Jọshụa 1:17 - Kịrịkẹnị Baịbụl

¹⁷ Wa ị́ ḅịpị pokiḅịa, anị wa Moziz ḅe ḅịpị pokipoki ọkụ mị, ye ị́ Nyana Tamụnọ Ḅe ị́rị́ na sime anị, ò Moziz ḅe na sime ọkụ mị!

Jọshụa 1:17 Iomraidhean Croise

2 Samụẹl 14:17

À kaịnḅo mẹ, ị̀ nyanaḅọ, na ị́ya yeḅereni ḅịpị mị anị mịẹse ye ị̀ la ẹkẹ, anịatịḅị amanyanaḅọ ḅe Tamụnọ enjẹlḅọ sime ọkụ anị ò sime ọkụ-ẹ, ọ̀ pịkị ineda iḅi na si na nemi sikimaḅịa. Ye Nyanaḅọ ị́ Tamụnọ Ḅe ị́rị́ na sime!”

1 Amanyanapụ 1:37

Nyanaḅọ Ḅe ori ị́rị́ Opu Amanyanaḅọ ḅe na sime ḅara mị se pịkị Sọlọmọn ḅe na sime, pịkị mịẹse oria amanyana mị ẹrẹsotẹịn ị́yaye mị nẹngị.”

1 Amanyanapụ Sịkị Mịẹaye Ma 28:20

“Kụrọma chịẹ pịkị ị́ kuḅie mịẹkụrọma. Fịrị mị sakị, se ḅerenima gbọrịye sọ ị́ dachịẹma. Tamụnọ Nyanaḅọ Ḅe, à fịrịnwẹngị pịrịarịḅọ ḅe ori ị́rị́ na simeḅịa. Ori ị́ sarakoroma ẹkẹ ọkụma ori ị́rị́ na sime nweni oria Oputẹkẹwarị mị ḅụ ị́ nwẹngịarị fịrị mị faḅịa.

Fịafịa Nime 20:1

Ye Nyanaḅọ Ḅe ị́ ḅụfụka ḅie sime àrị sịkịḅụ ị́ ḅịpịpẹkẹrẹ! Ye Jekọb Tamụnọ Ḅe ị́ koko!

Fịafịa Nime 20:4

Ye ị́ ḅiarịye ọ̀ nwọse ị́ pịrị se ị́ tọn se mịẹḅịa ye mamgba ị́rị́ na ḅịrị.

Fịafịa Nime 20:9

Ọmụḅaraiḅi se amanyanaḅọ ḅe pịrị, Yei Nyanaḅọ; mịna ḅịpị pẹkẹrẹ wa ị́ chịn sịkị.

Kịẹnḅịpị Ma 27:18

Nyanaḅọ Ḅe nwọse Moziz be ḅẹmẹ, “Nọn ya Jọsụwa ḅe ọkị, se ị́ ḅarama seni ọ̀ tịḅị ọgọnọ gbana, ori anị jokoma owutọkụ-ẹ.

Kịẹnḅịpị Ma 27:20

Ị́ya kụrọ ma ḅụ daye seni ọ̀ pịrị, mịẹse bebe Izrẹl sẹ mị mgba ọ̀ ḅịpịpokiḅịa ọkụ.

Matio 21:9

Jizọs Ḅe tọrọkọ nwẹngị mun-arị tomonikpo mị na ọḅụju nwẹngị ḅoarị tomonikpo mị na sakị olokumẹ, “Tokoni sime Devid Tọkụ Ḅe pịrị! Tamụnọ Ḅe ọ̀ ḅẹlẹma, nwọ Nyanaḅọ Ḅe ẹrẹ ḅụ ḅoarị ḅọ ḅe! Tokoni sime Tamụnọ Ḅe pịrị!”

Maịnkarama Oloko 34:9

Jọsụwa Nọn yaḅe, nemi ori na ḅeinmẹ, anịatịḅị Moziz ḅe ọ̀ tọn se oria kiri ḍinmasam. Izrẹlapụma Jọsụwa ḅe ḅịpị ini pokimẹ pịkịna Nyanaḅọ Ḅe Moziz ḅe ḅụ ḅọrọ chụa ini pịrị olokoma kokomẹ.

Jọshụa 1:16

Ini nwọse Jọsụwa ḅe pẹkẹrẹmẹ, “Ị́ se wa ḅẹye goyegoye wa mịẹḅịa ị́ pịkị wa fịrịma mun nwọḅẹ nyọ goyegoye wa munḅịa.

Jọshụa 1:18

Tụḅọ kụrọ se ị́ pịrị nọ nwọ gbela anịkanịka ị́ ḅịpị pokikaḅọ goyegoye nụḅọ ḅaa ḅụ sọḅịa. Ịnyọ chụa pịkị kụrọ kuḅie nyana!”

Jọshụa 1:5

Jọsụwa, ị́ya ḍumo ene mamgba ḅie ineda ị́ nẹngịmaḅịaḅọ ofori-ẹ. À Moziz ḅe na sime ọkụ anị à pịkị ị́rị́ na simeḅịa ọkụ-ẹ. Sịkịmamgba àrị ị́rị́ na simeḅịa, ngịsị àrị ị́ wẹrịso-ẹkẹ.

Jọshụa 1:9

Se ḅiekoroma na àrị ị́ ḅẹmẹ ịnyọ chụa pịkị kụrọ kuḅie nyana! Ḅalafama pịkị kuḅie lọkọmama, anịatịḅị ị̀rị̀ ị́ Nyana Tamụnọ Ḅe àrị ị́rị́ na omi-ẹ ị́ mun-anga-mun-anga ḅụ.”

Jọshụa 4:14

Nyanaḅọ Ḅe anị ene ḅụ mịẹye mị mịẹse Izrẹlapụma Jọsụwa ḅe ọkịmẹ na ori opuḅọ-ẹ. Ini osi se ọ̀ pịrịmẹ oria ḍumo ene mamgba ḅie anị ini osi se Moziz ḅe pịrị ọkụ mị.

1 Samụẹl 17:37

Nyanaḅọ Ḅe chịrịḅama na piri obiri ma na ḅara ḅie ori ị̀ ḍụamẹ; ḅe Filistiaḅọ ḅe ḅara ḅiesọ, ori ị̀ ḍụaḅịa.” “Iḅimẹ,” Sọl ḅe nwọ pẹkẹrẹmẹ. “Mun se, ye Nyanaḅọ Ḅe ị́rị́ na sime.”

1 Samụẹl 20:13

Ò ye se ị́ lamaḅịa ḅara ọ̀ nwọ mịẹmẹ se à nemikase mịẹse ị́ nemikẹ pịkị mịẹse ye ị́ laka ḅaraḅụ ị́ sokẹ ḅẹḅẹ, ye Nyanaḅọ Ḅe ị̀ fomuḅaasin. Ye Nyanaḅọ Ḅe ị́rị́ na sime anị ḅọrọsa sịkị ori ị̀ ḍaḅe na sime ọkụ mị!