Jerimaya 8:4 - Kịrịkẹnị Baịbụl

⁴ Nyanaḅọ Ḅe ị̀ ḅẹmẹ, à ḍuko oria tomonima pịrị, “Tomoniḅọ ḅịkịkoro ọkụma, ọ̀ ḅarị sịsẹ ẹka? Nemikase gbọrịḅọ ateli iri ọkụma, ọ̀ pịkị ẹka?

Jerimaya 8:4 Iomraidhean Croise

1 Amanyanapụ 8:38

inia tẹkẹma poki. Nemikase ị́ya tomoni Izrẹlapụma ḅie apụ kururu ḅụ kuḅie laḅara se ḅarama sụma mị Oputẹkẹwarị mị da se tẹkẹmẹ ḅẹḅẹ,

Kaḅo Ma 24:16

Karakaraye mịẹarịḅọ ḅe ye-ori-na-si-la-ọkụ-la-ọkụ, ọ̀ pịkị sịsẹ chịẹḅịa; ọkụma fịfa sime sitịḅịnyanaḅọ ḅe pịrịmẹ.

Aịzaya 44:22

Ị́ya sima soḅuno ọfịn sin ọkụ àrị àrị ọfịn sinsam. Vinpịkị ị̀ damaḅo; ị̀rị̀ anị ị́ ḍụaḍụaḅọ ḅe-ẹ.”

Aịzaya 55:7

Ye sitịḅịnyanapụma inia si mịẹmịẹaye ma ḅụ ḅarasin se ini kọnkọn koroma ma ḅụ ḍinma. Ye ini vinpịkị Nyanaḅọ Ḅe da, mịna Tamụnọ Ḅe; ò ḍikiḅụgerere nyana-nyanamẹ, ọ̀ sịkị famaka ḅaraḅụ siḅụ ḅarasin sinmẹ.

Jerimaya 23:14

Ọkụma à pịkị Jerusalẹm ḅie sime ịkịankoroapụma ọrịsam sitẹịnye nwọ mịẹ ḅụ: ini sẹfị pịkị iruo kọnmẹ; ini ḅarachụa siye mịẹapụ pịrịye gose, tomoni ḅarị siyemịẹ ḅụ dachịẹkẹ. Ị̀ ḅụ, inimgba ini Sọdọm na Gomọra na kịkẹmẹ siyemịẹ ḅụ.

Jerimaya 3:1

Nyanaḅọ Ḅe nwọ ḅẹmẹ, “Nemikase gbọrị owuḅọ ḅarị tarọ ma na simekẹ, se árị ọ̀ wẹrịso se mun jịn owuḅọ na simemẹ nwọ ḅe ọkụma, ọ̀ ḅarị ngịsị árị ọkị sime ẹkẹ. Mịn mị jokoma ama mị pụlamaḅịa. Ọkụma, Izrẹl, ị́ tọn-a lekiriapụ nyana ḅọrọsam, se mịọkụ ị́ ḍọkịaḅẹ ị́ pịkịna ị̀ damaḅo!

Jerimaya 3:22

Ọ́ pịkịmaḅo, ómine Nyanaḅọ Ḅe ḅụ ḅụsikimasapụ mamgba; ori ọ́ gwọḅịa, ọ̀ pịkị ọ́ mịẹḅịa ó kuḅie-se-ḅụgbana-gbẹịn apụ sọḅịa. Ómine ọkọ ḅẹmẹ, “Iin, wa Nyanaḅọ Ḅe damaḅo aḅẹ, anịatịḅị ori anị mịna Tamụnọ-ẹ.

Jerimaya 36:3

Sosi Juda tomonima, à tọn na àrị iniaḅụ yesimaḅịa nwọḅẹye mị naaḅịa sịkị ini inia si-a mịẹmịẹaye ma ḅụ vinpịkịḅịa. Anịsịkị mị àrị inia sitịḅị na inia sima na ḅụ ḅarasin ini pịrịḅịaye-ẹ.”

Jerimaya 4:1

Nyanaḅọ Ḅe nwọ ḅẹmẹ, “Izrẹl-a tomoni, ó nemikase vinpịkị ḍọkịmẹ nwọ ḅẹḅẹ, anịọkụma ó vinpịkị ị̀ damaḅo. Ó nemikase kuḅie-se-ị̀-ḅụgbana pịkị à taraka se wẹrịma oru ma tansin ọkụma,

Izikịẹl 18:23

Ị́ koroma ḅara siyemịẹḅọ ḅe fị mị ị̀ ḅụḅẹlẹ?” Kụrọmamgba Nyana Tamụnọ Ḅe gbelamẹ. “Ẹn-ẹn, ọkụma à ḅiḅịa iniḅọ vinpịkị se ḍumo.

Hosia 14:1

Ó vinpịkị Nyanaḅọ, ọ́mịna Tamụnọ Ḅe damaḅo Izrẹlapụ, ọ́mịna sima ọ́ mịẹse ọ́ ḅụọ tọmbụlọ se ọ́ ḅịkịsam.

Hosia 6:1

Tomonima nwọ ḅẹmẹ, “Ó ye wa pịkịma Nyanaḅọ Ḅe damamun! Ó ye se wa lamasam, ọkụma ọ̀ kọkọma wa gwọḅịa; mịna ojuma ye àrị lasam, ọkụma ò ye se mịna ịnọ ma fịnaḅịa, ò ye ẹka?

Hosia 7:10

Izrẹlapụma inia ḅụdekichịẹma mị, anị tụḅụrụ ini dasam. Paka ini pịrị ḅọrọsa ye mamgba-o, Izrẹl mị pa pịkịna ị̀ ḍọkịmaḅokẹ, Ị̀rị̀ Nyanaḅọ, inia Tamụnọ Ḅe.

Emọs 5:2

Ma owuḅọ nemika Izrẹl ma á ḅịkịsam, Á ḅarị ineda pịkị ḅụ sịsẹ ẹkẹ! Á kiri ḅọlọlọ sarakorosam, Se gbọrịḅọ sọ ḅarachụa á dekichịẹmakẹ.

Maịka 7:8

Mine-na-tarakapụ ma mịna ḅịkị ḅụ gose ḅieḅẹlẹḅịaye ofori-ẹ. Wa ḅịkịsam, ọkụma wa pịkị sịsẹḅịa. Mịọkụ wa kanakana ḅie omi-ẹ, ọkụma Nyanaḅọ Ḅe, ori enekuḅu se wa pịrịḅịa.