Jerimaya 5:3 - Kịrịkẹnị Baịbụl

³ Kọkọmaye-ẹ kuḅie-se-ḅụgbana anị Nyanaḅọ Ḅe ọ̀ ḍọkịarịye-ẹ. Ori ị́ ḅakụmẹ, ọkụma ị́ tọrụ kweinmakẹ; ori ị́ kọsịmamẹ, ọkụma ị́ yeḍawọ ḍụkụkẹ. Ị́ ininachịnmẹ, pịkịna ị́ya sima ḅie ị́ pịkị ḍụkụkẹ.

Jerimaya 5:3 Iomraidhean Croise

Chukusakị 19:34

Ene mị ḅasịkị, sẹnịḅọ ma nwọse kalaḅọ ma ḅẹmẹ, “Ḅịa ḍin ḅie àrị ori na gbolomamẹ; mịọkụ ye wa pịkịna mị ḍin ọ̀ mịẹse ò ḅu, se ị́rị́ mun ori na gboloma. Anị ḅaraḅụ mịnaḅụ gbọrịḅọ gbọrịḅọ mịna ḍaḅe ḅụ ḅọrọ se tọkụ nyanaḅịa.”

1 Amanyanapụ 13:33

Jeroboam Izrẹl Amanyanaḅọ ḅe oria sima ḅụ ọ̀ pa vinpịkịkẹ, ọkụma ọ̀ pa yeḅụsọka furoma ḅie ḅụ agbamịẹapụ sẹlẹọkịaḅẹ mun ọ̀ nama koroma agbamịẹ ẹbẹ ma ọgọnọ fịrịnwẹngịḅịa ẹrẹchị. Agbamịẹḅọ sọ ḅiḅọ goyegoye ọ̀ nụḅọ se agbamịẹḅọ mịẹmẹ.

2 Amanyanapụ 1:13

Amanyanaḅọ ḅe pịkị tẹrẹ karama sịkịḅụ gbọrị owunitịḅịnịḅọ na kịnị-a mesi oyi fịnjị na fịrịmamẹ. Ọ̀ chịngị mị tanjị iwomun, ọ̀ ḅụọịkpụkụ ma seni Ịlaịja ḅe tọrọkọ kpẹrẹkị se tẹkẹ ḅụ nwọ ḅẹmẹ, “Tamụnọ fịrịnwẹngịḅọ ḍikitịḅịfoin nyana ị̀rị̀na-ị̀ya tomonima na pịrị. Mịna ḍumo ma ḅọrọma!

2 Amanyanapụ Sịkị Mịẹaye Ma 16:9

Nyanaḅọ Ḅe ò kwein tọrụ seni bebe tomonikiri mị ḍikiaḅẹ, kuḅie ḅụ ò ḅereni apụma ori ịnyọ se ini pịrịḅịa. Oḅoriḅọ ḅara ị́ nwọse yemịẹsam, anịẹrẹchị mịọkụ ọkị tọrọkọ mun sịkịmamgba ị́ ọmụgbinḅịa.”

2 Amanyanapụ Sịkị Mịẹaye Ma 28:22

Oria ḅụfụka ma ḅo sitẹịn sịkị, ori Ehaz ḅe, ọ̀ pịkị Nyanaḅọ Ḅe ḅụ simịẹtẹịn tatarị sịkị nẹngịmẹ.

Fịafịa Nime 51:6

Iḅiyemịẹḅara na karakaraye na anị ị́ ḍọkịye-ẹ; ị́ya nemi se ị̀ kuḅie ḅeinma.

Fịafịa Nime 51:8

Ye à ḍoroku na ḅieḅẹlẹ nyọ fiema na nwọ naa; ị́ pịkị ị̀ kọsịma se ị̀ anyịmasam nwọḅẹsọ, ị̀ ḅie ḅo pịkị ḅẹlẹḅịa.

Fịafịa Nime 55:20

Ị̀rị̀na-nwẹngị ḅọrọsaḅọ ḅe, oria ikiapụ ma dapakamẹ; ò ḅereniye mị ọ̀ kanmẹ.

Kaḅo Ma 21:29

Karakaraye mịẹ apụma ini inia ḅụ kaịnḅomẹ; sitịḅịnyana apụma ini simeka iḅi ḅara ini ḅụkụrọma nwọ ḍiepakụma-pakụmamẹ.

Kaḅo Ma 22:12

Nyanaḅọ Ḅe ḍọkịḅo ọrịmẹ na karakaraye mị chịẹ mẹ anịsịkị iruo ọkwẹịn ma se papaye mịẹmẹ.

Kaḅo Ma 23:35

“Ini yese ị̀ lamasam,” ị́ nwọ ḅẹḅịa, “ini ị̀ fomumẹ, ọkụma ị̀ ḅiekoromakẹ. Cheye gose à ḅarị ineda sịsẹka? À pịkị jịn iruḅu ḍọkịmẹ.”

Kaḅo Ma 27:22

Yenemikaḅọ ḅe ị́ ò fomuḅa-ẹtọnmẹ nwọḅẹ sọnị, ò ḅie sime nemika mị ị́ ineda anị fomu sin ẹkẹ.

Aịzaya 26:11

Ị́rị́na-tarakapụ ma ị́ ḅụfụka seni ini pịrịḅịa ọkụ ini nemikẹ. Nyanaḅọ, ini seni ḅụgerere ḅie chu seni mịẹ ini tọrụsiọrị; mịẹ seni ini ị́ karakaramasa tọrụsiọrị mị da. Se ini ḍie ị́ya tomonima ị́ nwọ ḅẹlẹma la-ọkụ.

Aịzaya 42:25

Anịgose ọ̀ mịẹmẹ oria ịganị mị ḅe ọfịrị ḅụọyị wa nwọ nemi pịkị ọmụ ḅie tọrụsiọrị nwọ ọrịmẹ. Oria ịganị mị Izrẹl ḅie mgba fịnị kọrị ọkụ kọrịmẹ, ọkụma mịẹarịye ngịsị wa nemikẹ; wa pịkị anịaḅụ ye ḍawọ ọkịkẹ.

Aịzaya 48:4

À nemimẹ na ọ́mịna tịḅịḅie kụrọ mị ó ḍiepakụmaḅịa, ikulele kụrọ ọkụ kụrọ pịkị alapẹlẹka sịndankị ọkụ sịndankị apụ.

Aịzaya 9:13

Izrẹlapụma, ma ini pa siḅụ vinpịkịkẹ, Kụrọmamgba Nyanaḅọ Ḅe, fomuḅara se ini pịrịpịrịsam nwọḅẹ sọnị ma ini pa vinpịkị ma ọ̀ damamunkẹ.

Jerimaya 15:7

Sẹ mị ḅie sime ama goyegoye ḅie àrị ó se fọrụ ḅie gbinmẹ osirosiroḅa kịkẹ ḅara. Àrị ọ́ kankọsịmaḅịa, ómine ị̀ya tomonima, àrị ọ́mịna awọma ḅaamẹ anịatịḅị ọ́mịna siamịẹmịẹaye ma ḅụ ọ́ dachịẹ ḍụkụkẹ.

Jerimaya 17:23

Inia ḅieju-aḍapụma ị̀ pokikẹ pịkịna tọrụ se anị ḍikikẹ. Anịnakaraka, ini ininachịnmẹ; ini ị̀ ḅịpị pokikẹ pịkịna ị̀ ḅara yeḍawọ ọkịkẹ.

Jerimaya 19:15

Kụrọmamgba Nyanaḅọ Ḅe, Izrẹl Tamụnọ Ḅe, ḍukosam, “À fomuḅara se mị opuama mị na anị na kpeki ama mamgba na pịrị-ẹmun-aḅẹ à ḍuko na à mịẹḅịa nwọḅẹ ḅaraḅụ, anịatịḅị ómine ininachịnmẹ, pịkị à ḍuko ọ́ pịrịayema pokikẹ.”

Jerimaya 2:30

À fomuḅara se ị́ pịrịmẹ, ọkụma anị mịẹ iḅiye ofori-ẹ; ị́ ḅereni ị̀ pịrịkẹ àrị ị́ datekerema. Opuma ịganịarị chịrịḅa ḅara, ị́ nwọse ị́ya ịkịankoroapụma ninisam.

Jerimaya 3:3

Anịgose ini enema ọlọchịẹmamẹ, se kiriḅie ideri mengi ma ḅarị sara paka ḅokẹ. Ị́ sẹfị ḅọ kịkẹmẹ, ị́ ḅụgerere nemikẹ.

Jerimaya 32:19

Ị́ nemi nyanaye tọntọnmẹ, pịkịna ḍụḅaye mịẹmịẹmẹ; tomoni mịẹarịye goyegoye ị́ ọrịmẹ, ị́ pịkị inia mịẹmịẹaye ma la ḅara se ini gbẹịn-gbẹịnmẹ.

Jerimaya 44:10

Ọkụma ọkịḅo mịmgba la, ma ómine ọḅụ iderimakẹ. Ma ọ́ kụn se ị̀ pịrịkẹ anịkanịka à chụa ómine na ọ́mịna ḅieju-aḍapụma na pịrị olokoma ḍuko ḅara nwọse angakẹ.

Jerimaya 7:26

Anịsọ gbọrịḅọ sọ pokikẹ anịkanịka tọrụ pịkịkẹ. Anịnakaraka ó ḅo ininachịn pịkị kọngọ kụrọmatẹịn ọ́mịna ḅieju-aḍapụma nẹngịmẹ.

Jerimaya 7:28

Ị́ ḍuko ini pịrịḅịa na inia sẹ mị anị ị̀ ḅịpị pokikẹ, Nyanaḅọ, inia Tamụnọ Ḅe, anịkanịka inia fomuḅara ḅie yeḍawọkẹ. Kuḅie-se-ḅụgbana mị fịsam. Nweni pịkị ḅarị anị se ọkwẹịn ḅụ chukẹ.

Jerimaya 8:5

Cheye gose, ị̀ya tomoni, ómine ị̀ ḅụ wẹrịḍarịma, se ngịsị ḅarị pịkịmaḅoka? Ómine ọ́mịna oru ma oḅolo se ḅarị pịkịma ị̀ damaḅo ḍọkịkẹ.

Izikịẹl 2:4

Inia tịḅịḅiekụrọmẹ, ini ḅarị osi nyana ị̀ pịrịkẹ; anị gose àrị ị́ se ini sẹịnmaḅẹ. Ḍuko ini pịrị na mị Ị̀rị̀ Kụrọmamgba Nyanaḅọ Ḅe ḍuko ọkụ-ẹ.

Izikịẹl 24:13

Jerusalẹm, ị́ya sẹfị-a mịẹmịẹyema àrị ị́ pụlamasam. Ị́ fịafịaḅịa ọkụ à ḅụkụrọma nwọ mịẹmẹ nwọḅẹ sọnị, ọkụma ị́ pa pụla ḅụ taḅo sime waraḅẹ. Ị́ ḅarị pịkị fịafịa ẹkẹ ọkịmun, ị̀ya owoi ịganị mị ḅo ị́ laka simeogbo.

Danịẹl 9:13

Moziz Olokoma ḅie sime fomuḅara mamgba ị́ nwọse wa pịrị. Ọkụma mịọkụ sọ, yei Nyanaḅọ, mịna Tamụnọ, ma wa pa ḅụkụrọma ị́ ḅụḅẹlẹḅịaye mịẹkẹ, anị, mịna sima ḅụ vinpịkị se ị́ya karakara mị ḍukonwẹngịkẹ.

Agbamịẹ Apụ 26:23

“Nemikase mị fomuḅara mị ḅọrọso se ọ́ pa pịkị ị̀ ḅịpịpokikẹ se pa pịkị ị̀rị̀ na tụḅụrụaḅẹ ḅẹḅẹ,

Emọs 4:10

“À se Ijipt sẹịnma obi kịkẹma obi à nwọse ọ́ sẹịnmamẹ. Àrị ọmụ ḅie ọ́mịna asẹmẹnịma ḅaamẹ pịkị ọ́mịna asụnma ọkịsomẹ. Ómine ikowarịma pike nyọma ḅie, à ḍụẹịn onuma se ọ́mịna nini apangama ḅie chukomẹ. Anịsọ ọ́ pa pịkịma ị̀ damaḅokẹ.

Emọs 4:11

“Àrị ọ́mịna ḅụ dapụ sima ọkụ mị anị à Sọdọm na Gomọra na sima ọkụ-ẹ. Ómine mịọkụ ḍumo apụma sọnị kalaye kẹngẹ kọnmẹ ọ́ fịsam, anị ini kọrịarị fịnị pẹkẹrẹ anị ini nụnụpakụmaḅo se ḅịpịḅọkọ mị bimaye sime ọkụ simemẹ. Anịsọ ọ́ pa pịkịma ị̀ damaḅokẹ,” Nyanaḅọ Ḅe ọkọ ḅẹmẹ.

Emọs 4:6

“Ị̀rị̀ anị ḅuruḅaa se ọ́mịna opuama mamgba ḅoye-ẹ, anịẹḅẹsọ ọ́ pịkịma ị̀ damaḅokẹ.

Emọs 4:8

Mengi pụkọtarị se ḅụlọkọ, tọn-a opuama ḅie-a tomoni, inia amama wẹrịso jịn ama mun mengi ḍọkịmẹ ọkụma ini tụkụma mengi ọrị ḅukẹ. Ọ́ pa pịkịma ị̀ damaḅokẹ.

Emọs 4:9

“Ó ḍipi fịayemgbọlụ ma samịnamaḅịa fọrụ à nwọse ọ́ sẹịnmamẹ igurube ma ọ́mịna ozuma na, irumịẹ chịnmgbọlụ ozuma na, figi ejema na, oliv ejema na, fị ḅaamẹ anịsọ ọ́ pa pịkịma ị̀ damaḅokẹ.

Zẹfanaịa 3:7

À nwọ koromamẹ na ị̀ya tomonima ini anịsịkị osi nyana ị̀ pịrị se à ḍukoarịaye ma mịẹḅịa, na ini ḅarị ngịsị à se ini ḍie yemị se ḅieḅarama ẹkẹ. Ọkụma anị ḅọlọkẹ, ini sakị inia si ḍumo mị kọn aḅẹ.”

Romapụ 2:2

Wa nemimẹ na Tamụnọ Ḅe ọ̀ karakaramẹ ọ̀ ḅẹrẹkọn ọkọsimeye ma mịẹapụ pịrịarị sịkị.

Hibru 12:9

Wa yi ḍa apụma ḅụfụka se wa pịrị sịkị wa pịkị ini osisimẹ. Anị mị nẹngịma ḅara wa nwọse ḅụiderima mịna tẹmẹ anga Ḍaḅọ Ḅe pịrị se ḍumo gbẹịnmẹ!