Joẹl 2:7 - Kịrịkẹnị Baịbụl

⁷ Àrị owuni owupaka-ọkụ se owu pakamẹ; owuni warị agbagba kpọlị ọkụ anị àrị kpọlị ọkụ-ẹ. Arịmgba àrị gbụsụnụma nwẹngịma mun aḅẹ, àrị pịkị ḍinma jịn anga dakẹ àrị mun-arị nyọ sikima

Joẹl 2:7 Iomraidhean Croise

2 Samụẹl 1:23

“Sọl ḅe na Jonatan ḅe na, ini opuma jụmḅọ jụmḅọ ḅẹlẹma pịkị yelamẹ; inia ḍumo sịkị ḅụ gbọrịḅụ ini simemẹ, fị sịkị ḅụ ini pịkị gbọrịḅụ simemẹ; ini mangị igo nẹngịmẹ, ini pịkị kụrọ chịrịḅama nẹngịmẹ.

2 Samụẹl 5:8

Anị ene ḅụ Devid ḅe nwọse oria owunima ḅẹmẹ, “Mịanga à Jebus apụma ḍikiḅieḅu ọkụ se ini ḍikiḅieḅu ḅọ omi? Ḅakama ini ḅaaḅịaḅọ? Anịọkụma ye nụḅọ kiri ḅieju ini pu-mengi mị ḅọrọarị nyọ ḅụ sọmun se owu se igwein tọrụmgbọlụ pụn ikeliapụma paka.” (Anị ini gose nwọ ḅẹye-ẹ na, “Tọrụmgbọlụ pụn apụ na ikeliapụ na ineda Nyanaḅọ Ḅe warị ḅie sọẹkẹ.”)

Job Ḍiri Mị 16:14

Ọ̀ ḅarị ḅarị ye se ị̀ lamamẹ; nọmụḅara se taraka nyana owuniḅọ kịkẹ ḅara mị ò se ị̀ dapakaye-ẹ.

Fịafịa Nime 19:5

anị dede ḅie pakaḅoḅo ḅara, ịwọ eremeniḅọ yaḅịa owuḅọ ḅieḅẹlẹ ḅụ pakaḅo ọkụ anị anị pakaḅoḅo ọkụ-ẹ; ti ḅụ arụḍụaḅịaḅọ, kuḅie chịẹ-chịẹ-chịẹ ḅụ, ḅụ karakarama arụḍụa mangị kọn ḅịaọkụ.

Kaḅo Ma 30:27

Igurube ma àrị amanyanaḅọ nyanakẹ, ọkụma kpo ḅụ mị àrị ọrụtọn nwẹngị-nwẹngịye-ẹ.

Jerimaya 5:10

À tarakapụ se sẹịnḅịa ini mun ị̀ya tomonima irumịẹ chịnmgbọlụ ozuma pẹlẹgbinḅịa, ọkụma gbọtụma ini simaka ḅaraḅụ. À ḍuko ini pịrịḅịa ini ịkpangị ma anyịmasin, anịatịḅị àrị ịkpangị ma ị̀yayekẹ.

Joẹl 2:8

àrị pịkị irima irima nwẹngị jịnye jịnye ateli ḅie sọkẹ. Àrị kpo ḅụ kikichụa àrị pịrị aye ḅie toluḅọrọmẹ ineda kikichụa àrị pịrịḅịaye pịkị ofori-ẹ.

Joẹl 2:9

Àrị mangị opuama mị damẹ; àrị mangị onu ma saḅa ḅọrọmẹ; àrị warịma tanjịmẹ se furu apụ ḅara àrị nwọse pẹlẹ ḅọkọ ma ḅie toluḅọrọmẹ.