Jọshụa 11:12 - Kịrịkẹnị Baịbụl

¹² Jọsụwa ḅe mịna opuama mamgba na arịa amanyanapụma na ọkị, pịkị inimgba ḅaafamamẹ, anị Moziz, Nyanaḅọ Ḅe fịrịnwẹngịḅọ ḅe tọnsa ḅaraḅụ.

Jọshụa 11:12 Iomraidhean Croise

Maịnkarama Oloko 7:2

Nyanaḅọ ọ́mịna Tamụnọ Ḅe mịna apụ mamgba se ọ́mịna kụrọ chukuḅie koroma se ini nẹngịmasa ḅẹḅẹ, inimgba ómine ini ḅaafama. Ómine ini na ḅịpịogbosọ nyanama, ọ́ pịkị ini ḍikitịḅịfoinma.

Maịnkarama Oloko 9:3

Ọkụma mịọkụ ọ́ ḅarana ọrịḅịa na Nyanaḅọ ọ́mịna Tamụnọ Ḅe kọrịarị owoi fịnị ḅara nwọse ọ́mịna tọrọkọ pẹlẹma munḅịa. Ori ini nẹngịmaḅịa ọ́ nwẹngị tọrọkọ mun-arị sịkị, mịẹse ori ini depakụma se ọ́ sarasarama ini ḅaasinḅịa ọkụ, anị ò ḅereni ọ́ pịrịsa ḅaraḅụ.

Jọshụa 10:20

Jọsụwa ḅe na Izrẹlapụma na tomonima ḅaamẹ, iniaḅụ dapụ mangị mun opuama mị onuma ḅie sọḅọị se ḅarị fị̀kẹ.

Jọshụa 10:28

Anị ene mị ḅụ Jọsụwa ḅe ori owuse Makida mị paka se anị ọkịmẹ pịkị anịa amanyanaḅọ ḅe na. Opuama mị ḅie simeḅọ goyegoye ọ̀ ḅaamẹ; gbọrịḅọ kẹngẹ sọnị ḍumokẹ. Ò se Jẹriko amanyanaḅọ ḅe mịẹ ọkụ anị ọ̀ pịkị se Makida amanyanaḅọ ḅe mịẹ ọkụ-ẹ.

Jọshụa 10:30

Nyanaḅọ Ḅe pịkị mịẹ sarasarama Izrẹl mị pịrị se, ini mịn opuama kan pịkịna anịa amanyanaḅọ ḅe na nẹngịmamẹ. Gbọrịḅọ kẹngẹ sọnị ini kọnmakẹ, ọkụma anịa ḅie simeḅọ goyegoye ini ḅaamẹ. Ini se Jẹriko amanyanaḅọ ḅe mịẹ ọkụ anị ini pịkị se ḅe amanyanaḅọ ḅe mịẹ ọkụ-ẹ.

Jọshụa 10:32

Ọmụ mị gbin mama ḍin karama ene mị ḅie Nyanaḅọ Ḅe ọ̀ mịẹ sarasarama Izrẹlapụma pịrị se ini Lekish ama mị nẹngịmamẹ. Libna mị ḅie ini mịẹ gbọrị ḅara anị ini mịẹ ọkụ-ẹ, gbọrịḅọ sọnị ini kọnmakẹ, ọkụma opuama mị ḅie simeḅọ goyegoye ini ḅaamẹ.

Jọshụa 10:35

Anị gbọrị ene mị ḅie ini anị ọkịmẹ pịkị tomoni mamgba ḅaasinmẹ, anị Lekish mị ḅie ini mịẹ ọkụ mị.

Jọshụa 10:37

se pịkị anị ọkịmẹ. Ini amanyanaḅọ ḅe ḅaamẹ pịkị anịa ḅie sime apụ mamgba na pịkị anị na kpeki amama ḅie sime apụ mamgba na. Jọsụwa ḅe ọ̀ kụrọ pịrịmẹ na opuama mị ini okorona okorona anị famasin, anị ò se Ẹglọn mị mịẹ ọkụ mị. Anịa ḅie sime se ḍumo gbọrịḅọ sọnị ofori-ẹ.

Jọshụa 11:13

Ọkụma chịngịma ọgọnọ ḅụ sime opuamama ḅie Izrẹlapụma ini dọkịmaye ofori-ẹ, Hezọ mị sikima ọkụma anị Jọsụwa ḅe dọkịmaye mị.

Jọshụa 11:15

Nyanaḅọ Ḅe ori oria olokoma chụa Moziz oria fịrịnwẹngịḅọ ḅe pịrịmẹ, Moziz ḅe àrị se Jọsụwa ḅe pịrịmẹ, se Jọsụwa ḅe àrị kokomẹ. Nyanaḅọ Ḅe tọn Moziz ḅe pịrịye goyegoye ḅụ ọ̀ mịẹkaye ofori-ẹ.

Jọshụa 13:6

Mịn mị bebe Saịdọn apụ pẹkẹrẹ mị mgba anịa ḅụ omi-ẹ, anị Lẹbanọn Tụndụ ma na pịkị Misrẹfọt Meim mị na ogboku anga chịngị ọgọnọ sẹ mị ḅe apụ ma-ẹ. Izrẹlapụma nwẹngị sọmun-arị sịkị à mịna sẹma ḅie anga apụ mamgba depakụmaḅịa. À tọn ị́ pịrị ḅọrọsa ḅaraḅụ, kiri mị ị́ ḍie Izrẹlapụma pịrịḅịa.

Jọshụa 21:44

Nyanaḅọ Ḅe ò deinma se ini pịrịmẹ bebe ama mị mgba ḅie ḅụ, anị ọ̀ wẹrị yeḅereni inia olomu-a ḍapụma pịrịsa ḅaraḅụ. Ini na tarakapụma ḅụ gbọrị apụ sọnị ineda ini dakẹ, anịatịḅị Nyanaḅọ Ḅe, ọ̀ mịẹ sarasarama Izrẹlapụma pịrịmẹ ini na tarakapụ mamgba ḅụ.

Jọshụa 8:31

Moziz, Nyanaḅọ Ḅe fịrịnwẹngịḅọ ḅe tọn ḅara, mị anị ò se anị mịẹ ọkụ-ẹ anị Moziz Oloko mị ḅie anị gịẹịn koroma ḅara mị: “ini ikulele se wolika ḍụparịma se nama agbamịẹ ẹbẹ.” Anị ọgọnọ ḅụ ini dọkịma agbama mịẹ se Nyanaḅọ Ḅe pịrịmẹ, pịkị gboloma agbamịẹ ḍiepịrịayema sọnị ini se ḅomẹ.

Jọshụa 8:8

Ómine opuama mị ọkịsa ḅẹḅẹ ọ́ fịnị se anịaḅụ chụa, Nyanaḅọ Ḅe tọnsa ḅaraḅụ. Ma anị à se ọ́ pịrị kụrọma-ẹ.”

Jọshụa 9:24

Ini nwọse ọ̀ pẹkẹrẹmẹ, “Mine ị́ya fịrịnwẹngịapụma anị na kụrọmamẹ na Nyanaḅọ ọ́mịna Tamụnọ Ḅe kụrọ se oria fịrịnwẹngịḅọ Moziz ḅe pịrịmẹ na ọ̀ mị bebe sẹ mị mgba se ọ́ pịrịḅịa se anịa ḅie sime apụ mamgba ḅaasin ọ́ sọḅoarị sịkị. Wa gose ọkọ mịẹye, wa ó ḍikiḅalafamẹ; mịna ḍumo ma gose ḅalafa mịnaḅụ sọmẹ.