Jọshụa 10:25 - Kịrịkẹnị Baịbụl

²⁵ Anịsịkị Jọsụwa ḅe nwọse oria ọmụtịḅịdapụ ma ḅẹmẹ, “Ọ́ ḅalafama ọ́ pịkị ó kuḅie lọkọmama. Ómine ịnyọchụa pịkị kụrọkuḅie nyana anịatịḅị mị Nyanaḅọ Ḅe se ómine-na-tarakapụ mamgba mịẹḅịa ọkụ-ẹ.”

Jọshụa 10:25 Iomraidhean Croise

Fịafịa Nime 63:9

Ị̀ ḅaa ḍọkịarịapụ ma ini fịapụ tomonikiri ḅie sọmunḅịa.

Fịafịa Nime 77:11

Àrị ị́ nwẹngịsa fịrị mamgba na gbakịmaye se koromaḅụ chuḅịa, Nyanaḅọ; ị́ mịẹḅọrọsa ḅụgbiripuma ayema à se ḅiekoromaḅịa.

Romapụ 8:37

Ẹn-ẹn, mayema ḅie mgba wa karasa ọmụḅaraiḅi nwọ nyana waraḅẹ wa ḅẹlẹma ḅọ ḅe ḅụ!

2 Kọrịntapụ 1:10

Ọkọ sime ḅalafama fị ḅara ḅie ò mine ḍụaḅọrọmamẹ, ọ̀ pịkị wa ḍụaḅọrọmaḅịa, wa pịkị mịna kuḅie seni ọ̀ ḅụgbanasam na ọ̀ pịkị wa ḍụaḅọrọmaḅịa,

Ẹfịsọsịapụ 6:10

Anịḅe kuluma Nyanaḅọ Ḅe na gbọrịye mịẹ ḅụ ómine ọ́mịna ịnyọ mị nwọ nama chịẹma, ye oria opu kụrọ mị ḅụ ọ̀ wẹrị anị ḅara mị mịẹ ọ́ pịrị.

Maịnkarama Oloko 7:19

Ómine ḅarana ọ́ tọrụmgbọlụma se ọrị ḅalafama si obi ma na, ḅụgbiripuma pịkị ḅụbuama ayema na, pịkị Nyanaḅọ ọ́mịna Tamụnọ Ḅe opu kụrọ na ịnyọ na se ọ́ pọkọ pakụmaḅo ọkụ mị na ọ́ nwọse ḅiekoroma. Ọ̀ nwọ Ijipt apụma ḅaasin ọkụ mị anị ọ̀ pịkị mịọkụ ó ḍikiḅalafarị apụ mamgba ḅaasinḅịa ọkụ mị-ẹ.

Jọshụa 1:6

Ịnyọ chụa pịkị kụrọ kuḅie nyana, anịatịḅị ị́ tịḅịnịḅọ sọ mịnapụma pịrịḅịa, mị à ḅereni inia olomu-aḍapụma pịrịsa ama mị ini nwọ ọkị angaḅịa sịkịḅụ.

Jọshụa 1:9

Se ḅiekoroma na àrị ị́ ḅẹmẹ ịnyọ chụa pịkị kụrọ kuḅie nyana! Ḅalafama pịkị kuḅie lọkọmama, anịatịḅị ị̀rị̀ ị́ Nyana Tamụnọ Ḅe àrị ị́rị́ na omi-ẹ ị́ mun-anga-mun-anga ḅụ.”

Jọshụa 10:8

Nyanaḅọ Ḅe nwọse Jọsụwa ḅe ḅẹmẹ, “Ini ḍiki ḅalafama. Ọmụḅaraiḅi mị à se ị́ pịrị ḅọrọsam. Iniaḅụ gbọrịḅọ sọnị ineda ị́ tọrọkọ chịẹ ẹkẹ.”

1 Samụẹl 17:37

Nyanaḅọ Ḅe chịrịḅama na piri obiri ma na ḅara ḅie ori ị̀ ḍụamẹ; ḅe Filistiaḅọ ḅe ḅara ḅiesọ, ori ị̀ ḍụaḅịa.” “Iḅimẹ,” Sọl ḅe nwọ pẹkẹrẹmẹ. “Mun se, ye Nyanaḅọ Ḅe ị́rị́ na sime.”