Biblia Todo Logo
Bìoball air-loidhne

- Sanasan -




Jerimaya 8:2 - Kịrịkẹnị Baịbụl

2 Ini àrị kpokponima se ḍipi na karaka, inia ịmgbema àrị kiri papa ḅụrụḅụrụ sime, fịye pakụmaye sọḅịa. Àrị ịrụa ḅie na, akalụ na, lolia ma na ḅie wasamaḅịa, anị mịnapụma ḅẹlẹma tịḅịtu pịrị pịkị tẹkẹsaye ma.

Faic an caibideil Dèan lethbhreac




Jerimaya 8:2
32 Iomraidhean Croise  

Nyanaḅọ inia Tamụnọ Ḅe oloko mamgba ini kanmẹ se ikulele se mama owoi nambulo mịẹmẹ àrị tẹkẹḅịa ẹrẹchị; ini pịkị Ashera eremeni oru mị tẹmẹmẹ, lolia ma ini àrị tẹkẹmẹ ini pịkị fịrịnwẹngị Beal oru mị pịrịmẹ.


Ḍawu Hẹzekaya ḅe kansin oru ḅẹrẹ nemiapụ tẹkẹ nyọma ò kpoto àrị namamẹ; seni Beal mị tẹkẹḅịa agbamịẹ ẹbẹ ma ò kpoto nwọ namamẹ pịkị Ashera eremeni oru mị nwọ tẹmẹmẹ anị Ehab Izrẹl Amanyanaḅọ ḅe mịẹ ọkụ mị. Manasẹ ḅe lolia ma sọnị ori àrị tẹkẹtẹkẹmẹ.


Oputẹkẹwarị mị ḅe mama odo ma ḅie, ini seni fịrịnwẹngị lolia ma pịrịpịrịḅịa agbamịẹ ẹbẹ ọ̀ nwọ namamẹ.


Juda amanyanapụma se agbamịẹapụ kiri ḅụ koroma oruḅẹrẹnemi apụ agbamịẹ ẹbẹ ma ọgọnọ agba mịẹmịẹ apụ mamgba ori ini sinmẹ, Juda opuamama ḅie na pịkị Jerusalẹm mị na kpeki nyọma ḅụ na. Agbamịẹ seni Beal mị na, ịrụa mị na, akalụ mị na, sotọrụ sime jịn aye na, pịkị lolia ma na pịrị agbamịẹapụ mamgba na.


Anịọkụma ini opu ḅalafa ḅie sọḅịa, jịn sịkị iniaḅụma mịẹkaye, anịatịḅị Tamụnọ Ḅe oria tomonima na tarakapụma ịmgbema ọ̀ nwọ galagalamaḅịa. Tamụnọ Ḅe ori ini sịkịsam, anịẹrẹchị Izrẹl mị gbọtụma ini inumaḅịa.


Ẹndọ ḅụ ị́ ini inumamẹ, inia oju-a mịnị ma kiriogbo ḅụrụfamẹ.


Ị́ se Orẹb ḅe na Ziẹb ḅe na mịẹọkụ se inia tịḅịnịma mịẹ; inia tịḅịnị mamgba ị́ ini inumamẹ, Ziba ḅe na Zalmuna ḅe na ị́ nwọ mịẹọkụ mị,


Gbọrịḅọ ineda awọ-a sọnọasi nyanaḅịa se ḅaka ḍin laḅịa, ọkụma ọ̀ la kụrama ḅaka la-ọkụ la-ọkụ sọnị, ò nemika se anịaḅụ oria ḍiekiri ḅaraḅụ tọrụḅẹlẹ nyanaka, ini pịkịna tọrụḅẹlẹma ḅara seni ò ḍipikẹ ḅẹḅẹ, anịọkụma à ḅẹḅịa na yi-so-se-fị-tọkụ iḅitẹịnmẹ.


Anị gbọrị ḅaraḅụ ini ma ịkịan ma koro pịrị-a tomonima sọ, àrị ini ḅaaḅịa. Inia fị ojuma ini àrị se Jerusalẹm ateli ma ḅie gbin saraḅịa, se àrị ḍipiḅịa gbọrịḅọ sọ ofori-ẹ. Mị inimgba ḅụ pakaḅịaye-ẹ—inia erema na, inia owuapụ awọma na inia eremeni awọma na se chụa. Àrị ini mịẹse ini inia sitịḅị ma ḅe-gbẹịn-aye nyanaḅịa.”


Anịsịkị ḍuko ini pịrị na, Nyanaḅọ Ḅe, ò ḍukosam, ‘Ọ́mịna ḅieju-aḍapụma ị̀ ḅụ ḅụsikima se tịḅịtu pịkị tẹkẹ jịn-a oru pịrịmẹ. Ini ị̀ sarakoroma se ị̀ya ḍie ayema ḅịpị pokikẹ.


Ini ḅalafama obi ḅụ fịḅịa, se inia ḍụẹịn-ḍinḅịaḅọ anịkanịka ini ḍipiḅịa ḅọ ofori-ẹ. Inia oju akpakpa ma fịaye-pakụma ọfịn-aye kiri ọgọnọ tunduruma sara ọkụ anị àrị tunduruma saraḅịa ọkụ-ẹ. Ini ọmụ ḅie ini ḅaaḅịa, anịkanịka ḅuruḅaa ḅie ini fịḅịa, se inia fịsa oju akpakpa ma àrị fịyesọ feni na piri nama na pịrịḅịa.


Ngọ nyanapụ na igwein apụ na fịḅịa mị ama ḅie, ọkụma ini ḍipiḅịaḅọ anịkanịka inia ḍụẹịn-ḍinḅịaḅọ ofori-ẹ. Kingi se mịnaḅụ pu, anịkanịka tịḅị sẹịn se oria kururu mị ḍiepakụmaḅịaḅọ ofori-ẹ.


Jerusalẹm mị ḅie warịma na Juda amanyanapụ warịma na, pịkị jokoma ochu ma ọgọnọ ini insẹnsị dọkịma lolia ma pịrị warịma na, pịkị ini iru sara pịrị oru mamgba—Tọfẹt mị fịafịaka ọkụ mị àrị fịafịa ẹka ọkụ-ẹ.”


Yepụra asụn ḍipi ọkụ ini ọ̀ fọnọ soḅịa se ò se mun nụngọ gbin wokumaḅịa, Jerusalẹm onu ḅọkọ ma ḅie tolupaka.”


Anị ene Nyanaḅọ Ḅe ḅaasapụ-ma-oju-akpakpa ma galagalama saraḅịa tomonikiri mị ḅie gbọrị ịkọlị ḅụ ọkịmun jịn ịkọlị laḅịa. Inia ḍụẹịn-ḍinḅịaḅọ ofori-ẹ, pịkị ini ọkịsomun ḍipiḅịaḅọ ofori-ẹ. Kiri ọgọnọ mị ini sarasimeḅịaye-ẹ, saratịḅị ḅụrụye kpelu ọkụ.


Bebe pẹsịkiri nyọ mị anị ini fịapụ ḍipi pịkị sara wokuma nyọ mị, pịkị Kidrọn Ikpu ọgọnọ sime ele mamgba ọkịmun Asụn Ḅọkọ ḅụ ịrụapakapaka nyọ la, osiḅụ sime ị̀ pịrịḅịa. Opuama mị jenejene ḅarị kan ẹkẹ anịkanịka ḅịkị ẹkẹ.”


Anịgose mịọkụ, Ị̀rị̀, Nyanaḅọ Ḅe, ḍuko ị́rị́ Amanyanaḅọ Jẹhoịakim ḅe pịrịaḅẹ na, ị́ furo ḅie pakaḅoḅịa apụma ḅụ, gbọrịḅọ sọ Devid amanyanakiri mị da ẹkẹ. Ị́ya ḍụẹịn mị ini anị se gbinkoromaḅịa; enekaka ịrụa anị tẹịnḅịa nyọ na, ḍinḅụ ijiriji anị pisimaḅịa nyọ na.


Àrị ọkọ ḅẹmẹ, “Ọ́ Nyanaḅọ Ḅe poki, ómine eremeni ma, ọ́ pịkị tọrụ gbẹlẹma oria ọkwẹịn ma pịrị. Ọ́ ḍụẹịn ḍin ḅara se ọ́mịna eremeni awọma ḍie, se pịkị ọ́mịna ikiapụ ma na ḍụẹịn ḍipi nime chuḅịa ọkụ.


Fị mị mịna pẹlẹ ḅọkọ ma ḅie ḅọrọ mịna amanyanapụ warị ḅie sọḅosam; anị ateli ogbo awọmẹnịma pẹlẹgbinsam pịkị asẹmẹnị awọma na fẹ ma ḅie sime apụma na.


Fịsapụ ojuma àrị nyọma ḅụ galagala waraḅẹ, fịye pakụmaye tunduru ọkụ eleogbo, ozu kọrịapụ ma pẹlẹkọnma mgbọlụ-a fịye ọkụ, gbọrịḅọ sọ ḅarị koḅirimakaye. Mịn mị anị Nyanaḅọ Ḅe ị̀ ḅẹye-ẹ na à ḍuko.”


Ị́rị́ na àrị injima na, àrị ó se onwun ele ḅie gbin wokumaḅịa. Ị́ya oju mị anị sokoro kiri ọgọnọ koroḅịa, ini anị ḍipika ḅaraḅụ anị simeḅịa. Àrị anịse fịfịye mịẹ fenima na namama na pịrịḅịa.


Ḅele ele mị ḅie ini sokoro fịḅịa. Ị̀rị̀, Kụrọmamgba Nyana Tamụnọ Ḅe à ḍukosam.


Izrẹlapụma inia fịsa ojuma à nwọ galagalamaḅịa; àrị inia ịmgbema galagalamaḅịa inia agbamịẹ ẹbẹ ma tọrọkọ.


Anị ori ị̀ se Oputẹkẹwarị odo mị ḅieju sọmunye-ẹ; anịnyọ, tẹkẹwarị mị sọḅịa nyọ mị na kpeki nyọ ḅụ, anị agbamịẹ ẹbẹ mị na kala warị mị na ogboku, pa sisọnọ-a owuapụ fịnjị laḅịa apụ omi-ẹ. Ini ọḅụ se tẹkẹwarị mị gbin, tọrụ se ịrụa paka ḅoḅo nyọ mị da se karakarama tịḅịtutu pakaḅoarị ịrụa mị tẹkẹ aḅẹ.


Nyanaḅọ Ḅe nwọ ḅẹmẹ, “Ọkọ sime fa à nwọse tomoni ọgọnọ gbanaḅịa, mịẹso ọkụma ọrụḅọḅọ tọrụmgbọlụ pụn ḅọ ḅara nwọse ḅụḅụroma ḅọrọḅịa. Ini ị̀ ḅụ siye mịẹsam anịgose inia pulo ma mengi ọsụn ọkụ ọsụnḅịa, anịsịkị inia ḍụẹịn ma kiri ogbo sime ḅụrụḅịa.”


Mun warị ochu ma ọgọnọ ịrụa mị na, akalụ mị na, pịkị lolia ma na tẹkẹ ḅọ goyegoye, à nụḅọ ḅaaḅịa. Kpẹrẹkị ị̀ tẹkẹ se karakara ḅara ḅụ ị̀ya ẹrẹ ḅụ yekarịfịapụma, se pịkị Malkọm ini nwọse chịn oru ḅe karịfịapụma àrị ini famaḅịa.


Anị Tamụnọ Ḅe ọḅụ pịkị ini gbin, se inia ḅụḅarasin sotọrụ lolia ma na tẹkẹ mị pịrịye-ẹ, anị Ịkịankoroapụ ḍiri ma ḅie gịẹịn ḅara ḅụ. ‘Izrẹlapụ! Kụra mesi na gbasịye eleogbo ḅie ọ́ ḅaa se agbamịẹ namama ó se mịẹ ị̀ pịrịkẹ.


anị jịn-a oru ma anịkanịka ịrụa mị anịkanịka akalụ mị anịkanịka lolia ma tẹkẹ pịkị fịrịnwẹngị àrị pịrịmẹ ḅẹḅẹ, anị Nyanaḅọ Ḅe chụa oloko mị na tụḅụrụ ḅaraḅụ.


Sotọrụ ọ́ nwọ ọrị àrị ayema ngịsị àrị ó telima se ómine àrị tẹkẹma, ọ́ pịkị fịrịnwẹngị àrị pịrịma, ịrụa mị na, akalụ mị na, pịkị lolia ma na. Nyanaḅọ ọ́mịna Tamụnọ Ḅe mama ò se jịn sẹ apụ mamgba pịrịmẹ na ini àrị tẹkẹ.


Lean sinn:

Sanasan


Sanasan