Jọshụa 10:41 - Kịrịkẹnị Baịbụl

⁴¹ Jọsụwa ḅe, Kedẹsh Banea chukuju daọrụ sime sẹma ḅụ sakị ini nẹngịma mun Gaza tọrụ aka na kpekima sime-a nyọma lamẹ, pịkị Goshẹn sẹ mị mgba ḅụ ọkịmun Gibiọn ọgọnọju daọrụ sime sẹma lamẹ.

Jọshụa 10:41 Iomraidhean Croise

Chukusakị 10:19

Kenan eke mị anị mun Saịdọn ḅụ chukuda ọrụ ḅụ Gira na kpeki Gaza mị lamẹ; anị pịkị ịrụapakapaka nyọ daọrụ ḅụ mun Sọdọm na Gomọra na Adma na, Zẹboịm na, anị Lesha na kpeki nyọ mị lamẹ.

1 Amanyanapụ 3:5

Anị ḍin mị ḅie Nyanaḅọ Ḅe ḍawọju ḅụpakụma ọ̀ pịrị se nwọse ọ̀ gbelamẹ, “Cheye à nwọ mịẹ ị́ pịrị se ị́ ḅụḅẹlẹḅe?”

Zẹkaraịa 9:5

Ashkẹlọn opuama mị, anị mịn mị ọrị se ḅalafa nyanaḅịa. Gaza opuama mị anị ọrịḅịa se opu ḅụakụ nyanaḅịa. Ẹkrọn sọ, anịa kuḅie kụrọ mamgba galagalaḅịa. Gaza mị anị ḅarị amanyanaḅọ nyana-ẹkẹ, se Ashkẹlọn mị anị gbọngọlọma simeḅịa, gbọrịḅọ sọ ḅarị ḅie oforika ḅaraḅụ.

Kịẹnḅịpị Ma 13:26

so Moziz ḅe na, Erọn ḅe na, pịkị bebe Izrẹl sẹ mị mgba ḍọkịma mun mẹ anị Kedẹsh ḅie Peran piri ele mị ḅie ḅụ. Ini ọrị ayema ini nwọ ḍuko ini pịrị pịkị ini se ḅo chịnmgbọlụma seni ini ḍiemẹ.

Kịẹnḅịpị Ma 32:8

Anị ọ́mịna ḍapụma mịẹ ọkụ mị-ẹ, àrị ini fịrịma na ini mun Kedẹsh Banea ama mị ẹnyẹ nwọḅẹ sịkịḅụ.

Kịẹnḅịpị Ma 34:4

Anịsịkị anị pịkị chuku ọrụ mị daḅịa Akarabim Ḅọrọnyọ mị damun, pịkị ọkịmun Zin mị tolu ḅọrọ somun chuku daọrụ ḅụ ọkịmun Kedẹsh Banea mị la. Anịsịkị anị pịkị ọgọnọju ereḅaranga ḅụ ịrụasọsọ nyọ daḅịa Heza Ada ḅu ọkịmun ateli mị ḅie ḅụ pịkị ọkịmun Azmọn mị la,

Okunwẹngịapụ 8:26

Nyanaḅọ Ḅe enjẹlḅọ nwọse Filip ḅe ḅẹmẹ, “Ị́ ḅụ karakarama, se Jerusalẹm ḅie ḅọrọ Gaza ama mị munḅịa ateli ḅụ chukuda nyọ mị ḅie sọmun.” (Mịn ateli mị tomoni ḅarị anịa ḅie nwẹngịkẹ mịọkụ.)

Maịnkarama Oloko 1:19

“Nyanaḅọ mịna Tamụnọ Ḅe tọn wa pịrịye mị wa nwọ mịẹmẹ. Wa Saịnaị Tụndụ mị wẹrịso se anị ḍụḅa pịkị ḅalafama onwun ele mị toluḅọrọmẹ Amọraị chịngị ọgọnọ sẹ mị mun ateli mị ḅụ. Wa ḅo Kedẹsh Banea mị lasịkị,

Maịnkarama Oloko 2:23

Mẹditirenia tọrụaka mị ḅụ sime ama mị Krit chọ mị ḅie apụma anịa ḅie angamẹ. Ini Avim apụma ḅaasinmẹ, anị jokoma ama mị nyana apụma, se inia ama mị mgba nwọ ọkịmẹ ọkịmun Gaza opuama mị lamẹ anị chukuda ọrụ mị.)

Maịnkarama Oloko 9:23

Kedẹsh Banea ḅie ḅụ ori ómine fịrịmamẹ na ó mun ò seni ọ́ pịrịarị ama mị ọkị se anị nyana nwọḅẹ sịkị sọnị ọ́ nyana ḅereni ọ̀ pịrịkẹ; ó kuḅie se ọ̀ ḅụgbanakẹ, ọ́ pịkị ọ̀ ḅịpịpokikẹ.

Jọshụa 10:12

Nyanaḅọ Ḅe ọ̀ mịẹ sarasarama Izrẹlapụma pịrị se ini Amọraị apụma nẹngịma ene mị ḅụ, Jọsụwa ḅe ori ọkwẹịn kọn Nyanaḅọ Ḅe pịrịmẹ. Izrẹlapụma tọrọkọ ḅụ ọ̀ nwọ ḅẹmẹ, “Ịrụa, Gibiọn mị ọgọnọ ḅụ chịẹ sime; Akalụ, Aịjalọn Pẹsịkiri mị ọgọnọ ḅụ chịẹ sime.”

Jọshụa 10:2

Mịn mị anị opu tẹmẹ taịntaịn se Jerusalẹm apụma pịrịmẹ anịatịḅị Gibiọn mị ḍụḅa la-ọkụ anị ísí-a amanyanapụma nyana opuamama ḍụḅa la-ọkụ-ẹ anị ḍụḅatẹịn Eaị mị nẹngịmẹ, inia owunima ini iḅiọkụ owusọ ḍinmẹ.

Jọshụa 11:16

Jọsụwa ḅe, ama mamgba ori ọkịmẹ chịngị ọgọnọ amama na, chịngị mị chuku amama na, ọgọnọju daọrụ mị na chukuju daọrụ mị na, Goshẹn pẹkẹrẹ mị mgba na pịkị anịa chukuju daọrụ ḅụ kpoinkpoin kiri amama na, pịkị Jọdan Pẹsịkiri mị na.

Jọshụa 11:22

Anakim apụma ḅụ kọn gbọrịḅọ sọ ofori-ẹ Izrẹl ama mị ḅie; kalapụ kẹngẹ anị Gaza mị na, Gat mị na pịkị Ashdọd mị na, ḅie ḅụ kọnye-ẹ.

Jọshụa 15:51

Goshẹn na, Holọn na pịkị Gilo mị na; oyi gbọrị opuama fịnjị na, àrị kelema amama na.

Bẹrẹkọn Apụ 16:1

Gbọrị ene Samsịn ḅe ò so Filistia apụ opuama, Gaza mị nwọ mun mẹ, anịju ḅụ gbọrị sẹfị eremeniḅọ ori na ịrịamẹ, se ori árị na gbolomamẹ.

Bẹrẹkọn Apụ 16:21

Filistia apụma ò kun se ọ̀ tọrụmgbọlụma sọkị pakụma ḅomẹ. Ini ò se so Gaza mị mun mẹ, se alapẹlẹka ikoli se ori ịkasị, se ò se ikoli warị ḅie yegbẹịn kiri ḅụ koromamẹ.

1 Samụẹl 6:17

Filistia apụma sọnọ-a-goli-se-mịẹ foin obi ma se Nyanaḅọ Ḅe sẹịnmamẹ, se inia sima gbẹịn ḍiepịrịye ḅaraḅụ, gbọrị opuama gbọrịye gbọrịye, Ashdọd mị na, Gaza mị na, Ashkẹlọn mị na, Gat mị na, pịkị Ẹkrọn mị na.