Jọshụa 10:11 - Kịrịkẹnị Baịbụl

¹¹ Amọraị apụma Izrẹl ọmụogbo mị ḅụ mangị ḅọrọ nyọ mị ḅụ soarị sịkị Nyanaḅọ Ḅe ḍụparị mgbọlụ sime ọkụ sime enemgbọlụ nwọ koroma inia ọgọnọ sara nweni ini mun Azika mị lamẹ. Opu-ene-mgbọlụ ma ḅaa apụma ḅakatẹịn Izrẹlapụma ḅaa apụma nẹngịmẹ.

Jọshụa 10:11 Iomraidhean Croise

Chukusakị 19:24

Ḅụnemika ḅaraḅụ Nyanaḅọ Ḅe opu-kọrị-fịnị se Sọdọm na Gomọra na opuamama ọgọnọ saramẹ

2 Samụẹl 18:8

Ọmụ mị wasama mun sẹ mị ḅụ ịkọlị ịkọlị ma lamẹ; se piri mị ḅie fịapụ ḅakatẹịn ọmụ mị ḅie ini ḅaa apụ nẹngịmẹ.

Job Ḍiri Mị 38:22

Jene ị́ kpaịnma ngọ koko ḅie ma na, à sino ma na opu-ene-mgbọlụ ma na se koroma nyọ lasa?

Job Ḍiri Mị 38:23

Àrị àrị se ḅụkarakarama ḅụfụka sịkị korumẹ, anị ọmụ na obu na sịkị ḅụ.

Fịafịa Nime 11:6

Kọrịarị anyịmgbọlụ na kọrịarị ḍụparị na anị ò se sitịḅịnyanapụma tịḅịogbo saraḅịaye-ẹ; oju dọkịma fọrụ anị ò se fomuḅara mịẹse ini fomuḅịaye-ẹ.

Fịafịa Nime 147:17

Onwunmgbọlụ ḅara ọ̀ nwọse obitụnụ ene mị se sẹịnmẹ; ineda ò se sẹịn oḅoku mị inemaḅịa gbọrịḅọ sọnị ofori-ẹ.

Aịzaya 28:2

Nyanaḅọ Ḅe, gbọrị kụrọḅọ ọ̀ nwọ karakaramamẹ owu seni ini pakaḅịaḅọ, irisi ḅo ọkụ ḅoḅịa gbọrịḅọ kpokoro kpokoro enemgbọlụ ḅara, opu mengi kụrọma seri se ama mị nẹngịmaḅịa ḅara nwọse ama mị nẹngịmaḅịa.

Aịzaya 28:21

Nyanaḅọ Ḅe Pẹrazim Tụndụ ọgọnọ na Gibiọn pẹsịkiri ḅie na ọ̀ sọ owu mị pembe owu ọ̀ nwọ sọḅịa, ọ̀ tọn seni ọ̀ mịẹḅịaye mị ọ̀ nwọ mịẹḅịaye gose—ọ̀ mịẹḅịaye ma kịrịḅịa nwọḅẹ sọnị. Oria fịrịma ọ̀ nwẹngị karamaḅịa, oria ḅụgbiripuma ḅalafama fịrịma.

Aịzaya 30:30

Nyanaḅọ Ḅe ọ̀ mịẹḅịa ọrụḅọḅọ oria amanyanaḅọ pụkọ mị naaḅịa, pịkị oria ịganị mị ḅe kụrọ mị nemiḅịa. Fịnịḅẹlẹ na, opu enemgbọlụ na irisi na, ajisaka irisi na ene na simeḅịa.

Izikịẹl 13:11

Ḍuko ịkịankoroapụma pịrị na inia warị agbagba ma àrị mun ḅịkị-ẹmuaḅẹ. À kụrọ ene fịrịma se àrị kangbinḅịa. Obi tụnụ ene-a mgbọlụ anịa ọgọnọ koroḅịa kụrọ fọrụ pịkị anị dapakaḅịa.

Maịnkarama Oloko 20:4

Nyanaḅọ ọ́mịna Tamụnọ Ḅe ómine na mun aḅẹ, ọ̀ pịkị ọmụḅaraiḅi se ọ́ pịrịḅịa.’

Ḍieḅelema Yema 11:19

Soḅie sime Tamụnọ Oputẹkẹwarị mị ini anị finjimẹ, se ini anịa ḅie Ọḅọkụ Igbe mị ọrịmẹ. Anịsịkị sowakam na, so ḅie fie na, soalagba na, kirijike na, pịkị opu ene mgbọlụ na koromẹ.

Ḍieḅelema Yema 16:21

Iku kilogram-a mesi na gbasịa soḍụparịma tomonima ọgọnọ koro so-ọkụma ini Tamụnọ Ḅe fiesimamẹ obi mị gose, anịatịḅị obi mị opuma ḅalafamamẹ.

Bẹrẹkọn Apụ 5:20

Lolia ma sotọrụ ḅụ ḅo owu mị sọmẹ; àrị sotọrụ saḅa ḅọrọarị sịkị, àrị owu se Sịsera ḅe pakamẹ.