Jọshụa 10:40 - Kịrịkẹnị Baịbụl

⁴⁰ Jọsụwa ḅe bebe sẹ mamgba ori árị nẹngịmamẹ. Chịngị ọgọnọ sẹma ḅe amanyanapụma ori ini nẹngịmamẹ ịrụapakapaka nyọ daọrụ ḅụ tukoro anga ma ḅụ sime amama na, pịkị chịngịma chuku sime amama na, anị ịrụasọsọ nyọ daọrụ ḅụ, pịkị kpoinkpoin kiri sẹma ḅụ, chukuju daọrụ ḅụ sime amama na. Gbọrịḅọ sọnị ọ̀ kọnmakẹ; nweni mamgba ọ̀ ḅaafamamẹ. Mịn anị Nyanaḅọ Izrẹl Tamụnọ Ḅe tọn ọkụ-ẹ.

Jọshụa 10:40 Iomraidhean Croise

1 Amanyanapụ 15:29

Anị kirikiri ọ̀ sakị Jeroboam furo ḅie apụ mamgba ḅaasinmẹ. Anị Nyanaḅọ Ḅe oria fịrịnwẹngị ịkịankoroḅọ Ahaịja, Shịloḅọ ḅe ḅụ ḅọrọ ḍukosa ḅaraḅụ, na Jeroboam furo mị mgba ọ̀ ḅaafamaḅịa; gbọrịḅọ kẹngẹ sọnị kọn ẹkẹ.

Nẹhimaya 9:24

Ini Kenan ama mị nẹngịmamẹ; ị́rị́ anịnyọ ḅụ angapụma nẹngịmamẹ. Ị́ya tomonima ị́ kụrọ seni ini pịrịmẹ inia ḅụḅẹlẹ ḅara ini nwọse anịanga ḅụ tomonima na Kenan amanyanapụma na mịẹ.

Fịafịa Nime 9:17

Fị sime sitịḅịnyanapụ mamgba pịrịmẹ, anị Tamụnọ Ḅe sịkị apụ mamgba.

Pakaso 34:12

Ọ́ sọmun-arị sẹma ḅie apụma, ómine inina ḅịpịse-ogbosọ ḍiri gịẹịn ma, anịatịḅị mịn mị anị ineda ómine famaḅịa ḍẹịn sọ ọ́ pịrịḅịa.

Kịẹnḅịpị Ma 13:17

Moziz ḅe ini fịrịma pakụma sịkị, ọ̀ nwọse ini ḅẹmẹ, “Ọ́ mịn anga sakị Kenan ama mị ḅe ọgọnọju ḅụ sọmun chukuju daọrụ mị la, ọ́ pịkịna so chịngị mị ọgọnọ sime sẹ mị mun.

Maịnkarama Oloko 1:7

Ó pike sime ayema ọ́ nwọ kansin se sakị nwẹngị tọrọkọ mun. Ó so Amọraị apụ chịngị ọgọnọ sẹ mị na pịkị anị kelema koro iri mamgba na nwọ mun, somun Jọdan Pẹsịkiri mị ḅie na, chịngị ọgọnọ sẹ mị na, pịkị iderima nyọ ḅụ sime amama na, chuku da iri ma na, pịkị ọkịmun Mẹditirenia tọrụ aka mị la. Ó Kenan ama mị mun pịkị somun Lẹbanọn Tụndụ ma sọnị nwọ la pịkị ọkịmun Yufretis opu Tọrụ mị la.

Maịnkarama Oloko 2:34

Anị gbọrị sịkị mị ḅụ wa oria ama goyegoye ọkị pịkị àrị kansinmẹ, se tomoniḅọ goyegoye ḅaasinmẹ, owuapụma na, eremeni ma na, pịkị awọmẹnịma na. Gbọrịḅọ sọnị wa kọnmakẹ.

Maịnkarama Oloko 7:24

Ori inia amanyanapụma se ọ́mịna ḅara dẹrịḅịa. Se ómine ini ḅaaḅịa se tomoni ini seni ḅieḅaramaḅịa. Ineda ómine dachịẹmaḅịaḅọ ofori-ẹ; ó tomoni goyegoye ḅaafamaḅịa.

Jọshụa 10:35

Anị gbọrị ene mị ḅie ini anị ọkịmẹ pịkị tomoni mamgba ḅaasinmẹ, anị Lekish mị ḅie ini mịẹ ọkụ mị.

Jọshụa 10:37

se pịkị anị ọkịmẹ. Ini amanyanaḅọ ḅe ḅaamẹ pịkị anịa ḅie sime apụ mamgba na pịkị anị na kpeki amama ḅie sime apụ mamgba na. Jọsụwa ḅe ọ̀ kụrọ pịrịmẹ na opuama mị ini okorona okorona anị famasin, anị ò se Ẹglọn mị mịẹ ọkụ mị. Anịa ḅie sime se ḍumo gbọrịḅọ sọnị ofori-ẹ.

Jọshụa 10:39

Ori anị ọkịmẹ anịa amanyanaḅọ ḅe na pịkị anị na kpeki ama mamgba na. Anịju ḅụ simeḅọ goyegoye ini ḅaamẹ. Jọsụwa ḅe ò se Hibrọn mị na Libna mị na pịkị anịa amanyanaḅọ ḅe na mịẹ ọkụ mị anị ọ̀ pịkị se Diba mị na anịa amanyanaḅọ ḅe na mịẹ ọkụ-ẹ.

Jọshụa 11:16

Jọsụwa ḅe, ama mamgba ori ọkịmẹ chịngị ọgọnọ amama na, chịngị mị chuku amama na, ọgọnọju daọrụ mị na chukuju daọrụ mị na, Goshẹn pẹkẹrẹ mị mgba na pịkị anịa chukuju daọrụ ḅụ kpoinkpoin kiri amama na, pịkị Jọdan Pẹsịkiri mị na.

Jọshụa 12:8

Chịngị ọgọnọ sẹma na ịrụasọsọ nyọ daọrụ ḅụ chịngịma chuku sime sẹma na, Jọdan Pẹsịkiri mị na anịa chuku sime chịngịma na, ịrụapakapaka nyọ daọrụ mị ḅụ tukoro nyọma na pịkị chuku daọrụ ḅụ kpoinkpoin kiri sẹma na arịmgba mị kpo mị ḅie omi-ẹ. Mịn ama mị anị ḅọrọsa sịkịḅụ Hitaị apụma na, Amọraị apụma na Kenan apụma na, Pẹrizaị apụma na, Hivaị apụma na, pịkị Jebus apụma na ama ma-ẹ.

Jọshụa 18:21

Sime Bẹnjamin sẹ ḅie furo awọma pịrị amama anị Jẹriko na, Bẹt Hogla na, Emek Keziz na,

Jọshụa 6:17

Opuama mị na anịa ḅie sime aye mamgba wa simafamaḅịa se agbamịẹ Nyanaḅọ Ḅe pịrịḅịa ẹrẹchị. Rehab sẹ fị ḅọ ma na arịa warị kpo mị na kẹngẹ anị ḅarala-ẹkaye-ẹ, anịatịḅị mịna tomoni ama ẹnyẹ apụma á nwọ ḅọịmẹ.

Jọshụa 8:2

Ị́ se Jẹriko mị na anịa amanyanaḅọ ḅe na mịẹ ọkụ anị ị́ pịkị se Eaị mị na anịa amanyanaḅọ ḅe na mịẹḅịa ọkụ-ẹ, ọkụma mị sịkị anịa ngọma na namama na ómine árị ọkịḅịa. Ḅụkarakarama se ọḅụ owu se opuama mị paka.”

Jọshụa 8:27

Izrẹlapụma opuama mị ḅie ini kun namama na ngọma na ini ọkịmẹ, Nyanaḅọ Ḅe ḍuko Jọsụwa ḅe pịrịsa ḅaraḅụ.

Jọshụa 9:24

Ini nwọse ọ̀ pẹkẹrẹmẹ, “Mine ị́ya fịrịnwẹngịapụma anị na kụrọmamẹ na Nyanaḅọ ọ́mịna Tamụnọ Ḅe kụrọ se oria fịrịnwẹngịḅọ Moziz ḅe pịrịmẹ na ọ̀ mị bebe sẹ mị mgba se ọ́ pịrịḅịa se anịa ḅie sime apụ mamgba ḅaasin ọ́ sọḅoarị sịkị. Wa gose ọkọ mịẹye, wa ó ḍikiḅalafamẹ; mịna ḍumo ma gose ḅalafa mịnaḅụ sọmẹ.