Jọshụa 10:6 - Kịrịkẹnị Baịbụl

⁶ Gibiọn apụma ḅịpị se Jọsụwa ḅe fịrịmamẹ Gilgalị mị ḅie ini ikowarịma pike sime nyọ mị ḅụ, se nwọse ọ̀ ḅẹmẹ: “Mine ị́ya fịrịnwẹngịapụma se sarakoromama! Saramaḅo ḅarachụa wa pịrị se wa ḍụaḅọrọma! Chịngị ma ọgọnọ sime Amọraị apụ mamgba inia owunima ọkịḅo gboloma se owuse wa pakasam!”

Jọshụa 10:6 Iomraidhean Croise

2 Amanyanapụ 4:24

Anịsịkị á yese yepụra asụn ḅe ọgọnọ ise se ọ̀ ḅụkụlọ se nwọse fịrịnwẹngịḅọ ḅe ḅẹmẹ, “Mịẹse yepụra asụn ḅe ori inedaḅịa ḅara ọ̀ nwọse mangị, se ngịsị ḅara lọkọma ma, à jịn ọkụse ị́ ḅẹmẹ sikima ọkụma.”

Fịafịa Nime 125:2

Tụndụ ma Jerusalẹm mị gbori kelema ọkụ, anị Nyanaḅọ Ḅe oria tomonima gbori kelema ọkụ-ẹ, mịọkụ na sịkịmamgba na.

Aịzaya 33:22

Nyanaḅọ Ḅe-na-mịnaḅụ na mịna amanyanaḅọ sọḅịa; ọ̀ ḅẹrẹtọn wa pịrịḅịa ọ̀ pịkị tịḅị kikima nyọ sọ wa pịrịḅịa.

Kịẹnḅịpị Ma 13:29

Ama mị ḅie chukuju daọrụ ḅụ mị Amalẹk apụma simeye-ẹ; Hitaị apụma na, Jebus apụma na pịkị Amọraị apụma na chịngị ọgọnọ sẹ mị ḅie anga mẹ; Kenan apụma pịkị Mẹditirenia Opu Tọrụ mị aka ḅụ angamẹ, Jọdan Tọrụ mị aka ḅụ na.”

Luk Iḅi Ḅẹrẹ Mị 1:39

Anị mị ḅo ḅọrọ kirikiri, Meri ma á ḅụkarakarama se be paka Judia sẹ mị ḅie sime chịngị mị ḅie gbọrị ama nwọ mun mẹ.

Maịnkarama Oloko 1:15

Anịẹrẹchị ọ́mịna sẹma ḅie ọ́ sẹlẹḅo yenemi pịkị tọrụkirila owuapụma, à nwọ ọkị seni ọ́mịna tịḅịnị nwọ mịẹmẹ. Inia ḅie dapụ kịnị-a mẹndẹ oyiasi fịnjị nwọ ḍikiḍikimẹ, dapụ kịnị-a sọnọasi ḍikiḍikimẹ, dapụ mesi oyi fịnjị, dapụ pịkị oyi apụ ḍikiḍikimẹ. À pịkị jịn tịḅịnị tọn koromamẹ bebe sẹ sẹ mamgba ḅieḅụ.

Jọshụa 10:5

Mịn sọnọ-a Amọraị amanyanapụma, Jerusalẹm mị na, Hibrọn mị na, Jamọt mị na, Lekish mị na, pịkị Ẹglọn mị na amanyanapụma inia owuni ọkịḅo gboloma, Gibiọn mị ḍẹkị kelema se owuse anị pakamẹ.

Jọshụa 10:7

Anị Jọsụwa ḅe na oria ọmụogbo mị mgba na, pịkị ọmụgbintẹịn kpo mamgba na, Gilgalị mị ḅie sakị ini damamunye-ẹ.

Jọshụa 21:11

Aba opuama mị ini nwọse ini pịrịmẹ (Aba ḅe anị Anak ḍaḅe-ẹ), mịọkụ ini nwọse anị chịnmẹ Hibrọn, Juda chịngị ọgọnọ sẹ mị ḅie ḅụ, pịkị anị kelema namama fịfị osuein kiri mị na.

Jọshụa 5:10

Izrẹlapụma Gilgalị mị ḅie ḅụ ikowarịma pike sime sịkị anị Jẹriko na kpeki ele mị ḅie ini Saḅaḅọrọ Alalị fịmẹ akalụ mị ḅie oyi inein-a ḍin fịnjị karama ene mị ḅe sasoḅiri ḅụ.

Jọshụa 9:15

Jọsụwa ḅe na Gibiọn apụma na deinma ḅịpịogbosọ nyana se ini ini wẹrịso se ini ḍumomẹ. Izrẹlapụma inia ama sẹnịapụma kụrọma yekarị fịmẹ na deinma ḅịpịogbosọ mị ini anị kokoḅịa.

Jọshụa 9:6

Anịsịkị ini so ikowarịma pike sime nyọ mị mun mẹ Gilgalị mị ḅie, se nwọse Jọsụwa ḅe na Izrẹlapụma na ḅẹmẹ, “Wa sime ḅo sẹ mị ḅọlọmẹ. Wa ḅimẹ wa ómine na deinma ḅịpịogbosọ nwọ nyana.”

Jọshụa 9:8

Ini nwọse Jọsụwa ḅe ḅẹmẹ, “Mine ị́ya fịrịnwẹngịapụ-ẹ.” Jọsụwa ḅe nwọse ini gbelamẹ, “Ómine tapụ? Nde anga ó sime ḅo?”