Jọshụa 1:1 - Kịrịkẹnị Baịbụl

¹ Nyanaḅọ Ḅe fịrịnwẹngịḅọ Moziz ḅe fị ḅọrọ sịkị, Nyanaḅọ Ḅe nwọse Jọsụwa, Nọn yaḅe ḅẹmẹ, anị ḅarachụa Moziz ḅe pịrịḅọ ḅe.

Jọshụa 1:1 Iomraidhean Croise

1 Amanyanapụ 19:16

pulo seni Jẹhu, Nimshaị yaḅe tịḅịsara ori amanyanaḅọ sọ Izrẹl mị pịrị, pịkị pulo seni Ịlaịsha, Shafat yaḅe tịḅịsara se ị́ya kiriḍinma ịkịankoroḅọ ḅaraḅụ anị Ebẹl Miholaḅọ ḅe.

2 Amanyanapụ 3:11

Amanyanaḅọ Jẹhoshafat ḅe nwọ gbelamẹ, “Mịju wa ḅụ ḅọrọ se Nyanaḅọ Ḅe ḅịpị gbelaḅịa ịkịankoroḅọ pakaḅe?” Joram, Izrẹl amanyanaḅọ ḅe oria ọmụtịḅịnị ma ḅie gbọrịḅọ nwọse ọ̀ pẹkẹrẹmẹ, “Ịlaịsha, Shafat yaḅe mịju ori omi-ẹ. Ori anị Ịlaịja ḅe fịrịnwẹngịḅọ ḅe-ẹ.”

Nẹhimaya 8:17

Kunso seni pịkịmaḅo apụ mamgba oguruguru-a warịma nama seni arịa ḅie angamẹ. Nọn tọkụ Jọsụwa ḅe sịkị ngịsị mị anị tatarị mịẹ sịkị mị-ẹ, ọrụḅọḅọ pịkị opuma ḅieḅẹlẹmẹ.

Pakaso 24:13

Moziz ḅe na pịkị Jọsụwa ọ̀ palịḅọ ḅe na inia ḅụkarakaramamẹ, se Moziz ḅe ọ̀ sakị fịafịa tụndụ mị tanjịmẹ.

Kịẹnḅịpị Ma 11:28

Anị Jọsụwa Nọn yaḅe, anị ma ò boka sịkị ngịsị ḅarachụa Moziz ḅe pịrị sime ḅọḅe nwọse Moziz ḅe ḅẹye-ẹ, “Ini kiki, sẹnịḅọ!”

Kịẹnḅịpị Ma 12:7

Àrị ị̀ya fịrịnwẹngịḅọ Moziz ḅe na ọkwẹịn ọkwẹịn ḅara mị kịrịmẹ; àrị ò se ị̀ya tomoni Izrẹlapụma mgba ḍikiḍiki ḅọ nwọ mịẹmẹ.

Kịẹnḅịpị Ma 13:16

Mịna apụma anị ama ẹnyẹ apụ ma-ẹ anị Moziz ḅe fịrịma pakụma mun ama mị ḍiki kelema ḅe apụ ma-ẹ. Ori anị Hosia Nọn yaḅe ẹrẹ ḍinma se Jọsụwa mịẹye-ẹ.

Luk Iḅi Ḅẹrẹ Mị 16:10

Bokaye ḅụ kuḅie se ḅụgbana gbẹịnḅọ goyegoye pịkị ḅakaye ḅụ kuḅie se ḅụgbana gbẹịnḅọ sọḅịa, bokaye ḅụ kuḅie se ḅụgbana gbẹịnkaḅọ goyegoye iniḅọ pịkị ḅakaye ḅụ kuḅie se ḅụgbana gbẹịnkaḅọ sọḅịa.

Okunwẹngịapụ 7:45

Ọḅụkọ, mịna ḅieju-aḍapụma, inia ḍapụma ḅara ikowarị mị daọkị sịkị ini anị se chụa Jọsụwa ḅe na mun mẹ, ini mun-arị sịkị Tamụnọ Ḅe desinsa sẹma ḅara inia amama ọkịmẹ se anị sime ọkịmun Devid ḅe ḅụọ sọ lamẹ.

Romapụ 1:1

Mịn fịrịfịrịmaḍiri mị Pọl ḅe ḅara ḅomẹ, Kraịst Jizọs fịrịnwẹngịḅọ, pịkị okunwẹngịḅọ, Tamụnọ Ḅe sẹlẹọkị se oria Iḅi Ḅẹrẹ mị ḍuko nwọ ḅẹ ḅọ ḅe-ẹ.

Maịnkarama Oloko 1:38

Ọkụma Jọsụwa ḅarachụa ị́ pịrịarịḅọ ḅe kuḅie kụrọma, anị Nọn yaḅe. Ọ̀ tọrọkọda Izrẹlapụma pịrị se ini mun ama mị ọkị se angaḅịa.’

Maịnkarama Oloko 31:23

Anịsịkị Nyanaḅọ Ḅe ọkwẹịn Jọsụwa, Nọn yaḅe pịrịmẹ, “Ịnyọchụa pịkị kụrọ kuḅie nyana. Ị́rị́ anị Izrẹlapụma se mun à ḅereni ini pịrị ama mị ḅie chuḅịaye-ẹ, à pịkị ị́rị́ na simeḅịa.”

Maịnkarama Oloko 31:3

Nyanaḅọ ọ́mịna Tamụnọ Ḅe ḅarana tọrọkọda ọ́ pịrị se anịju ḅụ sime sẹma kansinḅịa, mịẹse ómine ineda inia amama ọkị se angaḅịa ọkụ; se Jọsụwa ḅe ọ́mịna tịḅịnịḅọ sọḅịa, Nyanaḅọ Ḅe ḍukosa ḅaraḅụ.

Maịnkarama Oloko 33:1

Ma anị Moziz, Tamụnọ tomoniḅọ ḅe ma ọ̀ fịka simeogbo se Izrẹlapụma pịrị ḅẹlẹma ma-ẹ.

Maịnkarama Oloko 34:12

Moziz ḅe Izrẹlapụ mamgba ogboku ḅụ nwẹngịsa opu fịrịma na pịkị ḅalafamaye ma na mịẹsa gbọrị ịkịankoroḅọ sọnị ofori-ẹ.

Maịnkarama Oloko 34:5

Anịḅụ Moziz, Nyanaḅọ Ḅe oria fịrịnwẹngịḅọ ḅe anịju, Moab ama mị ḅie ḅụ fịmẹ, anị Nyanaḅọ Ḅe ḍuko na ọ̀ mịẹḅịa ḅẹ ḅara mị.

Maịnkarama Oloko 34:9

Jọsụwa Nọn yaḅe, nemi ori na ḅeinmẹ, anịatịḅị Moziz ḅe ọ̀ tọn se oria kiri ḍinmasam. Izrẹlapụma Jọsụwa ḅe ḅịpị ini pokimẹ pịkịna Nyanaḅọ Ḅe Moziz ḅe ḅụ ḅọrọ chụa ini pịrị olokoma kokomẹ.

Taịtọs 1:1

Mịn fịrịfịrịmaḍiri mị, Pọl Tamụnọ fịrịnwẹngịḅọ pịkị Jizọs Kraịst okunwẹngịḅọ ḅe ḅara anị ḅomẹ. Ini ị̀ sẹlẹọkị se ị̀ fịrịmamẹ mun ḅarachụa Tamụnọ Ḅe sẹlẹọkịsa apụma ḅereni mị pịrịḅịa ọkụ pịkị mịna Tamụnọ tẹkẹ ḅara mị ḅie sime kọkọmaye mị se ini ḍieḅịa ọkụ,

Jems 1:1

Mịn fịrịfịrịma ḍiri mị Jems, Tamụnọ ḅe na pịkị Nyanaḅọ Jizọs Kraịst Ḅe na fịrịnwẹngịḅọ ḅe ḅara anị ḅomẹ: Kereniḅịpị sime wasama bebe tomonikiri mị kelema oyimaịn furo fịnjị mamgba pịrị.

Jọshụa 1:15

ọkịmun Jọdan mị ḅụ ịrụasọsọ nyọ daọrụ ama mị ini nwọ ọkị anga sịkị laḅịa, anị Nyanaḅọ ọ́mịna Tamụnọ Ḅe se ini pịrịsaye mị. Izrẹl furo mamgba ò deinma se inia amama ḅie sosa ḅẹḅẹ, anịsịkị re, mị ómine ineda vinpịkị soḅo mị ọ́mịna ama mị ḅie angaḅịaye-ẹ, anị Jọdan mị ḅụ ịrụapakapaka nyọ daọrụ mị ḅụ anị Moziz, Nyanaḅọ Ḅe fịrịnwẹngịḅọ ḅe se ọ́ pịrịye mị.”

Jọshụa 1:2

Ọ̀ nwọ ḅẹmẹ, “Ị̀ya fịrịnwẹngịḅọ Moziz ḅe ọ̀ fịsam. Mịọkụ ọ́ ḅụkarakarama, ị́rị́ na bebe Izrẹlapụ mamgba na, se ọ́ Jọdan Tọrụ mị saḅa mun à se ọ́ pịrịarị ama mị ḅie sọ.

Jọshụa 12:6

Moziz ḅe na Izrẹlapụma na mịna mama amanyanapụma nẹngịmamẹ. Moziz, Nyanaḅọ Ḅe fịrịnwẹngịḅọ ḅe inia amama se Rubẹnị na Gadị na sẹma na pịkị Manasẹ sẹ mị ḅụ gbọrị pẹkẹrẹ na pịrịmẹ, na anị iniaye nwọ sọ.

Ḍieḅelema Yema 1:18

Ị̀rị̀ anị ḍumo ḅọ ḅe-ẹ! À fịmẹ, ọkụma mịọkụ à ḍumo gbamasosam. Fị mị na ḍụẹịn ama mị na ḅụ à kụrọ nyanamẹ.