Jọshụa 10:36 - Kịrịkẹnị Baịbụl

³⁶ Mịn ḅo ḅọrọ sịkị, Jọsụwa ḅe na oria ọmụogbo mị na Ẹglọn mị ḅie somun chịngịma ọgọnọ ḅụ ḅọrọ mun Hibrọn mị la, se owuse anị paka

Jọshụa 10:36 Iomraidhean Croise

Chukusakị 13:18

Anịẹrẹchị Ebram ḅe oria ikowarị sin somun Hibrọn ḅie Mamre ḅụ osi nyana ejema na kpekima simemẹ, ọ̀ pịkịna anịnyọ agbamịẹ ẹbẹ pike Nyanaḅọ Ḅe pịrịmẹ.

1 Amanyanapụ Sịkị Mịẹaye Ma 12:23

Devid ḅe Hibrọn mị ḅie sime sịkị yeḍawọsa tọn-a owuni ḅo oria ọmụogbo mị ḅụ sọmẹ, ḅarachụa ọ̀ pịrị seni ò ḅo Sọl ḅe kiriḍinma amanyanaḅọ sọḅịa ẹrẹchị, anị Nyanaḅọ Ḅe yeḅerenisa ḅaraḅụ. Mịn inia kịẹnḅịpị ma-ẹ: Juda ḅie ḅụ: iḅiọkụ ọmụaye nyanasa owuapụ ḅụ tẹrẹ ẹndẹ fa kịnị poku, agbọ na angwa na inia ḅara simemẹ; Simiọnị ḅie ḅụ: iḅiọkụ yeḍawọsa owuapụ ḅụ tẹrẹ ẹndẹ fa kịnị poku na jie ẹndẹ fịnjị na; Livaị ḅie ḅụ: oyigbọrị ẹndẹ fịnjị na kịnị oyiasi na; Jẹhoịada, Erọn furo ḅie ḅọ ḅe ḍukonwẹngị owuapụma esenie-a ẹndẹ na kịnị-a sọnọmasi na; Zadọk, ọmụgbin ḍin asẹmẹnịḅọ ḅe oria mịnapụma: simaịn apụ fịnjịma ọmụkụlọdapụ-ẹ; Bẹnjamin (Sọl ḅe sẹ mị) ḅie: kịnị-a sọnọma ẹndẹ oyiasi fịnjị (Bẹnjamin furo mị ḅie apụ ḅụ pẹkẹrẹ nyana ḅereni Sọl ḅe pịrịmẹ); Ifrem ḅie ḅụ: inia ịkpangị ma ḅụ ẹrẹso owuapụma poku na kịnị oyi ẹndẹ fịnjị; Manasẹ ḅụ Ịrụasọsọ nyọ da apụma ḅụ: mama poku na kịnị-a sọnọ ẹndẹ mun Devid ḅe seni amanyanaḅọ kunḅịa ẹrẹchị ini nwọ sẹlẹ ọkịmẹ; Ịsaka ḅie ḅụ: tịḅịnịma kịnị oyiasi, pịkị inia chuku ḅie sime apụma na (mịna tịḅịnịma Izrẹl mị mịẹ-na-iḅiye-na, pịkị anị mịẹ gbẹịn sịkị na ini nemimẹ); Zẹbụlọnị ḅe ḅụ: nyana ḅereni pịkị kuḅie kụrọma gbẹịn ḅụkarakarama owusọ pịrị owuapụ, sonio-a poku na sọnọ ẹndẹ, tọrụkịrịkịrị ọmụaye seni owusọḅịa ọkụ nwọ ḍawọsa apụ; Naftalaị ḅie ḅụ: tịḅịnịma mẹndẹ oyiasi fịnjị, pịkị agbọ na angwa na ọlọ owuapụ inein-a poku na oyimaịn ẹndẹ fịnjị na kịnị oyiasi na; Danị ḅie ḅụ: yeḍawọsa owuapụ tẹrẹ-a poku na oyigbọrị ẹndẹ fịnjị na kịnị oyiasi na; Asha ḅie ḅụ: ḅụkarakarama ọmụgbin pịrị owuapụ sọnọ-a poku; Jọdan mị ḅie ḅụ ịrụapakapaka nyọ daọrụ mị ḅe sẹ ma—Rubẹnị mị na, Gadị mị na, pịkị Manasẹ ḅụ Ịrụapakapaka nyọ da apụma na: tọrụkịrịkịrị ọmụaye seni owusọḅịa ọkụ ḍawọsa owuapụ kịnị-a jie-a poku.

2 Amanyanapụ Sịkị Mịẹaye Ma 11:10

Zora na, Aịjalọn na, pịkị Hibrọn na.

Kịẹnḅịpị Ma 13:22

Ini tatarị sọ ama mị ḅụ chukuju daọrụ ḅu ini ḅọrọmun Hibrọn mị lamẹ, anị Ahiman na, Shẹshaị na, pịkị Talmaị na sẹma sime nyọ mị, anị opu godoro apụ furo ḅie apụma, anị ini Anakim nwọse chịn apụ anga nyọ ma-ẹ. (Hibrọn mị paka-ẹso sọnọma kụra ḅọrọ ḅụ anị Zoan Ijipt mị ḅie sime ama mị pakaye-ẹ.)

Jọshụa 10:3

Anị Adonaị-Zidẹk Jerusalẹm amanyanaḅọ ḅe oku se Hibrọn, Hoham Amanyanaḅọ ḅe na Paịram, Jamọt Amanyanaḅọ ḅe na, Jafaịya, Lekish Amanyanaḅọ ḅe na, Diba, Ẹglọn Amanyanaḅọ ḅe na fịrịma se nwọse ini ḅẹmẹ:

Jọshụa 10:35

Anị gbọrị ene mị ḅie ini anị ọkịmẹ pịkị tomoni mamgba ḅaasinmẹ, anị Lekish mị ḅie ini mịẹ ọkụ mị.

Jọshụa 10:37

se pịkị anị ọkịmẹ. Ini amanyanaḅọ ḅe ḅaamẹ pịkị anịa ḅie sime apụ mamgba na pịkị anị na kpeki amama ḅie sime apụ mamgba na. Jọsụwa ḅe ọ̀ kụrọ pịrịmẹ na opuama mị ini okorona okorona anị famasin, anị ò se Ẹglọn mị mịẹ ọkụ mị. Anịa ḅie sime se ḍumo gbọrịḅọ sọnị ofori-ẹ.

Jọshụa 10:5

Mịn sọnọ-a Amọraị amanyanapụma, Jerusalẹm mị na, Hibrọn mị na, Jamọt mị na, Lekish mị na, pịkị Ẹglọn mị na amanyanapụma inia owuni ọkịḅo gboloma, Gibiọn mị ḍẹkị kelema se owuse anị pakamẹ.

Jọshụa 15:13

Nyanaḅọ Ḅe tọn Jọsụwa ḅe pịrị ḅaraḅụ, Juda eke mị ḅụ gbọrị pẹkẹrẹ ọ̀ nwọse Kelẹb, Jẹfunẹ yaḅe pịrịmẹ, anị Juda furo ḅieḅọ ḅe. Ori Hibrọn mị ọkịmẹ anị Aba ḅe oria opuama mị, anị Anak ḍa ḅe.

Jọshụa 15:54

Homta na, Hibrọn na, pịkị Zaịọ mị na; esenie-a opuama na àrị kelema amama na.

Jọshụa 21:13

Erọn, agbamịẹḅọ ḅe furo ḅie apụma (tịḅịḅọịḅịa gbọrị opuama) ini nwọse Hibrọn mị ḅụ chụa ini pịrịmẹ, pịkịma opuamama na: Libna,

Bẹrẹkọn Apụ 1:10

Ini nwẹngị sọ mun Hibrọn opuama mị ḅie anga Kenan apụma damamunmẹ, anị Kiriat Aba ini nwọse chịn apụma. Anịju ḅụ ini Shẹshaị apụma na, Ahiman apụma na, pịkị Talmaị apụma na nẹngịmamẹ.

Bẹrẹkọn Apụ 1:20

Moziz ḅe tọnsa ḅaraḅụ, Hibrọn mị ini se Kelẹb ḅe pịrịmẹ, anị opuama mị ḅie Anak furo ḅie apụ tẹrẹ-a sẹma depakụmaḅọ ḅe.