Jerimaya 47:4 - Kịrịkẹnị Baịbụl

⁴ Filistia mị kanḅịa sịkị lasam, Taya na Saịdọn ḅụ anị pẹlẹsin kọn ḅarachụa ma ḅụmgba ḅụ. Ị̀rị̀, Nyanaḅọ Ḅe, à Filistia apụma kanḅịa, ini Krit tọrụ akaka ḅo apụ mamgba.

Jerimaya 47:4 Iomraidhean Croise

Emọs 9:7

Nyanaḅọ Ḅe ọkọ ḅẹmẹ, “Izrẹlapụ à koroma nyana ọ́ pịrị ọkụ anị à pịkị nyana Sudan apụma pịrị ọkụ-ẹ. Ị̀rị̀ anị Krit ḅie Filistia apụma ọkịḅoye-ẹ, pịkị Kị ḅie Siriapụ ma ọkịḅoye-ẹ, anị àrị Ijipt ḅie ómine ọkịḅo ọkụ-ẹ.

Aịzaya 20:6

Anịsịkị mị ḅo laḅịa sịkị, Filistia tọrụ aka ḅụ angapụma ini nwọ ḅẹḅịa, ‘Wa se ḅietọn ma Asiria sẹdaḅọ ḅe ḅara ḅie wa ḍụaḅịa nwọḅẹ apụma ḅụpakaye ḍiki! Nde wa ineda ḍumoḅịa ọkụ?’”

Maịnkarama Oloko 2:23

Mẹditirenia tọrụaka mị ḅụ sime ama mị Krit chọ mị ḅie apụma anịa ḅie angamẹ. Ini Avim apụma ḅaasinmẹ, anị jokoma ama mị nyana apụma, se inia ama mị mgba nwọ ọkịmẹ ọkịmun Gaza opuama mị lamẹ anị chukuda ọrụ mị.)

Hosia 9:7

Fomuḅara sịkị mị ḅosam, tomoni inia gbẹịnye nyanaḅịa sịkị mị. Anị ḅo pakaḅịa sịkị, Izrẹl mị anị nemiḅịa! “Ḅe ịkịankoroḅọ ḅe,” oḅoriḅọ-ẹ ọ́ nwọ ḅẹmẹ, “Ḅe tẹmẹḅụ ḅụ simeḅọ ḅe, ọ̀ nọmụaḅẹ.” Ómine opuma ị̀ ḍikiḅụnwọnwọmẹ anịatịḅị ọ́mịna si opuma ḅakamẹ.

Izikịẹl 21:29

Ị́ tẹmẹḅụ ọrịaye ma iruoaye-ẹ, ị́ koro ịkịan ma karakarayekẹ. Ọ́mịna tịḅịḅiekụrọmẹ, ọ́ pịkị iḅikẹ, ọ́mịna ene mị ḅoaḅẹ, ọ́mịna kuluma tọrụsiọrị ene mị. Okola agiji mị anị ọ́ kọngọ ḅụ koroḅịa.

Izikịẹl 21:25

“Ómine sitịḅịnyana pịkịna fịafịaka Izrẹl mị ḅie tịḅịdapụ ma, ọ́mịna kuluma tọrụsiọrị ene ḅoaḅẹ.

Izikịẹl 7:12

Sịkị mị ḅoaḅẹ, ene mị ḅo kpekisam. Ye fẹ apụ na ye dẹrị apụ na ḅo gbọrị ḅara simeḅịa. Anịatịḅị, Tamụnọ Ḅe oria fomuḅara nweni mamgba nwọ laḅịa.

Jerimaya 46:10

Mịmgba anị Kụrọmamgba Nyanaḅọ Ḅe ene mị-ẹ: mịmgba ò sowuḅiḅịa; mịmgba ò fomuḅara se ori-na-tarakapụ ma pịrịḅịa. Oria kongo ini ḅaa nweni anịa ḅụlọ ḅeinḅịa, pịkị inia pulo ḅu nweni anịa pụkọtanḅịa. Mịmgba Kụrọmamgba Nyanaḅọ Ḅe oria fịapụma se agbamịẹmẹ ọgọnọju ḅụ, Yufretis akaka ḅụ.

Fịafịa Nime 37:13

Ọkụma Nyanaḅọ Ḅe ò sitịḅịnyanapụma ḍẹrịaḅẹ, anịatịḅị ò nemimẹ na ḅọlọka sịkịḅụ ini fịḅịa.

Luk Iḅi Ḅẹrẹ Mị 21:22

Anịatịḅị ma ‘Ene ma ḅụfụka pịrị ene-ẹ,’ mịẹse Fịafịa Ḍiri mị ḍuko ayema ḅo kọkọmaye sọḅịa ḅara.

Izikịẹl 30:8

À fịnị se Ijipt ḅụ chụa se owusọ anị pịrịarịapụ mamgba ini nwọ ḅaso sịkị, anịsịkị mị ini nemiḅịaye-ẹ na Ị̀rị̀ anị Nyanaḅọ Ḅe-ẹ.

Izikịẹl 25:16

Anịgose à ḍukopakụma aḅẹ na àrị owuse Filistia apụma paka se inimgba ọfịnsinḅịa. Filistia apụ Ḅele nyọma ḅụ kọn se angarị apụ mamgba àrị ini ḅaafamaḅịa.

Aịzaya 31:8

Asiria mị owu ḅie ini anị kanḅịa, ọkụma tomoni kụrọḅụkẹ. Asiriapụ ma owu ḅie ini mangịsoḅịa, anịsịkị inia asẹmẹnị awọma ini ini kun se omoniapụ mịẹḅịa.

Aịzaya 10:3

Tamụnọ Ḅe ò fomuḅara se ọ́ pịrịḅịa sịkị ó chemịẹḅe? Ḅọlọ sẹ ḅụ ḅo ómine kangalagalamaḅịaye ọ̀ nwọse ḅo ọ́mịna ọgọnọ gbana ọkụma ó chemịẹḅe? Ọ́ mangịmun tụḅọ ḅara ịnyasọḅe? Ọ́mịna ngọma ó seni nde nyọ ḅọịḅe?

Job Ḍiri Mị 9:13

Oria ịganị fafakẹ. Ḅarachụa ori na taraka mengi ḅie opu nama Rehab ḅe pịrị se ori na tụḅụrụapụma ori ini nanga dẹkịdẹkịmamẹ.

1 Amanyanapụ Sịkị Mịẹaye Ma 1:12

Patrus apụma na, Kaslu apụma na, Krit apụma na, (Filistia apụma inia furo ini pakaḅomẹ).

Jọshụa 22:30

Fịnehas agbamịẹḅọ ḅe na ori na mun oyi-a sẹma tịḅịnịma na, ịrụasọsọ nyọ da sẹma ḅie sime furoma tịḅịdapụ ma ḅo, Rubẹnị na Gadị na sẹma na pịkị Ịrụapakapaka nyọ da Manasẹ sẹ mị ḅie apụma na ḍukoye mị naa sịkị anị inia ḅụokoromẹ.

Chukusakị 10:15

Kenan owuapụ awọma anị Saịdọn, anị sẹnịḅọ ḅe-ẹ, pịkị Hẹt ḅe na—ini anị inia opu-aḍapụma ẹrẹ ma fịapụ ma-ẹ.

Aịzaya 14:31

Ómine oloku-ḅọlọ-owu-kọn, ḅarachụa ọ́ pịrịḅịa ḅọ gose, ómine Filistia opuama mamgba! Ọ́ ḅalafa nyana, ómine mamgba! Fọnfọnfọn soḅuno ọgọnọju ḅoaḅẹ—ḅalafa nyanaḅịa gbọrịḅọ sọ anị owunikpo mị ḅie ofori-ẹ.