Jerimaya 47:6 - Kịrịkẹnị Baịbụl

⁶ Ị́rị́ oloku owu, ‘Nyanaḅọ Ḅe kongo! Ị́ pẹlẹ mun che sịkị laḅe? Vinpịkị mun ị́ya lubu mị ḅie sọ, anịnyọ sime ịnyọsara!’

Jerimaya 47:6 Iomraidhean Croise

Jerimaya 12:12

Onwun ele chịngịma saḅakoro nyọ mamgba tomoni pakaḅo ye ọfọịn ọkị aḅẹ. Àrị ọmụ fịrịmasam na bebe nyọ mamgba kan sara; gbọrịḅọ sọ deinma sime ẹkẹ.

Jọn Iḅi Ḅẹrẹ Mị 18:11

Jizọs Ḅe nwọse Pita ḅe ḅẹmẹ, “Ị́ya okola-agiji mị se pịkị anị pakaḅo anga chụa! Ị́ koroma na ị̀ Ḍaḅe se ị̀ pịrị tọrụsiọrị ọmọngọ mị àrị anị ḅu ẹka?”

Izikịẹl 21:30

“‘Okola-agiji mị dekichịẹma! Àrị ị́ tẹmẹ nyọ ḅụ anị à ḅẹrẹkọn ị́ pịrịḅịaye-ẹ.

Izikịẹl 14:17

“Anịkanịka à nemikase owuse anị sẹ mị pakaḅịa nwọḅẹ ọkụma, à pịkị yesima owuniaye fịrịma sẹịn se tomonima na nama na ọfịn sinḅịa nwọḅẹ ọkụma,

Jerimaya 25:27

Anị Nyanaḅọ Ḅe nwọse ị̀ ḅẹye-ẹ, “Ḍuko tomonima pịrị na Ị̀rị̀, kụrọmamgba Nyanaḅọ Ḅe, Izrẹl Tamụnọ Ḅe, tọn ini pịrị aḅẹ na ini ḅu ọkị nweni anị inia tọrụ sọ se ọsụn, ọkị nweni ini ḅịkịkoro se ḅarị ineda sịsẹ ẹkẹ, à se ini sẹịnmarị ọmụ mị tịḅị gose.

Jerimaya 15:3

Ị̀rị̀, Nyanaḅọ Ḅe, à ḍuko pẹlẹsam na inein-a ḅalafamaye paka ini pịrịḅịa: ini ọmụ ḅie ini ḅaaḅịa; obiri inia ojuma fọnọ soḅịa; feni ini pẹịḅịa, pịkị piri-a nama kọn ayema kanịpẹịḅịa.

Jerimaya 12:4

Mịna kiri mị anị samịna mun nde sịkị la ḅe, se ozuma ḅie osueinma fị mun nde sịkị la ḅe? Nama na feni na fịaḅẹ mịna tomonima nyana sitịḅị gose, ‘Na Tamụnọ Ḅe wa mịẹarịye ma ori ọrịkẹ’” nwọḅẹ tomonima.

Jerimaya 4:21

À sime ma owuniayema ọrị mun nde sịkị laḅe pịkị oḍu-a tịḅịḅie ma naa mun che sịkị laḅe?

Aịzaya 10:15

Ọkụma Nyanaḅọ Ḅe nwọ gbelamẹ, “Apala ineda ḅẹ ḅe, na anị re ḍụḅatẹịn anị seni fịrịnwẹngịarịḅọ ḅe nẹngịmẹ? Fịkịfịkị mị yesọtẹịn anị seni yepuarịḅọ ḅe nẹngị? Iku-owusọ-mgbele ineda tomoniḅọ dekichịẹma ẹkẹ, tomoniḅọ mị ineda iku-owusọ-mgbele mị dekichịẹmaḅịaye-ẹ.”

Aịzaya 10:5

Nyanaḅọ Ḅe nwọ ḅẹmẹ, “Asiria mị, à nwọ seni tomoni-fomuḅaa-mgbele mịẹ fomuḅara seni àrị ịganị pịrị apụma pịrịḅịa.

Fịafịa Nime 17:13

Ḅo, Nyanaḅọ! Ị̀rị̀na-tarakapụma dapaka se ini inuma! Ị́ya okola-agiji mị se sitịḅịnyanapụma ḅaraḅie ị̀ ḍụa;

1 Amanyanapụ Sịkị Mịẹaye Ma 21:27

Nyanaḅọ Ḅe ḍuko enjẹlḅọ ḅe pịrịmẹ na ori oria okola-agiji mị sin, enjẹlḅọ ḅe pịkị ọ̀ ḅịpịpokimẹ.

2 Samụẹl 2:26

Abna ḅe Joab ḅe chịn oloku se nwọ ḅẹmẹ, “Wa owusọ ḅụ sime gbasoḅe? Ị́ ọrịka na anịḅe kuluma wa gbọrị sọye sọ nyanakẹ ḅụakụ sikima ọkụma? Mine na ómine na gbọrị sẹ ḅe apụ-ẹ. Anị mun nde sịkị lasịkị re ị́ya tomonima ị́ nwọḅẹ ḅe na ini ḅarị wa ḍuko ma-ẹ?”

Bẹrẹkọn Apụ 7:20

se ísí mama kpo ma sọnị pịkị ọkọ mịẹmẹ. Inimgba inia ereḅara ḅie tọnjie ma ọlọmẹ, oḍu ma inia amaḅara ḅie omi-ẹ, se nwọ olokumẹ, “Kongo mị sime Nyanaḅọ Ḅe pịrịmẹ pịkị sime Gidiọnị ḅe pịrịmẹ!”

Jerimaya 48:10

(Worinime sime ini apụma pịrị nwọ inia kuḅie se Nyanaḅọ Ḅe fịrịnwẹngịkapụ ma! Worinime sime ini apụma pịrị nwọ pẹlẹḅaa ḍụkụkapụ ma!)

Jerimaya 50:35

Nyanaḅọ Ḅe ọkọ ḅẹmẹ, “Fị sime Babilọn pịrị! Fị sime anịa tomonima pịrị, anịa ḅẹrẹtọn apụ, anịa nemi nyana owuapụ.

Zẹkaraịa 13:7

Kụrọmamgba Nyanaḅọ Ḅe ọkọ ḅẹmẹ, “Sịsẹ, kongo, se anana ḍikiḍikiḅọ ḅe, anị fịrịnwẹngị ị̀ pịrịḅọ ḅe, owu se ọ̀ paka! Ọ̀ ḅaa, se ananama àrị galagalaḅịa. Àrị owu se ị̀ya tomonima pakaḅịa