Jọshụa 1:2 - Kịrịkẹnị Baịbụl

² Ọ̀ nwọ ḅẹmẹ, “Ị̀ya fịrịnwẹngịḅọ Moziz ḅe ọ̀ fịsam. Mịọkụ ọ́ ḅụkarakarama, ị́rị́ na bebe Izrẹlapụ mamgba na, se ọ́ Jọdan Tọrụ mị saḅa mun à se ọ́ pịrịarị ama mị ḅie sọ.

Jọshụa 1:2 Iomraidhean Croise

Chukusakị 17:8

Mịọkụ ị́ nwọ anga àrị igoni ama mị, à seni ị́rị́ na ị́ furo ḅie awọma na pịrịḅịa. Bebe Kenan ama mị mgba sime ị́ furo ḅie awọma pịrị gbasoḅịa, se à pịkịna inia Tamụnọ sọḅịa.”

Nẹhimaya 9:23

Ị́ tọn-a awọmẹnị seni ini pịrịmẹ, sotọrụ lolia ma ḅaka ọkụ ḅaka awọmẹnị, se ị́ mịẹmẹ ini ama mị nẹngịma seni anịa ḅie anga mẹ anị ị́ ḅereni inia ḅieju-aḍapụma pịrịsa ama mị.

Job Ḍiri Mị 1:8

“Ị̀ya fịrịnwẹngịḅọ Job ḅe ị́ kpaịnma ò se ḅiekoroma-ao?” Nyanaḅọ Ḅe nwọ gbelamẹ. “Tomonikiri mị ḅie mgba ò sime ọkụ sime gbọrịḅọ sọ ofori-ẹ, ori anị kuḅie-se-ḅụgbana-gbẹịnḅọ-ẹ, pịkị karakaraye mịẹḅọ-ẹ. Ori ị̀ ḍikiḅalafamẹ, ọ̀ pịkị simịẹmịẹaye ḅụ ḅụtọnmẹ.”

Aịzaya 42:1

Nyanaḅọ Ḅe nwọ ḅẹmẹ, “Ḅe ị̀ya fịrịnwẹngịḅọ ḅe-ẹ, ori anị à mịẹkụrọmasa ḅọ ḅe-ẹ— à sẹlẹ ọkịsaḅọ ḅe oria mịẹmịẹye ị̀ ḅieḅẹlẹmamẹ. Àrị ị̀ya kụrọ mị se ò ḅie ḅeinmasam, ọ̀ pịkị karakara ḅẹrẹkọn ḅara mị se ḅo sẹ goyegoye pịrịḅịa.

Kịẹnḅịpị Ma 12:7

Àrị ị̀ya fịrịnwẹngịḅọ Moziz ḅe na ọkwẹịn ọkwẹịn ḅara mị kịrịmẹ; àrị ò se ị̀ya tomoni Izrẹlapụma mgba ḍikiḍiki ḅọ nwọ mịẹmẹ.

Maịnkarama Oloko 3:28

Jọsụwa ḅe ọ̀ mịẹḅịaye nwọ ḍuko ọ̀ pịrị, se ò kuḅie kụrọma pịkị ịnyọ se ọ̀ pịrị, anịatịḅị ori tịḅịda tomonima pịrị ini se saḅamun ị́ nwọ ọrị ama mị ọkị se angaḅịa.’

Maịnkarama Oloko 31:7

Anị Moziz ḅe Izrẹlapụ mamgba tọrọkọ ḅụ Jọsụwa ḅe chịn se nwọse ọ̀ ḅẹye-ẹ, “Ịnyọ chụa pịkị kụrọ kuḅie nyana; ị́rị́ anị mịna apụma se mun Nyanaḅọ Ḅe ḅereni inia olomu-aḍapụma pịrịsa ama mị ọkị angaḅịaye-ẹ.

Maịnkarama Oloko 34:5

Anịḅụ Moziz, Nyanaḅọ Ḅe oria fịrịnwẹngịḅọ ḅe anịju, Moab ama mị ḅie ḅụ fịmẹ, anị Nyanaḅọ Ḅe ḍuko na ọ̀ mịẹḅịa ḅẹ ḅara mị.

Jọshụa 1:1

Nyanaḅọ Ḅe fịrịnwẹngịḅọ Moziz ḅe fị ḅọrọ sịkị, Nyanaḅọ Ḅe nwọse Jọsụwa, Nọn yaḅe ḅẹmẹ, anị ḅarachụa Moziz ḅe pịrịḅọ ḅe.

Jọshụa 1:11

ini ikowarịma pike sime nyọ mị ḅụ ini toluḅọrọ mun nwọse tomonima ḅe, “Ó fịye karakarama koroma, anịatịḅị tẹrẹ-a ḍin ḅụ ọ́ Jọdan Tọrụ mị saḅa mun Nyanaḅọ ọ́mịna Tamụnọ Ḅe se ọ́ pịrịarị ama mị ọkị angaḅịa.”