Jerimaya 8:2 - Kịrịkẹnị Baịbụl2 Ini àrị kpokponima se ḍipi na karaka, inia ịmgbema àrị kiri papa ḅụrụḅụrụ sime, fịye pakụmaye sọḅịa. Àrị ịrụa ḅie na, akalụ na, lolia ma na ḅie wasamaḅịa, anị mịnapụma ḅẹlẹma tịḅịtu pịrị pịkị tẹkẹsaye ma. Faic an caibideil |
Juda amanyanapụma se agbamịẹapụ kiri ḅụ koroma oruḅẹrẹnemi apụ agbamịẹ ẹbẹ ma ọgọnọ agba mịẹmịẹ apụ mamgba ori ini sinmẹ, Juda opuamama ḅie na pịkị Jerusalẹm mị na kpeki nyọma ḅụ na. Agbamịẹ seni Beal mị na, ịrụa mị na, akalụ mị na, sotọrụ sime jịn aye na, pịkị lolia ma na pịrị agbamịẹapụ mamgba na.
Anị gbọrị ḅaraḅụ ini ma ịkịan ma koro pịrị-a tomonima sọ, àrị ini ḅaaḅịa. Inia fị ojuma ini àrị se Jerusalẹm ateli ma ḅie gbin saraḅịa, se àrị ḍipiḅịa gbọrịḅọ sọ ofori-ẹ. Mị inimgba ḅụ pakaḅịaye-ẹ—inia erema na, inia owuapụ awọma na inia eremeni awọma na se chụa. Àrị ini mịẹse ini inia sitịḅị ma ḅe-gbẹịn-aye nyanaḅịa.”
Ini ḅalafama obi ḅụ fịḅịa, se inia ḍụẹịn-ḍinḅịaḅọ anịkanịka ini ḍipiḅịa ḅọ ofori-ẹ. Inia oju akpakpa ma fịaye-pakụma ọfịn-aye kiri ọgọnọ tunduruma sara ọkụ anị àrị tunduruma saraḅịa ọkụ-ẹ. Ini ọmụ ḅie ini ḅaaḅịa, anịkanịka ḅuruḅaa ḅie ini fịḅịa, se inia fịsa oju akpakpa ma àrị fịyesọ feni na piri nama na pịrịḅịa.
Anị ori ị̀ se Oputẹkẹwarị odo mị ḅieju sọmunye-ẹ; anịnyọ, tẹkẹwarị mị sọḅịa nyọ mị na kpeki nyọ ḅụ, anị agbamịẹ ẹbẹ mị na kala warị mị na ogboku, pa sisọnọ-a owuapụ fịnjị laḅịa apụ omi-ẹ. Ini ọḅụ se tẹkẹwarị mị gbin, tọrụ se ịrụa paka ḅoḅo nyọ mị da se karakarama tịḅịtutu pakaḅoarị ịrụa mị tẹkẹ aḅẹ.