Jerimaya 8:3 - Kịrịkẹnị Baịbụl

³ Mịna kọn apụma mị si sẹ ḅie, à kan gulugulumasa nyọma ḅie sime apụma, fị ḍọkịḅịa ini pa ḍumo sime na karaka. Ị̀rị̀, Kụrọmamgba Nyanaḅọ Ḅe, ọkwẹịnsam.”

Jerimaya 8:3 Iomraidhean Croise

1 Amanyanapụ 19:4

se Ịlaịja ḅe bebe ene mị mgba seni nwẹngị piri ele mị ḅie sọmunmẹ. Ọ̀ dachịẹ se gbọrị eje chuku ḅụ kpọnjị simemẹ se fị chịn ọ̀ ḅụ pịrịmẹ. Ọ̀ tẹkẹ ḅụ nwọ ḅẹmẹ, “Nyanaḅọ, anị ị̀ nẹngịmasam. Pa ị̀ ḍumo ọkị, à kọkọ fịḅịa mama!”

Jerimaya 23:3

Àrị ị̀ya kọn-a tomonima koḅiriḅoḅịa anị àrị ini galagalama mun chu amama ḅie, se ini pịkịna inia amakiri ḅoḅịa. Ini tọn-a awọ nwọ nyanaḅịa, se inia kịẹnḅịpị iwoḅịa.

Jerimaya 23:8

Anịnakaraka, ini ị̀ karịfịḅịa ḍumo Tamụnọ ḅaraḅụ, anị Izrẹl-a tomonima ọkịpakụmaḅoḅọ ḅe, ọgọnọju amama ḅie àrị ini galagalama sẹịn amama ḅie na. Anịsịkị mị ini inia amama ḅie angaḅịaye-ẹ.”

Jerimaya 29:14

Iin, à ḍukomẹ ómine ị̀ ḍọkịḅịa, à pịkị ọ́ pịkịma ọ́mịna ama ḅoḅịa. Àrị ọ́ galagala mun la gbọrị ama gbọrị ama ḅie na nyọ nyọma ḅie na ómine ọkịḅo ó sime se àrị ó depakụma ama mị laḅịa. Ị̀rị̀, Nyanaḅọ Ḅe, ḍukosam.’

Jerimaya 29:28

Ini ò kiki, anịatịḅị Babilọn ḅie ò ḍuko tomonima pịrịmẹ, ini ikoli ḅie sime ḅọlọmaḅịa, anị gose ini warị nama angaḅịa, pịkị ozu ḍipi se ḍipiye ma soku fịḅịa.”

Jerimaya 40:12

Mị ḅụ, ini ini galagalama koroma nyọma ḅie, ini pịkịmaso Juda mun mẹ. Ini Mizpa, Gẹdalaya ḅe damamunmẹ se anịnyọ ini iru na chịnmgbọlụ na koḅirimamẹ.

Jerimaya 44:2

Kụrọmamgba Nyana Izrẹl Tamụnọ Ḅe ọkọ ḅẹmẹ, “Ómine na ọ́ ḅụ na, ḅarana ọrịsam, àrị ọkịḅo Jerusalẹm na Juda ḅie sime ama mamgba na pịrị fa mị la-ọkụ. Mịọkụ sọ àrị pa kan ḅie omi-ẹ, gbọrịḅọ sọ ḅarị pịkị arịa ḅie angakẹ

Jerimaya 44:6

Anịḅụ àrị ị̀ya ịganị na owoi-kuḅie na ọsụn Juda amama na Jerusalẹm ateli ma na ḅụ saramẹ, se à fịnị se anịa ḅụ chụamẹ. Àrị kankọsị ḅụ simemẹ pịkịna ḅalafama nyọ sọ ḅo mịmgba anị sime ọkụ lamẹ.

Jerimaya 6:9

Kụrọmamgba Nyanaḅọ Ḅe, ọkọ se ị̀ ḅẹmẹ, “Ini Izrẹl mị se papaḅụ sinḅịa, irumịẹ chịnmgbọlụ ozu ḅie ḅụ tụmgbakị elelenda goyegoye ini nwọ kaịnfama ọkụ. Anịgose ị́ ineda tomoniḅọ goyegoye nwọ ḍụaḅịa sịkị pa sime wararị sịkị.”

Danịẹl 9:7

Ị́rị́ Nyanaḅọ Ḅe, sịkịmamgba karakaraye anị ị́ mịẹmịẹye-ẹ, ọkụma wa sịkịmamgba ḅụgerere ọkịḅo mịnaḅụ pịrịpịrịmẹ. Mịn mị mine mgba ḅụ kọkọmaye-ẹ, mine Judia ḅie na, Jerusalẹm ḅie na angapụma, pịkị Izrẹlapụ mamgba anị ị́ galagalama sẹma ḅie chuapụ ma, ini kuḅie se ị́ ḅụgbanakaye gose.

Agbamịẹ Apụ 26:33

Àrị ọmụ ọkịḅo ọ́mịna ọgọnọ gbana se ọ́ galagalama jịn sẹ apụ amama ḅie chuḅịa. Ọ́mịna ama mị gbọịnma simeḅịa, ọ́mịna opuamama sọnị kan guluguluḅịa.

Emọs 3:1

Izrẹlapụ, Nyanaḅọ Ḅe ọ́mịna ḅụ ḍukoye mị ọ́ nwọ poki, anị ómine Ijipt ḅie ori ọkịpakụmaḅo bebe sẹ mị:

Jona 4:3

Anịẹrẹchị mịọkụ, ye à fị. À fị mị iḅitẹịn à ḍumo mị nẹngịmẹ.”

Maịka 2:3

Anị ḅụ Nyanaḅọ Ḅe nwọ ḅẹmẹ, “À tọn-aḅẹ na à ḅụfụka se ḅo ọ́ pịrịḅịa, ọ́ pịkị ineda anịa ḅie pịọrụ paka-ẹkẹ. Ómine ọ́ ḅụ ọrịḅịa ḅụfụka ḅie, se ọ́ ḅarị ngịsị opuayemịẹ ḅara se nwẹngị-ẹkẹ.

Maịnkarama Oloko 30:1

Moziz ḅe pịkị ḍuko Izrẹlapụma pịrịmẹ: “Ḅẹlẹma na worinime na à nwọse ọ́ tọrọkọ koromasam mịọkụ ómine ọ́ ḅụḅẹlẹye sẹlẹọkị. Nyanaḅọ ọ́mịna Tamụnọ Ḅe ọ́ galagalama sẹịn se ómine angaḅịa sẹma ḅie ḅụ maye mamgba ọ́ ḅụ pakasa ḅẹḅẹ, anịsịkị mị à se koroma ọ́ pịrịarị ayema ḅụ ọ́ sẹlẹọkịye mị ọ́ nwọse ḅiekoromaḅịaye-ẹ.

Maịnkarama Oloko 30:4

Ọ́ ḅọrọ galagala mun sẹkiri mị ḅie ḅọlọtẹịn iri ma lamẹ ḅẹ sọnị Nyanaḅọ ọ́mịna Tamụnọ Ḅe ori ómine koḅiri pịkịmaḅoḅịa,

Ḍieḅelema Yema 6:16

Ini nwọse tụndụma na ịkụma na ḅẹmẹ, “Ó sokoro mịna ọgọnọ koro se ori amanyana ngada mị ọgọnọ sime ḅọ ḅe na Anana Tọkụ Ḅe na ịganị ḅie wa kikima!

Ḍieḅelema Yema 9:6

Mà sọnọ akalụ ma ḅie ini fị ḍọkịḅịa, ọkụma ini anị ọrị ẹkẹ, ini fị ḅiḅịa, ọkụma fị mị, anị ini ḍiki mangịḅịa.