Jọshụa 1:8 - Kịrịkẹnị Baịbụl

⁸ Ọrị na oloko ḍiri mị, ọ́ tẹkẹ sịkị goyegoye ómine anị gomẹ. Anị ḍawọ, ḍin-na-enekaka na ḅụ, pịkị ọrị na anịa ḅie gịẹịn koromaye goyegoye ó kokomẹ. Anịsịkị ọ́ lọkọlọkọḅịa, ye pịkị ómine na iḅiḅịa.

Jọshụa 1:8 Iomraidhean Croise

Chukusakị 24:63

Sasoḅiri ọ̀ paka mun onwun ele mị ḅie ḅụọ ịsụn-ẹmunmẹ se ḅoarị ike-nambuloma nwọ ọrịmẹ.

2 Amanyanapụ Sịkị Mịẹaye Ma 26:5

Zẹkaraya, tẹmẹ anga ò tetema tetemaḅọ ḅe ḍuko sịkị mị ḅụ, ò kuḅie-se-ḅụgbana ḅara se fịrịnwẹngị Nyanaḅọ Ḅe pịrịmẹ, se Tamụnọ Ḅe ori ọ̀ ḅẹlẹmamẹ.

Fịafịa Nime 119:11

Ị́ya olokoma à se ị̀ kuḅie ḅụ kokomẹ, mịẹso sịkị àrị ị́ ḅụ simịẹ ẹka ọkụ.

Fịafịa Nime 119:15

Àrị ị́ ḍuko ayema ḍawọmẹ; ị́ telima ayema à nwọ pekeleḍikimẹ.

Fịafịa Nime 119:97

Àrị ị́ya oloko mị ḅẹlẹmamẹ! Àrị anịa koroma kọnmẹ ene mị ḅie mgba.

Fịafịa Nime 119:99

À yekaịnḅotẹịn ye se ị̀ telima apụ mamgba nẹngịmẹ, anịatịḅị ị́ se ị̀ telima ayema à nwọse ị̀ kuḅie chụa iḅiọkụma koroma kọnmẹ.

Fịafịa Nime 19:14

Ye ị̀ya ọkwẹịn ma na koroma ma na ị́ ḅụḅẹlẹye nwọsọ, Yei Nyanaḅọ, ị̀ya ḅọị nyọ na ị̀ ḍụa ḅọ na!

Fịafịa Nime 40:10

Ḍụaḅọrọma iḅi ḅẹrẹ mị ḍuko mị, à se koroma ị̀ ḅụ ngẹrị pịrịkẹ, à sịkịmamgba ị́ya nweni ḅẹlẹma mị na, ị́ya ḅarachụa mị na ḍukopakụmasam. Ị́ya tomonima koḅiria nyọḅụ ma à yawụma simekẹ, anị ị́ya iḅi na ị́ya karakaraye mịẹ mị na pịkị ị́ya kunoka ḅẹlẹma mị na gbakịmaye ḅụ.

Kaḅo Ma 3:1

Ị̀ya owutọkụ, à se ị́ telimaye ma se ḅieḅaramama. Sịkịmamgba à ḍuko ị́ pịrị na mịẹ nwọḅẹ ayema se ḅiekoroma.

Aịzaya 59:21

Àrị ómine na ọḅọkụ fịḅịa: Ị̀ya kụrọ na ḍieaye ma na, à se ọ́ pịrị se àrị ọ́mịna aye sọ gbasoḅịa, pịkị mịọkụ ọkị tọrọkọ mun, ómine ị̀ ḅịpị pokiḅịa, ọ́ pịkị se ọ́mịna awọma na ọ́mịna furoḅie pakaḅoḅịa apụma na telima, na ini ị̀ ḅịpị poki gbaso.”

Matio 12:35

Iḅi ḅọ ḅe oria iḅi ye koko nyọ mị ḅie mị ori iḅi-a ye pakụmaḅoḅịaye-ẹ, anị si ḅọ ḅe sọ oria si ye koko nyọ mị ḅie si aye pakụmaḅoḅịa ọkụ-ẹ.

Matio 28:20

ye se ini ḍie, oloko ḅara ḅụ à se ọ́ pịrị aye layelaye ini nwọ koko. Ḍiki à sịkịmamgba ómine na simeḅịa, ọkịmun tomonikiri mị ḅe kuluma sịkị la.”

Matio 7:21

“‘Nyanaḅọ, Nyanaḅọ!’ Nwọse ị̀ chịn ḅọ goyegoye soḅie Amanyanakiri mị ḅie sọ ẹkẹ, ọkụma ị̀ Ḍa soḅie sime ḅọ Ḅe ḅiayema mịẹarị apụma kẹngẹ-ẹ.

Matio 7:24

“Anịẹrẹchị mà, ị̀ya ọkwẹịnma na, se àrị ḍukoarịye mịẹḅọ goyegoye iniḅọ yenemiḅọ kịkẹmẹ, anị, iniḅọ warị nwọse ḍụparị ọgọnọ nama ḅọ ḅe-ẹ.

Luk Iḅi Ḅẹrẹ Mị 11:28

Ọkụma Jizọs Ḅe pẹkẹrẹmẹ, “Anịnakaraka, Tamụnọ ọkwẹịn mị naa, se anị ḍukoye mịẹapụma nyanaḅịa ḅieḅẹlẹ la-ọkụ ḍiki!”

Jọn Iḅi Ḅẹrẹ Mị 13:17

Mịọkụ ọ́ kọkọmaye mị nemisam, ọ́mịna ḅieḅẹlẹ laḅịa ọkụ ḍiki, ó nemikase anị seni mịẹmịẹye ḅụ chuḅịa ọkụma!

Jọn Iḅi Ḅẹrẹ Mị 14:21

“Ị̀ya olokoma ọkịḅọ goyegoye pịkị àrị ḍukoye mịẹḅọ mịẹḅọ, ori mị ị̀ ḅẹlẹmaḅọ ḅe-ẹ. Ị̀ Ḍaḅe iniḅọ ḅẹlẹmaḅịa, nwọ ị̀ ḅẹlẹmaḅọ goyegoye ị̀rị̀ sọnị iniḅọ ḅẹlẹma se ị̀ ḅụ ḍieḅelema iniḅọ pịrịḅịa.”

Ẹfịsọsịapụ 4:29

Ye seni nweni lamaḅịa ọkwẹịn kọnma, ọkụma ị́ ọkwẹịn àrị sịkị, ḅarachụaḅịa ọkwẹịn kẹngẹ nwọ kọn, jịnḅọ nama chịẹma pịkị ḅụpalịmaye mịẹ iniḅọ pịrịḅịaye, mịẹse ị́ ḍukoḅịaye mị iḅiyemịẹ naa apụma pịrịḅịa ḅara.

Maịnkarama Oloko 29:8

inia ama mị ọkị, se anị ḍie seni Rubẹnị na Gadị na furu ma pịrịmẹ, pịkị Manasẹ furo mị ḅụ gbọrị pẹkẹrẹ na.

Maịnkarama Oloko 29:9

Ó kuḅie se ḅụgbana gbẹịn ḅara se mị ọḅọkụ mị ḅe ọkwẹịn mamgba nwọ koko, mịẹse ọ́ mịẹye goyegoye ómine na iḅiḅịa ọkụ.

Maịnkarama Oloko 30:14

Ẹn-ẹn, anị mịanga ómine na omi-ẹ. Ómine anị nemimẹ, pịkị ineda anị sime anga goḅịa, anịẹrẹchị mịọkụ ómine anị koko.”

Maịnkarama Oloko 31:11

Ómine anị go Izrẹlapụma pịrị ini ḅo anị gbọrị tẹkẹ nyọ mị ḅụ Nyanaḅọ ọ́mịna Tamụnọ Ḅe tẹkẹ-ẹḅosa ḅẹḅẹ.

Maịnkarama Oloko 31:24

Moziz ḅe Tamụnọ Ḅe Oloko mị se ḍiri ḅie gịẹịnmẹ, se tọrụkweinma ḍikimẹ na arịaḅụ gbọrịye sọnị pụmbụrụkẹ.

Maịnkarama Oloko 5:1

Moziz ḅe bebe Izrẹlapụ mamgba chịn koḅirima se nwọse ini ḅẹmẹ, “Izrẹlapụ, mịmgba à se ọ́ pịrịarị olokoma ọ́ nwọ poki. Ómine àrị ḍawọ se ọ́ pịkị ḍọkịḅo ọrị na ómine àrị kokomẹ.

Maịnkarama Oloko 5:29

Ini ḅọrọ sịkịmamgba nwọse osi se ị̀ pịrị pịkị ị̀ya oloko mamgba koko ọkụma; ye ini na pịkị inia awọma na iḅi gbasoḅịa.

Maịnkarama Oloko 5:32

“Anịgose, Izrẹlapụ, ómine ọrị na Nyanaḅọ ọ́mịna Tamụnọ Ḅe tọn ọ́ pịrịye goyegoye ọ́ mịẹmẹ. Oria olokoma ḅụ gbọrịye sọnị ọ́ kanma.

Kolosi 3:16

Kraịst oku mị anịa pẹrẹ la-ọkụ mamgba nwọse ọ́mịna kuḅie ḅụ angaḅịa. Ó ye seni jịnḅọ jịnḅọ ḍie, pịkị ye ḍuko jịnḅọ jịnḅọ pịrị ọ́mịna nemi la-ọkụ mị mgba ḅụ. Ọ́ Devid fịafịa nimema na, Tẹmẹ anga ḅe nimema na, boma nimema na nwọ chu Tamụnọ Ḅe pịrị se mịẹḅaka ḅẹ ọ́mịna kuḅie ḅụ.

Jọshụa 1:7

Ị́rị́ pa ịnyọ chụa pịkị kụrọ kuḅie nyana; pịkị ọrị na ị̀ya fịrịnwẹngịḅọ Moziz ḅe chụa se ọ́ pịrị oloko mamgba ó kokomẹ. Arịaḅụ gbọrị pẹkẹrẹ sọnị se papaye mịẹma se ị́ mun-anga-mun-anga ye ị́rị́ na iḅiḅịa.

Jọshụa 8:34

Anịsịkị Jọsụwa ḅe gele pụkọ se Nyanaḅọ Ḅe Oloko mị gomẹ, ḅẹlẹma ma na worinime ma na, oloko ḍiri mị ḅie gịẹịnsa ḅaraḅụ.

Ḍieḅelema Yema 22:14

Ḅieḅẹlẹ sime inia koro ḅụchụayema sịkịrị fịafịama apụma pịrịmẹ, anịatịḅị ini kụrọ nyanamẹ ḍumo chịn mị ḅe chịnmgbọlụ mị nwọ fị, pịkị onu ḅọkọ ma ḅie ḅọrọ mun opuama mị ḅie sọ.