Jọshụa 1:5 - Kịrịkẹnị Baịbụl

⁵ Jọsụwa, ị́ya ḍumo ene mamgba ḅie ineda ị́ nẹngịmaḅịaḅọ ofori-ẹ. À Moziz ḅe na sime ọkụ anị à pịkị ị́rị́ na simeḅịa ọkụ-ẹ. Sịkịmamgba àrị ị́rị́ na simeḅịa, ngịsị àrị ị́ wẹrịso-ẹkẹ.

Jọshụa 1:5 Iomraidhean Croise

Chukusakị 39:2

Nyanaḅọ Ḅe ò Josẹf ḅe na omi-ẹ, pịkị mịẹse ọ̀ tọrọkọ mun mẹ. Ijipt ama mị ḅie ọ̀ nyanaḅọ ḅe warị ḅie ori angamẹ,

1 Amanyanapụ 1:37

Nyanaḅọ Ḅe ori ị́rị́ Opu Amanyanaḅọ ḅe na sime ḅara mị se pịkị Sọlọmọn ḅe na sime, pịkị mịẹse oria amanyana mị ẹrẹsotẹịn ị́yaye mị nẹngị.”

1 Amanyanapụ 11:38

Ị́ nemikase okorona okorona ị̀ ḅịpịpoki pịkị ị̀ya olokoma ḍukonwẹngị, se à tọn ayema nwọ mịẹmẹ ḅẹḅẹ, anị ị̀ya fịrịnwẹngịḅọ Devid ḅe mịẹ ọkụ mị, anịọkụma sịkịmamgba àrị ị́rị́ na simeḅịa. Àrị ị́ seni Izrẹl amanyanaḅọ mịẹḅịa à pịkị mịẹse ị́ furoḅie apụma ḅẹrẹtọnḅịa ị́ ḅụọ ḅọrọ sịkị, anị à mịẹ Devid ḅe pịrị ọkụ mị.

1 Amanyanapụ 6:13

Àrị ị̀ya tomoni Izrẹlapụma ogboku ḅụ angaḅịa mị ị́ namarị Oputẹkẹwarị mị ḅieḅụ, à pịkị ini sara koroma-ẹkẹ.”

1 Amanyanapụ 8:57

Yei Nyanaḅọ mịna Tamụnọ Ḅe mine na sime, anị ọ̀ mịna olomu-a ḍapụma na sime ọkụ mị; ye ọ̀ wa wẹrịsoma, anịkanịka wa se sarakoromama;

1 Amanyanapụ Sịkị Mịẹaye Ma 28:20

“Kụrọma chịẹ pịkị ị́ kuḅie mịẹkụrọma. Fịrị mị sakị, se ḅerenima gbọrịye sọ ị́ dachịẹma. Tamụnọ Nyanaḅọ Ḅe, à fịrịnwẹngị pịrịarịḅọ ḅe ori ị́rị́ na simeḅịa. Ori ị́ sarakoroma ẹkẹ ọkụma ori ị́rị́ na sime nweni oria Oputẹkẹwarị mị ḅụ ị́ nwẹngịarị fịrị mị faḅịa.

Fịafịa Nime 46:11

Kụrọmamgba Nyanaḅọ Ḅe ò mine na omi-ẹ; Jekọb Tamụnọ Ḅe mịna ḅọị nyọ-ẹ.

Pakaso 3:12

Tamụnọ Ḅe nwọ pẹkẹrẹmẹ, “Àrị ị́rị́ na simeḅịa, se ị́ Ijipt ḅie tomonima ọkị pakụmaḅosa ḅẹḅẹ, mị tụndụ mị ọgọnọ ómine ị̀ tẹkẹḅịa. Mịn mị ḍiepakụmaḅịa na ị̀rị̀ ị́ fịrịmamẹ.”

Aịzaya 42:16

“Ị̀ya tomoni tọrụmgbọlụ pụn apụma à tọrọkọda ini pịrị ini se ma ini ḅọrọka ateli ḅie ḅọrọḅịa. Inia kanakana mị à pịkị enekaka mịẹ ini pịrịḅịa à pịkị kpụlụkụ kpụlụkụ sẹma mịẹḅịa àrị mọnịmọnị se ini ọrịḅịa. Ma anị à ḅereniaye ma-ẹ, à pịkị àrị mịẹḅịa gbarịmaka ḅaraḅụ.

Jerimaya 1:8

Ini ḍikiḅalafama, anịatịḅị àrị ị́rị́ na sime pịkị ị́ ḍikiḍikiḅịa. Mị anị Ị̀rị̀, Nyanaḅọ Ḅe, ḍukosaye-ẹ!”

Danịẹl 11:16

Siria owu koromaḅọ ḅe ori ò ḅietọn ḅara se ini na mịẹḅịa, ori na tụḅụrụḅịa ḅọ ofori-ẹ. Oria kụrọ ḅụ Tamụnọ Ḅe Yeḅereni pịrị Ama mị ḅie chịẹḅịa se kụrọ ḅụ arịmgba nyana ọkịḅịa.

Matio 28:20

ye se ini ḍie, oloko ḅara ḅụ à se ọ́ pịrị aye layelaye ini nwọ koko. Ḍiki à sịkịmamgba ómine na simeḅịa, ọkịmun tomonikiri mị ḅe kuluma sịkị la.”

Romapụ 8:31

Maye mamgba ḅụ, cheye wa ineda nwọ ḍuko ḅe? Tamụnọ Ḅe nemikase mịna ḅụ simemẹ ḅẹ ọkụma, tụḅọ ineda mine na ye mịẹ ḅe?

Romapụ 8:37

Ẹn-ẹn, mayema ḅie mgba wa karasa ọmụḅaraiḅi nwọ nyana waraḅẹ wa ḅẹlẹma ḅọ ḅe ḅụ!

Maịnkarama Oloko 20:1

“Ó mun ómine na tarakapụ na ọmụgbinḅịa sịkị owuni kporokporo na asụnma na pịkị ḅaka ọ́ nẹngị owuni na ọrịmẹ ḅẹḅẹ, ómine ini ḍikiḅalafama. Nyanaḅọ ọ́mịna Tamụnọ Ḅe, anị Ijipt mị ḅie ọ́ ḅọrọma pakụmaḅọ ḅe ori ómine na omi-ẹ.

Maịnkarama Oloko 20:4

Nyanaḅọ ọ́mịna Tamụnọ Ḅe ómine na mun aḅẹ, ọ̀ pịkị ọmụḅaraiḅi se ọ́ pịrịḅịa.’

Maịnkarama Oloko 31:23

Anịsịkị Nyanaḅọ Ḅe ọkwẹịn Jọsụwa, Nọn yaḅe pịrịmẹ, “Ịnyọchụa pịkị kụrọ kuḅie nyana. Ị́rị́ anị Izrẹlapụma se mun à ḅereni ini pịrị ama mị ḅie chuḅịaye-ẹ, à pịkị ị́rị́ na simeḅịa.”

Maịnkarama Oloko 4:31

Ori anị ḍikiḅụgerere nyana Tamụnọ-ẹ. Ori ó ḍikitọrụsin ẹkẹ, ọ̀ pịkị papa ọ́ fama-ẹkẹ, ori ḅarana ọ́mịna olomu-aḍapụma na fị ọḅọkụ mị sọnị ò se ḅieḅarama ẹkẹ.

Maịnkarama Oloko 7:24

Ori inia amanyanapụma se ọ́mịna ḅara dẹrịḅịa. Se ómine ini ḅaaḅịa se tomoni ini seni ḅieḅaramaḅịa. Ineda ómine dachịẹmaḅịaḅọ ofori-ẹ; ó tomoni goyegoye ḅaafamaḅịa.

2 Timoti 4:17

Ọkụma Nyanaḅọ Ḅe ị̀rị̀ na sime se ịnyọ se ị̀ pịrịmẹ, anịẹrẹchị àrị ineda ḅeinma oku mị ḍukopakụma Jịnsẹapụma pịrị se ini naamẹ; se fị ḅẹrẹkọn ị̀ pịrị mị ḅụ à ḍụaḅọrọma nyanamẹ.

Hibru 13:5

Ómine igbiki ḅẹlẹma ḍumo kọnma, se ye ọ́ nyanaye ọ́mịna ḅụ na deinkoro. Anịatịḅị Tamụnọ Ḅe Ọ̀ nwọ ḅẹsam, “Ngịsị àrị ọ́ wẹrịso ẹkẹ, ngịsị àrị ọ́ sịkị ẹkẹ.”

Jọshụa 1:17

Wa ị́ ḅịpị pokiḅịa, anị wa Moziz ḅe ḅịpị pokipoki ọkụ mị, ye ị́ Nyana Tamụnọ Ḅe ị́rị́ na sime anị, ò Moziz ḅe na sime ọkụ mị!

Jọshụa 1:9

Se ḅiekoroma na àrị ị́ ḅẹmẹ ịnyọ chụa pịkị kụrọ kuḅie nyana! Ḅalafama pịkị kuḅie lọkọmama, anịatịḅị ị̀rị̀ ị́ Nyana Tamụnọ Ḅe àrị ị́rị́ na omi-ẹ ị́ mun-anga-mun-anga ḅụ.”

Jọshụa 10:8

Nyanaḅọ Ḅe nwọse Jọsụwa ḅe ḅẹmẹ, “Ini ḍiki ḅalafama. Ọmụḅaraiḅi mị à se ị́ pịrị ḅọrọsam. Iniaḅụ gbọrịḅọ sọnị ineda ị́ tọrọkọ chịẹ ẹkẹ.”

Jọshụa 21:44

Nyanaḅọ Ḅe ò deinma se ini pịrịmẹ bebe ama mị mgba ḅie ḅụ, anị ọ̀ wẹrị yeḅereni inia olomu-a ḍapụma pịrịsa ḅaraḅụ. Ini na tarakapụma ḅụ gbọrị apụ sọnị ineda ini dakẹ, anịatịḅị Nyanaḅọ Ḅe, ọ̀ mịẹ sarasarama Izrẹlapụma pịrịmẹ ini na tarakapụ mamgba ḅụ.

Jọshụa 3:7

Nyanaḅọ Ḅe nwọse Jọsụwa ḅe ḅẹmẹ, “Mịmgba à mịẹḅịaye mị mịẹse bebe Izrẹlapụ mamgba osi se ị́ pịrịḅịa opuḅọ ḅaraḅụ, ini pịkị nemiḅịa na àrị ị́rị́ na omi-ẹ anị à Moziz ḅe na sime ọkụ mị.

Jọshụa 6:27

Nyanaḅọ Ḅe Jọsụwa ḅe ḅụ simeye ẹrẹchị, oria ẹrẹso mị pịkị wasama mun bebe sẹ mị mgba kelemamẹ.

Bẹrẹkọn Apụ 2:18

Nyanaḅọ Ḅe tịḅịnịḅọ se Izrẹl mị pịrị sịkị goyegoye, Nyanaḅọ Ḅe ọ̀ ḅarachụa ọ̀ pịrị se ori inina-taraka apụma ḅara ḅie ini ḍụaḍụamẹ ori tịḅịnịḅọ ḅe ḍumo la ene la ene. Nyanaḅọ Ḅe ò ḍikitịḅịfoin nyana ini pịrịpịrịmẹ anịatịḅị inia tọrụsiọrị mị na pịkị ini se ini mịẹ kurakaye mị na ẹrẹchị ini ḅiede owuwumẹ.

Bẹrẹkọn Apụ 6:16

Nyanaḅọ Ḅe nwọse ọ̀ pẹkẹrẹmẹ, “Ị́ ineda ḅịa anịatịḅị à ḅarachụa ị́ pịrịḅịa. Ị́ se Midia apụma kọsịmaḅịa ḅara, ị́ ḅẹḅịa na ini mgba gbọrịḅọ kẹngẹ-ẹ.”

1 Samụẹl 10:7

Ma ayema mịẹsa ḅẹḅẹ, Tamụnọ Ḅe tọn ị́ pịrị na mịẹ ḅẹye goyegoye mị-ẹ, anịatịḅị Tamụnọ Ḅe ori ị́rị́ na omi-ẹ.