Jọshụa 10:8 - Kịrịkẹnị Baịbụl

⁸ Nyanaḅọ Ḅe nwọse Jọsụwa ḅe ḅẹmẹ, “Ini ḍiki ḅalafama. Ọmụḅaraiḅi mị à se ị́ pịrị ḅọrọsam. Iniaḅụ gbọrịḅọ sọnị ineda ị́ tọrọkọ chịẹ ẹkẹ.”

Jọshụa 10:8 Iomraidhean Croise

1 Amanyanapụ 20:13

Anịsịkị mị ḅụ, gbọrị ịkịankoroḅọ so Amanyanaḅọ Ehab ḅe damamun se nwọse ọ̀ ḅẹmẹ, “Nyanaḅọ Ḅe nwọ ḅẹmẹ, ‘Anị opu ọmụogbo mị anị ḍikiḅalafama! Ị́ se anị nẹngịmaḅịa ọmụḅaraiḅi à nwọse ị́ pịrịḅịa mịmgba, se ị́ nemiḅịa na ị̀rị̀ anị Nyanaḅọ Ḅe-ẹ.’”

Romapụ 8:31

Maye mamgba ḅụ, cheye wa ineda nwọ ḍuko ḅe? Tamụnọ Ḅe nemikase mịna ḅụ simemẹ ḅẹ ọkụma, tụḅọ ineda mine na ye mịẹ ḅe?

Maịnkarama Oloko 3:2

Ọkụma Nyanaḅọ Ḅe nwọse ị̀ ḅẹmẹ, ‘Ò ḍikiḅalafama. Àrị ori na, oria tomonima na, pịkị oria sẹ mị mgba nwọse ị́ pịrịḅịa. Ị́ se Saịhọn Amọraị amanyanaḅọ Hẹshbọn mị ḅie ḅẹrẹtọn simeḅọ ḅe mịẹ ọkụ nwọse ọ̀ mịẹ.’

Maịnkarama Oloko 7:24

Ori inia amanyanapụma se ọ́mịna ḅara dẹrịḅịa. Se ómine ini ḅaaḅịa se tomoni ini seni ḅieḅaramaḅịa. Ineda ómine dachịẹmaḅịaḅọ ofori-ẹ; ó tomoni goyegoye ḅaafamaḅịa.

Jọshụa 10:25

Anịsịkị Jọsụwa ḅe nwọse oria ọmụtịḅịdapụ ma ḅẹmẹ, “Ọ́ ḅalafama ọ́ pịkị ó kuḅie lọkọmama. Ómine ịnyọchụa pịkị kụrọkuḅie nyana anịatịḅị mị Nyanaḅọ Ḅe se ómine-na-tarakapụ mamgba mịẹḅịa ọkụ-ẹ.”

Jọshụa 10:9

Bebe ḍin mị mgba Jọsụwa ḅe na oria ọmụogbo mị na Gilgalị mị ḅụ nwẹngị Gibiọn mị mun mẹ, ini pịkị bẹkẹma owu se Amọraị apụma pakamẹ.

Jọshụa 11:6

Nyanaḅọ Ḅe nwọse Jọsụwa ḅe ḅẹmẹ, “Ini ḍikiḅalafama. Ḅa nwọ pembe ḅiri laḅịa sịkị àrị inimgba ḅaa Izrẹl mị pịrị sosam. Ị́ inia asụnma mịẹse árị ikeliḅịa pịkị inia kporokporoma dọkịmaḅịa.”

Jọshụa 8:1

Nyanaḅọ Ḅe nwọse Jọsụwa ḅe ḅẹmẹ, “Owuni mamgba ọkị ị́ ḅụchụa se ini na so Eaị ama mị mun. Ḅalafama pịkị kuḅie lọkọmama. Àrị anị mịẹ sarasarama ị́ pịrịḅịa ị́ Eaị amanyanaḅọ ḅe nẹngịmaḅịa; oria tomonima na, opuama mị na, pịkị amakiri mị na ị́yaye sọḅịa.

Bẹrẹkọn Apụ 6:16

Nyanaḅọ Ḅe nwọse ọ̀ pẹkẹrẹmẹ, “Ị́ ineda ḅịa anịatịḅị à ḅarachụa ị́ pịrịḅịa. Ị́ se Midia apụma kọsịmaḅịa ḅara, ị́ ḅẹḅịa na ini mgba gbọrịḅọ kẹngẹ-ẹ.”

Bẹrẹkọn Apụ 7:9

Anị ḍin mị ḅie Nyanaḅọ Ḅe nwọse Gidiọnị ḅe ḅẹmẹ, “Sịsẹ owu se ini pike sime ikowarịma paka; à mịẹ sarasarama ị́ pịrịse ị́ ini nẹngịmaḅịa.

1 Samụẹl 17:47

se mịanga simeḅọ goyegoye ọrịḅịa na Nyanaḅọ Ḅe ori okola-agiji anịkanịka sụḅa ḅikẹ oria tomonima ḍụaḅọrọma mị ḅụ. Ọmụḅaraiḅi mị oriaye-ẹ, ọ̀ pịkị ómine mgba se mịna ḅaraḅie dẹrị se wa ọ́ ḅụ kụrọkọnḅịa.”