Jọshụa 1:6 - Kịrịkẹnị Baịbụl

⁶ Ịnyọ chụa pịkị kụrọ kuḅie nyana, anịatịḅị ị́ tịḅịnịḅọ sọ mịnapụma pịrịḅịa, mị à ḅereni inia olomu-aḍapụma pịrịsa ama mị ini nwọ ọkị angaḅịa sịkịḅụ.

Jọshụa 1:6 Iomraidhean Croise

Chukusakị 12:7

Nyanaḅọ Ḅe ḅụpakụma Ebram ḅe ḍie seni nwọse ọ̀ ḅẹmẹ, “Mị anị à seni ị́ furo ḅie pakaḅoḅịa apụma pịrịḅịa sẹ mị-ẹ.” Anị Ebram ḅe anịnyọ ḅụ gbọrị agbamịẹ ẹbẹ pike Nyanaḅọ Ḅe pịrịye-ẹ, anị ḅụ se ò ḍie ḅọ ḅe.

Chukusakị 26:3

Mịanga anga, à pịkị ị́rị́ na simeḅịa, se pịkị ị́ ḅẹlẹmaḅịa. Nyọ mị mgba à se ị́rị́ na ị́ furo ḅie pakaḅoḅịa apụma na pịrịḅịa. À ḅereni ị́ ḍa Ebraham ḅe pịrị yemị à nwọ mịẹ ḅeinmaḅịa.

2 Samụẹl 10:12

Ịnyọ chụa pịkị kụrọkuḅie nyana! Ye wa gagama owusọ se mịna tomonima na pịkị mịna Tamụnọ Ḅe opuamama na pịrị. Se ye Nyanaḅọ Ḅe tọnye mị-ẹ!”

1 Amanyanapụ 2:2

“À fịḅịa sịkị lasam. Kụrọ kuḅie nyana pịkị ị́ mịẹḅịaye nwọ nemi,

1 Amanyanapụ Sịkị Mịẹaye Ma 22:13

Ị́ nemikase Nyanaḅọ Ḅe se Moziz ḅe pịrị se Izrẹlapụma pịrị-ẹ ḅẹ oloko mamgba ḍukoye nwọ mịẹ ọkụma, ye ḅịrị ị́ pịrịḅịa. Ị́ kuḅie mịẹ kụrọma pịkị kuḅie kụrọ nyana, se ḅerenima gbọrịye sọ ị́ ḅalafama.

1 Amanyanapụ Sịkị Mịẹaye Ma 28:10

Anị ị́ ḅụ okoroḅịa na, Nyanaḅọ Ḅe, ori ị́ sẹlẹsam na ị́ ḅo oria fịafịa Oputẹkẹwarị mị nama. Mịọkụ anị nama—se pịkị kuḅie kụrọma anị nama.”

1 Amanyanapụ Sịkị Mịẹaye Ma 28:20

“Kụrọma chịẹ pịkị ị́ kuḅie mịẹkụrọma. Fịrị mị sakị, se ḅerenima gbọrịye sọ ị́ dachịẹma. Tamụnọ Nyanaḅọ Ḅe, à fịrịnwẹngị pịrịarịḅọ ḅe ori ị́rị́ na simeḅịa. Ori ị́ sarakoroma ẹkẹ ọkụma ori ị́rị́ na sime nweni oria Oputẹkẹwarị mị ḅụ ị́ nwẹngịarị fịrị mị faḅịa.

2 Amanyanapụ Sịkị Mịẹaye Ma 15:7

Ọkụma ọ́ kụrọma chịẹ se pịkị kuḅie lọkọ nyanama. Ọ́ nwẹngịarị fịrịma ḅe gbẹịnye ọ́ nwọ nyanaḅịa.”

2 Amanyanapụ Sịkị Mịẹaye Ma 20:11

Mị mịọkụ ini gbẹịnye se wa pịrị ọkụ-ẹ—ị́rị́ se wa pịrị ama mị ḅie ini ḅo wa desin aḅẹ.

2 Amanyanapụ Sịkị Mịẹaye Ma 20:7

Ị́rị́ mịna Tamụnọ-ẹ. Ị́ya tomoni, Izrẹlapụma mị ama mị ḅo sịkị, ị́rị́ anị mịọ anga simeapụma desin se ama mị se inikio Ebraham-ḅe-ḅụ-koroḅoapụ ma pịrịye-ẹ, na anị sime ini pịrị gbaso.

Fịafịa Nime 27:14

Kuḅie se Nyanaḅọ Ḅe ḅụgbana. Ḅereni nyana, kuḅie lọkọmama. Kuḅie se Nyanaḅọ Ḅe ḅụgbana.

Danịẹl 10:19

Ọ̀ nwọ ḅẹmẹ, “Tamụnọ Ḅe ori ị́ ḅẹlẹmamẹ, anịẹrẹchị ḅerenima, gbọrịye sọ ị́ ḅụfụkama anịkanịka ị́ ḅalafama.” Ọ̀ mịn mị ḍuko so sịkị, à ḅo jokoma kụrọtẹịnmẹ se nwọ ḅẹmẹ, “Ị̀ nyanaḅọ, ị́ nyana se ḍukoḅịaye mị ḍuko ị̀ pịrị. Ị́ ị̀ mịẹkụrọmatẹịnsam.”

Hagaị 2:4

Ọkụma ọ́mịna ḅie gbọrịḅọ sọnị kuḅie lọkọmama. Ọ́ fịrịnwẹngị, anịatịḅị àrị ómine na omi-ẹ.

Zẹkaraịa 8:9

“Ó kuḅiekụrọ nyana! Ịkịankoro apụma anị ene, ini ị̀ya Oputẹkẹwarị mị kpoto nwọ namaḅịa ẹrẹchị chụa chuku sẹkẹ ḍụparị mị sara àrị sịkị, kọn gbọrị ọkwẹịn ma, ọ́ pịkị nwọ na aḅẹ mịọkụ.

Kịẹnḅịpị Ma 26:53

“Kiri mị ḍie se sẹ sẹma pịrị, ini la-ọkụ mị se ḅụkịẹnma.

Kịẹnḅịpị Ma 33:53

Ómine ama mị ọkị se anịa ḅie anga, anịatịḅị ị̀rị̀ anị seni ọ́ pịrịaḅẹ.

1 Kọrịntapụ 16:13

Ọbị ḅụ ó sime, ḅereni ḅụ ọ́ kụrọma chịẹ, ọ́ ḅalafa nyanama, kụrọ ḅụ ó sime.

Ẹfịsọsịapụ 6:10

Anịḅe kuluma Nyanaḅọ Ḅe na gbọrịye mịẹ ḅụ ómine ọ́mịna ịnyọ mị nwọ nama chịẹma, ye oria opu kụrọ mị ḅụ ọ̀ wẹrị anị ḅara mị mịẹ ọ́ pịrị.

Maịnkarama Oloko 1:8

Mịn bebe ama mị mgba, anị Ị̀rị̀, Nyanaḅọ Ḅe, ḅereni ọ́mịna ḅieju-aḍapụ Ebraham ḅe na, Aịzịk ḅe na pịkị Jekọb ḅe na, pịkị inia furo ḅie apụma na pịrịye mị-ẹ. Ó mun anị ọkị anga.’ ”

Maịnkarama Oloko 11:8

“Mịmgba à se ọ́ pịrịsa oloko mamgba ómine àrị koko. Anịsịkị re mị ómine ineda tọrụ mị saḅa se ó mun-arị ama mị ọkị nyanaḅịaye-ẹ.

Maịnkarama Oloko 31:23

Anịsịkị Nyanaḅọ Ḅe ọkwẹịn Jọsụwa, Nọn yaḅe pịrịmẹ, “Ịnyọchụa pịkị kụrọ kuḅie nyana. Ị́rị́ anị Izrẹlapụma se mun à ḅereni ini pịrị ama mị ḅie chuḅịaye-ẹ, à pịkị ị́rị́ na simeḅịa.”

2 Timoti 2:1

Ị́rị́ ị̀ya tọkụ ḅe ọkụma, Kraịst Jizọs Ḅe na gbọrịye mịẹ ḅụ wa nyana ḍikiḅụgerere mị ḅụ ḅọrọ kụrọḅọ sọ-ọ.

Jọshụa 1:18

Tụḅọ kụrọ se ị́ pịrị nọ nwọ gbela anịkanịka ị́ ḅịpị pokikaḅọ goyegoye nụḅọ ḅaa ḅụ sọḅịa. Ịnyọ chụa pịkị kụrọ kuḅie nyana!”

Jọshụa 1:7

Ị́rị́ pa ịnyọ chụa pịkị kụrọ kuḅie nyana; pịkị ọrị na ị̀ya fịrịnwẹngịḅọ Moziz ḅe chụa se ọ́ pịrị oloko mamgba ó kokomẹ. Arịaḅụ gbọrị pẹkẹrẹ sọnị se papaye mịẹma se ị́ mun-anga-mun-anga ye ị́rị́ na iḅiḅịa.

Jọshụa 1:9

Se ḅiekoroma na àrị ị́ ḅẹmẹ ịnyọ chụa pịkị kụrọ kuḅie nyana! Ḅalafama pịkị kuḅie lọkọmama, anịatịḅị ị̀rị̀ ị́ Nyana Tamụnọ Ḅe àrị ị́rị́ na omi-ẹ ị́ mun-anga-mun-anga ḅụ.”

Jọshụa 10:25

Anịsịkị Jọsụwa ḅe nwọse oria ọmụtịḅịdapụ ma ḅẹmẹ, “Ọ́ ḅalafama ọ́ pịkị ó kuḅie lọkọmama. Ómine ịnyọchụa pịkị kụrọkuḅie nyana anịatịḅị mị Nyanaḅọ Ḅe se ómine-na-tarakapụ mamgba mịẹḅịa ọkụ-ẹ.”

Jọshụa 13:6

Mịn mị bebe Saịdọn apụ pẹkẹrẹ mị mgba anịa ḅụ omi-ẹ, anị Lẹbanọn Tụndụ ma na pịkị Misrẹfọt Meim mị na ogboku anga chịngị ọgọnọ sẹ mị ḅe apụ ma-ẹ. Izrẹlapụma nwẹngị sọmun-arị sịkị à mịna sẹma ḅie anga apụ mamgba depakụmaḅịa. À tọn ị́ pịrị ḅọrọsa ḅaraḅụ, kiri mị ị́ ḍie Izrẹlapụma pịrịḅịa.

Jọshụa 18:3

Anịẹrẹchị Jọsụwa ḅe nwọse Izrẹlapụma ḅẹmẹ, “Ó koru mun chesịkị la se ó mun Nyanaḅọ Ḅe, anị ọ́mịna olomu-a ḍapụma Tamụnọ Ḅe se ọ́ pịrịsa ama mị ọkị ḅe?

Jọshụa 21:43

Nyanaḅọ Ḅe, bebe kiri mị mgba ò se Izrẹl mị pịrịmẹ anị ò kụrọma yeḅereni inia olomu-a ḍapụma pịrịmẹ na ò se ini pịrịḅịa nwọḅẹ ama mị. Ini anị ọkị nyana sịkị ini anịju ḅụ simemẹ.

1 Samụẹl 4:9

Ó kuḅie kụrọma, Filistia apụ! Ọ́ kụrọma owu mị sọ, anịka wa omoniapụ sọ Hibru apụma pịrịḅịa, anị ini omoniapụ sọ wa pịrị ḅọrọsa ḅara mị. Anịẹrẹchị ọ́ kụrọma owu mị sọ!”