḅọ sọnị ọ̀ kọnmakẹ; nweni mamgba ọ̀ ḅaafamamẹ. Mịn anị Nyanaḅọ Izrẹl Tamụnọ Ḅe tọn ọkụ-ẹ.

Jọshụa 11:11

Anịju ḅụ simeḅọ goyegoye ini ḅaamẹ; gbọrịḅọ sọnị ḍumokẹ, opuama mị sọnị ini dọkịmamẹ.

Jọshụa 11:13

Ọkụma chịngịma ọgọnọ ḅụ sime opuamama ḅie Izrẹlapụma ini dọkịmaye ofori-ẹ, Hezọ mị sikima ọkụma anị Jọsụwa ḅe dọkịmaye mị.

Jọshụa 11:15

Nyanaḅọ Ḅe ori oria olokoma chụa Moziz oria fịrịnwẹngịḅọ ḅe pịrịmẹ, Moziz ḅe àrị se Jọsụwa ḅe pịrịmẹ, se Jọsụwa ḅe àrị kokomẹ. Nyanaḅọ Ḅe tọn Moziz ḅe pịrịye goyegoye ḅụ ọ̀ mịẹkaye ofori-ẹ.

Jọshụa 8:2

Ị́ se Jẹriko mị na anịa amanyanaḅọ ḅe na mịẹ ọkụ anị ị́ pịkị se Eaị mị na anịa amanyanaḅọ ḅe na mịẹḅịa ọkụ-ẹ, ọkụma mị sịkị anịa ngọma na namama na ómine árị ọkịḅịa. Ḅụkarakarama se ọḅụ owu se opuama mị paka.”

Jọshụa 8:27

Izrẹlapụma opuama mị ḅie ini kun namama na ngọma na ini ọkịmẹ, Nyanaḅọ Ḅe ḍuko Jọsụwa ḅe pịrịsa ḅaraḅụ.