Jọshụa 10:20 - Kịrịkẹnị Baịbụl

²⁰ Jọsụwa ḅe na Izrẹlapụma na tomonima ḅaamẹ, iniaḅụ dapụ mangị mun opuama mị onuma ḅie sọḅọị se ḅarị fị̀kẹ.

Jọshụa 10:20 Iomraidhean Croise

2 Samụẹl 20:6

Anị amanyanaḅọ ḅe nwọse Abishaị ḅe ḅẹye-ẹ, “Shiba, Bikraị yaḅe mịna ḅụfụkamatẹịn Absalọm ḅe nẹngịḅịa. Ị̀ya fịrịnwẹngịapụma ọkị se ò ḍuko, anị ofori ò mun kụrọ owuni ama ḅie anga se mịna ḅara pẹlẹmasoḅịa.”

1 Amanyanapụ 20:21

Amanyanaḅọ Ehab ḅe ele mị ḅie ḅọrọ, asụnma na kporokporo ọmụarụ ma na kun ọkịmẹ, pịkị siḅara se Siria apụma ḅaamẹ.

2 Amanyanapụ Sịkị Mịẹaye Ma 13:17

Abaịja ḅe na oria ọmụogbo mị na ḅakama Izrẹlapụma ḅaakọsịma se ini nẹngịmamẹ—Izrẹl owunima ḅie owusọtẹịn owunima ḅụ poku-a tesi ma poku fịnjị na oyi ẹndẹ na fịmẹ.

Jerimaya 4:5

Oḍu mị ofuro ama mị kelema! Iḅiọkụma oloku gelelema! Ḍuko Juda na Jerusalẹm-a tomonima pịrị ini mangị owuniaye sime amama mun.

Jerimaya 8:14

“Wa cheye gose pa kpọnjị sime-ao?” Tamụnọ-a tomonima nwọ gbelamẹ. “Ó ḅo, wa mangị mun owuniaye sime opuamama ḅie fị. Nyanaḅọ, mịna Tamụnọ Ḅe, ọ̀ wa se ḅaa ḅie chusam; ò nweni ḅaa ḍiri se wa pịrị se wa ḅusam, anịatịḅị wa ọ̀ ḅụ simịẹsam.

Maịnkarama Oloko 20:16

“Ọkụma Nyanaḅọ ọ́mịna Tamụnọ Ḅe se ọ́ pịrịarị amama ḅie sime opuamama ọ́ nwọ ọkịsa ḅẹḅẹ, nweni mamgba ọ́ ḅaafama.

Jọshụa 10:10

Nyanaḅọ Ḅe mịẹse Amọraị apụma ḅalafamẹ, ini Izrẹl ọmụogbo mị ọrị sịkị. Izrẹlapụma ini ini ḅaamẹ, Gilgalị mị ḅie pịkị ini ḍuko mun tụndụ mị ḅọrọkoromẹ Bẹt Horọn mị ḅie ḅụ, ini pa ini na sọmun chukuda ọrụ ḅụ Azika mị na pịkị Makida mị na nwọ lamẹ.

Jọshụa 10:19

ọkụma ómine anịju sime ma. Ọ́ tarakapụma ḍuko se ọḅụ-owuse ini paka; ó ḅerenima ini mun inia opuamama ḅie sọ! Nyanaḅọ ọ́mịna Tamụnọ Ḅe ọ̀ mịẹ sarasarama ọ́ pịrịse ómine ini nẹngịmaḅịa.”

Jọshụa 10:21

Anịsịkị Jọsụwa ḅe oria owuapụ mamgba vinpịkị so ọ̀ damaḅomẹ Makida ḅie ini ikowarịma pike sime nyọ mị ḅụ, gbọrịye sọnị ini laka ḅaraḅụ. Ama mị ḅie gbọrịḅọ sọnị ngịsị Izrẹlapụma ḅụ siye ḍukokẹ.

Jọshụa 11:12

Jọsụwa ḅe mịna opuama mamgba na arịa amanyanapụma na ọkị, pịkị inimgba ḅaafamamẹ, anị Moziz, Nyanaḅọ Ḅe fịrịnwẹngịḅọ ḅe tọnsa ḅaraḅụ.

Jọshụa 11:8

Nyanaḅọ Ḅe ọ̀ mịẹ sarasarama Izrẹlapụma pịrị se ini ini nẹngịmamẹ; Izrẹlapụma owuse ini paka pịkị ini ḍuko mun ọgọnọju daọrụ ḅụ Misrẹfọt Meim mị lamẹ pịkị Saịdọn mị na, pịkị ịrụapakapaka nyọ daọrụ ḅụ mun Mizpa pẹsịkiri mị lamẹ. Ini owusọ nweni ọkịmun tarakapụma ḅụ gbọrịḅọ sọnị ḅarị kọnka sịkị lamẹ.

Jọshụa 8:24

Izrẹlapụma ḅele ele mị ḅie ini inina-tarakapụma ḅaafamamẹ, anị Eaị apụma ini ḍuko munyọ mị. Anịsịkị ini vinpịkị mun Eaị mị ḅie simeḅọ goyegoye ḅaafamamẹ.