Jọshụa 10:10 - Kịrịkẹnị Baịbụl

¹⁰ Nyanaḅọ Ḅe mịẹse Amọraị apụma ḅalafamẹ, ini Izrẹl ọmụogbo mị ọrị sịkị. Izrẹlapụma ini ini ḅaamẹ, Gilgalị mị ḅie pịkị ini ḍuko mun tụndụ mị ḅọrọkoromẹ Bẹt Horọn mị ḅie ḅụ, ini pa ini na sọmun chukuda ọrụ ḅụ Azika mị na pịkị Makida mị na nwọ lamẹ.

Jọshụa 10:10 Iomraidhean Croise

2 Samụẹl 22:15

Ori oria ḍẹịn ma tẹịn se ori na tarakapụma galagalamamẹ; soalagba wakam inia tọrụ sọ ḅụ ori ini mịẹse ini mangịmẹ.

1 Amanyanapụ 9:17

se Sọlọmọn ḅe kpoto anị namamẹ.) Sọlọmọn ḅe oria kụrọḅara se nweni mịẹ fịrịnwẹngị ḅara mị ọ̀ nwọse pịkị Bẹt Horọn ḅụ Ideri koro nyọ mị kpoto nwọ namamẹ.

2 Amanyanapụ Sịkị Mịẹaye Ma 14:12

Nyanaḅọ Ḅe Sudan owunima nẹngịmamẹ anị Esa ḅe na Juda apụma na ini na bịama sịkị. Ini mangịmẹ,

2 Amanyanapụ Sịkị Mịẹaye Ma 25:13

Ḅọlọka sịkịḅụ, Amazaya ḅe na ọmụ mun ò ḅerenika Izrẹl owunima, Sameria na Bẹt Horọn ogboku sime Juda opuamama gbẹịnmachịẹmẹ se kịnị-a sọnọma ẹndẹ oyiasi fịnjị nwọ ḅaamẹ, pịkị ḅakaye nwọ ọfọịn somẹ.

Fịafịa Nime 18:14

Oria ḍẹịn ma ọ̀ nwọ tẹịn se ori-na-tarakapụ ma galagalamamẹ; so wakam mị ọ̀ nwọse ini sẹịnma se ini mangị ḅịkịmẹ.

Fịafịa Nime 44:3

Ị́ya tomonima inia okola-agiji ini nwọse ama mị inumakẹ; inia kụrọḅụ ini anị inumakẹ; ọkụma ị́ya kụrọ na ị́ya ịnyọ na ḅụ-ẹ, ị́rị́ ini na omi-ẹ ḅe kuḅie kụrọ mị na, anị mị ḍiepakụmamẹ na ị́ ini ḅẹlẹmamẹ.

Fịafịa Nime 68:14

Kụrọmamgba Nyanaḅọ Ḅe Zalmọn Tụndụ mị ọgọnọ amanyanapụma galagalama sịkị, ọ̀ mịẹse sino anịnyọ koromẹ.

Fịafịa Nime 78:55

Ori ama mị nyana apụma depakụmamẹ, oria tomonima sọmun-arị sịkịḅụ; inia ama mị ori anị ḍiama se Izrẹl sẹma pịrịmẹ, pịkị inia warịma se oria tomonima pịrịmẹ.

Aịzaya 28:21

Nyanaḅọ Ḅe Pẹrazim Tụndụ ọgọnọ na Gibiọn pẹsịkiri ḅie na ọ̀ sọ owu mị pembe owu ọ̀ nwọ sọḅịa, ọ̀ tọn seni ọ̀ mịẹḅịaye mị ọ̀ nwọ mịẹḅịaye gose—ọ̀ mịẹḅịaye ma kịrịḅịa nwọḅẹ sọnị. Oria fịrịma ọ̀ nwẹngị karamaḅịa, oria ḅụgbiripuma ḅalafama fịrịma.

Aịzaya 30:30

Nyanaḅọ Ḅe ọ̀ mịẹḅịa ọrụḅọḅọ oria amanyanaḅọ pụkọ mị naaḅịa, pịkị oria ịganị mị ḅe kụrọ mị nemiḅịa. Fịnịḅẹlẹ na, opu enemgbọlụ na irisi na, ajisaka irisi na ene na simeḅịa.

Jerimaya 34:7

anịsịkị Babilọn amanyanaḅọ ḅe owunima, opuama mị gbẹịnmachịẹaḅẹ. Owuni ma ini pịkị Juda ḅie, ịkịan ma kọn ini mịẹkụrọma amama, Lekish na Azika na, sọnị nwọ gbẹịnmachịẹaḅẹ.

Zẹkaraịa 14:3

Anịsịkị Nyanaḅọ Ḅe ọ̀ pakamun ísí-a sẹma na owu sọḅịa, ḅọrọsa sịkị ọ̀ sọsọ ọkụ mị.

Maịnkarama Oloko 7:23

Nyanaḅọ Ḅe ori ómine na taraka apụma ḅọrọma ọ́ pịrịḅịa, se bẹkẹma ḅalafa se inia ḅie chu ọkịmun ómine ini ḅaafama sịkị laḅịa.

Jọshụa 10:11

Amọraị apụma Izrẹl ọmụogbo mị ḅụ mangị ḅọrọ nyọ mị ḅụ soarị sịkị Nyanaḅọ Ḅe ḍụparị mgbọlụ sime ọkụ sime enemgbọlụ nwọ koroma inia ọgọnọ sara nweni ini mun Azika mị lamẹ. Opu-ene-mgbọlụ ma ḅaa apụma ḅakatẹịn Izrẹlapụma ḅaa apụma nẹngịmẹ.

Jọshụa 10:28

Anị ene mị ḅụ Jọsụwa ḅe ori owuse Makida mị paka se anị ọkịmẹ pịkị anịa amanyanaḅọ ḅe na. Opuama mị ḅie simeḅọ goyegoye ọ̀ ḅaamẹ; gbọrịḅọ kẹngẹ sọnị ḍumokẹ. Ò se Jẹriko amanyanaḅọ ḅe mịẹ ọkụ anị ọ̀ pịkị se Makida amanyanaḅọ ḅe mịẹ ọkụ-ẹ.

Jọshụa 10:9

Bebe ḍin mị mgba Jọsụwa ḅe na oria ọmụogbo mị na Gilgalị mị ḅụ nwẹngị Gibiọn mị mun mẹ, ini pịkị bẹkẹma owu se Amọraị apụma pakamẹ.

Jọshụa 11:8

Nyanaḅọ Ḅe ọ̀ mịẹ sarasarama Izrẹlapụma pịrị se ini ini nẹngịmamẹ; Izrẹlapụma owuse ini paka pịkị ini ḍuko mun ọgọnọju daọrụ ḅụ Misrẹfọt Meim mị lamẹ pịkị Saịdọn mị na, pịkị ịrụapakapaka nyọ daọrụ ḅụ mun Mizpa pẹsịkiri mị lamẹ. Ini owusọ nweni ọkịmun tarakapụma ḅụ gbọrịḅọ sọnị ḅarị kọnka sịkị lamẹ.

Jọshụa 12:16

Makida mị na, Bẹtẹl mị na,

Jọshụa 15:35

Jamọt na, Adulam na, Sokọ na, Azika na

Jọshụa 15:41

Gẹdẹrọt na, Bẹt-Degọn na, Neama na, pịkị Makida mị na, ineinfasi opuama na àrị kelema amama na.

Jọshụa 16:3

Anị pịkị ịrụasọsọ nyọ daọrụ mị ḅụ somun Jaflẹt apụ eke mị lamẹ, pịkị somun Chukuda Bẹt Horọn mị eke mị lamẹ. Anịju ḅụ anị sakịmun Gaza mị la se mun Mẹditirenia Opu Tọrụ mị ḅụ kulumamẹ.

Jọshụa 16:5

Mị Ifrem awọma inia eke mị-ẹ: inia eke mị Atarọt Ada mị ḅụ ịrụapakapaka nyọ daọrụ anị sakịmun Ọgọnọda Bẹt Horọn mị lamẹ,

Jọshụa 21:22

Kibzeim na, pịkị Bẹt Horọn na pịkị inia namama fịfịḅịa osuein kirima na.

Bẹrẹkọn Apụ 4:15

Barak ḅe na oria ọmụogbo mị na owu se ini paka sịkị, Nyanaḅọ Ḅe ḅịpịogbosọka se Sịsera ḅe na, oria owuni kporokporo mamgba na pịkị owuni mamgba na ḅie chumẹ. Sịsera ḅe ori oria owuni kporokporo mị ọgọnọ koro se ḅụọ se mangị somẹ.

Bẹrẹkọn Apụ 4:16

Barak ḅe owuni kporokporoma na ọmụogbo mị na ḍuko mun Haroshẹt Jịn-sẹ-apụ ama mị lamẹ, se Sịsera ọmụogbo mị mgba ḅaafamamẹ. Gbọrịḅọ kẹngẹ sọnị kọnkẹ.

Bẹrẹkọn Apụ 5:20

Lolia ma sotọrụ ḅụ ḅo owu mị sọmẹ; àrị sotọrụ saḅa ḅọrọarị sịkị, àrị owu se Sịsera ḅe pakamẹ.

1 Samụẹl 13:18

jịn kpo so Bẹt Horọn mị damunmẹ, se ísí kpo mị pịkị Zẹboịm Pẹsịkiri mị na piri ele mị na ḍikia-ḍikia eke mị damunmẹ.

1 Samụẹl 17:1

Filistia apụma ini koḅirimamẹ Sokọ mị ḅieḅụ ọmụgbinḅịa ẹrẹchị, anị Juda ama ḅụ gbọrị ama ḅie; Ẹfịs Damim nwọ chịn gbọrị anga ḅụ ini ikowarịma pike simemẹ, Sokọ mị na Azika mị na ogboku.