Joẹl 2:11 - Kịrịkẹnị Baịbụl

¹¹ Nyanaḅọ Ḅe ori ekerea ḅẹrẹtọn oria owunima pịrịmẹ. Ọ̀ ḅịpị poki poki owunima ini ḅaka se pịkị ịnyọ nyanamẹ. Nyanaḅọ Ḅe ene mị nde anị ḅalafamaḅịa ọkụ! Tụḅọ anịa ḅie ḍumoḅe?

Joẹl 2:11 Iomraidhean Croise

Fịafịa Nime 18:14

Oria ḍẹịn ma ọ̀ nwọ tẹịn se ori-na-tarakapụ ma galagalamamẹ; so wakam mị ọ̀ nwọse ini sẹịnma se ini mangị ḅịkịmẹ.

Fịafịa Nime 46:6

Sẹ ma ḅalafa nyanamẹ, amanyanakiri ma jikemẹ; Tamụnọ Ḅe ori ekereamẹ se sẹkiri mị sịkịrịfamẹ.

Fịafịa Nime 68:18

Ori iwo gele-a nyọma mun aḅẹ, ò kun ikoliapụma na ori na; nyanaḅereni ọ̀ pịrịka apụma ḅara ò ḍiepịrịaye ọkịḅịa. Nyanaḅọ Tamụnọ Ḅe anịnyọ ori angaḅịa.

Aịzaya 13:4

Tụndụ ma ọgọnọ ịḅanị tịḅịḅie ma poki, opu tomoni ogbo ịḅanị tịḅịḅie sẹsẹ na, amanyanakiri ma na, koḅirimaḅẹ. Nyanaḅọ ọmụogbo mị tịḅịnịḅọ ḅe ori oria owunima karakarama ọmụ pịrịaḅẹ.

Aịzaya 42:13

Nyanaḅọ Ḅe ọ̀ paka mun owuniḅọ ḅara se owusọ mẹ; ọ̀ ḅụkarakaramamẹ ọ̀ ḅụ pịkị chịẹtarịkẹ owusọḅịaye gose. Ori owuni oloku kọn, pịkị paịnmẹ; ori na tarakapụma ḅụ ori oria kụrọ mị ḍiepakụmamẹ.

Aịzaya 7:18

“Anịsịkị mị ḅoḅịa sịkị, Nyanaḅọ Ḅe ori ọfịọn ḅụ elekima seni Ijipt apụma pịrịḅịa se ini Naịl Tọrụ mị ḅụ ḅọlọtẹịn ịkpangị ma ḅieḅụ ọmụmụ kpo saraḅo ọkụ ḅoḅịa, Asiriapụ ma pịkịna inia ama ḅie tomoni tẹịntẹịn akama ma pakaḅo ọkụ pakaḅoḅịa.

Jerimaya 25:30

“Ị́rị́, Jerimaya, à ḍukoarịye mamgba ḍuko wasama. Ị́ ḍuko mịna tomonima pịrị nyanamẹ, ‘Nyanaḅọ Ḅe soḅie ḅụ ori ekereaḅịa soalagba gele so ma ḅie ekereaḅịa. Ori ekerea oria tomonima pịrịḅịa; ọ̀ tụmgbakị elelenda nangarịḅọ oloku ọkụ olokuḅịa. Tomonikiri simeḅọ goyegoye ọ̀ pụkọ naaḅịa,

Jerimaya 30:7

Ḅalafama ene ḅoaḅẹ; se anị otomaḅịa jịn ene ofori-ẹ— ị̀ya tomonima ḅe kuḅiesi sịkị, ọkụma ini ḍumoḅịa.”

Jerimaya 50:34

Ọkụma ini ḍụaḅịaḅọ ḅe ọ̀ kụrọmẹ oria ẹrẹ anị Kụrọmamgba Nyanaḅọ. Ori na mịnaḅụ na inia ḅụfụka da ọkị se dein ọkị tomonikiri ḅo ḅịa, ọkụma tọrụsiọrị sime Babilọn apụma pịrị.”

Izikịẹl 22:14

Ị́ chịnḅara ị́ kụrọkuḅie anịkanịka ịnyọ nyana ḅe àrị ị́rị́ na mịẹso ọkụma? Ị̀rị̀, Nyanaḅọ Ḅe ọkwẹịnsam, àrị anị mịẹḅịa.

Joẹl 1:15

Yei anị ḅalafama ene mị anị kpekisa-o! Kụrọmamgba Nyanaḅọ Ḅe yesima se ḅoḅịa ene mị. Anị ene mị nde anị ḅalafamaye sọḅịa ọkụ!

Joẹl 1:6

Igurube ogbo owu seni mịna ama mị pakasam; àrị opuma kụrọmẹ pịkị ineda àrị kịẹnḅịa ọkụ ofori-ẹ; arịa aka ma chịrịḅa ḅe aka ma oḅu ọkụ oḅumẹ.

Joẹl 2:1

Epelepe mị ofuro, Zaịyọn Tamụnọ Ḅe oria osiḅụ sime chịngị mị ọgọnọ ḅoarị ḅalafamaye mị oloku pakụma. Judapụ, ọ́ ḅụgeregere nyana! Nyanaḅọ Ḅe ene mị ḅoaḅẹ ḅọlọka sịkị ḅụ.

Joẹl 2:2

Anị ene mị kanakana kpo ḅalafama ene sọḅịa, kurukuru pịkị soḅuno ḅeinḅịa ene-ẹ. Igurube ogboma ḅoarị ḅara anị kanakana tụndụma gbẹịn gbitipuma ọkụ simemẹ. Ọkọsimeye jenejene ma pakakẹ, anị pịkị ḅarị ngịsị paka ẹkẹ.

Joẹl 2:25

Ọ́ fama ayema à se pịkị ọ́ pịrịḅịa anị igurube ogboma ọ́mịna fịayema fị-a kụra ma ḅie. Ị̀rị̀ anị ma igurube ogboma se ọ́ fịrịmaye-ẹ na àrị ómine dapaka.

Joẹl 2:31

Ịrụa mị kanakana kpeḅịa, akalụ mị pịkịḅo tomoni-oju-pulo ḅara kịkẹḅịa, ma ayema ḅọrọ tẹrẹrẹ, anị Nyanaḅọ Ḅe oria ḅalafama ene mị ḅoḅịaye-ẹ.

Joẹl 3:14

Mẹndẹ oyiasi fịnjị fịnjị Ḅẹrẹkọn Pẹsịkiri mị ḅie omi-ẹ. Anịnyọ ḅụ anị Nyanaḅọ Ḅe ene mị ḅọlọka sịkị ḅoḅịaye-ẹ.

Joẹl 3:16

Nyanaḅọ Ḅe Zaịyọn Tụndụ ọgọnọ ḅụ ori ekereamẹ; ọ̀ pụkọ Jerusalẹm ḅie ḅụ soalagba ḅara nwọse fiemẹ; sẹkiri na so na geregeremẹ. Ọkụma ori owu sọ oria tomonima pịrịḅịa.

Emọs 1:2

Emọs ḅe ọkọ ḅẹmẹ, “Nyanaḅọ Ḅe Zaịyọn ḅie wẹrị ekereamẹ; ọ̀ pụkọ Jerusalẹm ḅie so alagba fieọkụ fiemẹ. Nama ma yefịfị kiri ma samịnaḅịa, pịkị Kamẹl Tụndụ ọgọnọ osueinma samịna kpatụḅịa.”

Emọs 5:18

Anị ḅalafamaye sọ ọ́ pịrịḅịa, ómine nwọ tọrụ se Nyanaḅọ Ḅe ene mị ḍikiarị apụma! Che iḅi anị ene mị nwọ mịẹ ọ́ pịrịḅe? Anị ene mị sime ọ́ pịrịḅịa ọkụ, anị kanakana ene-ẹ enekakakẹ.

Emọs 5:20

Nyanaḅọ Ḅe ene mị kanakana anị nwọse ḅoḅịa enekakakẹ; anị ene mị opu kanakana sọḅịa, ḅịaḅịa enekuḅu sime ẹkẹ.

Obedaịa 1:15

“Ene mị kpekisam, Ị̀rị̀ Nyanaḅọ Ḅe, à ḅẹrẹkọn bebe sẹ mamgba pịrịḅịa sịkị. Idọm, ọ́ nwọ mịẹye mị ini se ọ́ mịẹḅịa. Ọ́ mịẹye mị ómine anị nyana ọkịḅịa.

Nehọm 1:6

Ori ịganị sịkị, tụḅọ ḍumoḅe? Tụḅọ ineda oria ḅalafama ịganị ḅie pakaḅoḅe? Oria kọrịarị ịganị mị ọ̀ nwọ mịẹ pakụmaḅịa; ọ̀ tọrụkuḅu ḅụ ḍụparịma kọsị fọn sọḅịa.

Malakaị 3:2

Ọkụma ò ḅoḅịa ene mị ḅụ, tụḅọ ineda inema nyanaḅe? Ọ̀ ḅụpakụmaḅoḅịa sịkị, tụḅọ ineda ḍumoḅe? Ineda fịafịakaye goyegoye sịkịrị sinḅịa saḅaị sime ọkụ ọ̀ nwọ simeḅịa, ikulele fọị-kpaịnma fịnị ọ̀ nwọ kịkẹmẹ.

Kịẹnḅịpị Ma 24:23

Belam ḅe mị ịkịan mị koromẹ: “Ọgọnọju ḅụ koḅirima simearị apụma tapụ?

1 Tẹsalonịka 4:16

Tịḅịnị enjẹlḅọ ḅe ḅẹrẹtọn oloku pụkọ ḅụ, Tamụnọ oḍu mị fieḅịa se ori Nyanaḅọ Ḅe na mịnaḅụ na ḅarana soḅie koroḅoḅịa. Kraịst Ḅe ḅereni ḅọrọ se fịapụma tatarị fịḅụsịsẹḅịa.

Ḍieḅelema Yema 18:8

Mịn mị gose árịa obi ma àrị gbọrị ene ḅụ ḅoḅịa— anị obi na, ngịrị na, pịkị ḅuruḅaa na-ẹ. Anịsịkị ini fịnị se á dọkịmaḅịa, anịatịḅị ḅẹrẹkọn á ḅarasima Ḅọ Ḅe, Tamụnọ Nyanaḅọ Ḅe ori opu ḅọ-ẹ.”

Ḍieḅelema Yema 6:17

Anịatịḅị anị opuma ḅalafama ịganị ene mị anị ḅosam se tụḅọ ineda anị da ḅe?”