Jerimaya 47:2 - Kịrịkẹnị Baịbụl

² Ori ọkọ ḅẹmẹ: “Ḍiki! Mengi sẹnị aḅẹ ọgọnọju se anị opu mengi mangị ideri ọkụ ideriḅịa. Àrị ama mị na anịa ḅie simeye goyegoye ḅilemaḅịa, opuamama na anịnyọ anga tomonima na. Tomoni ḅarachụapụ ḍọkịḅịa; tomonikiri sime apụ goyegoye opuma owuḅịa.

Jerimaya 47:2 Iomraidhean Croise

Jerimaya 46:20

Ijipt mị ọgọnọḅụ ḅo nweni tẹịntẹịn ọmụmụ gbori fịafịa nambulo ọkụ simemẹ.

Jerimaya 8:16

Mine-na-tarakapụ ma, ini ḅo Danị opuama mị lasam; inia asụnma ḅe chịsa wa nwọ naa aḅẹ. Bebe ama mị jikemẹ ḅalafa ḅụ inia asụnma oloku ọkụma. Mine-na-tarakapụ ma ini ḅosam, ḅo ama mị kan se anịa ḅie sime yegoyegoye simaḅịa ẹrẹchị, mịna opuama mị na tomonima na.”

Jerimaya 1:14

Ọ̀ nwọse ị̀ ḅẹmẹ, “Fịfa sime ọgọnọju daọrụ ḅụ angapụ mamgba pịrịmẹ,

Ḍieḅelema Yema 17:15

Enjẹlḅọ ḅe pịkị nwọse ị̀ ḅẹmẹ, “Sẹfịḅọ ma kpọnjị sime nyọ ị́ ọrị mengi ma anị sẹma na, tomonima na, pịkị tọrụkịrịkịrị apụma na ọkwẹịnḅẹlẹ kịrịkịrị kọn-arịapụ ma-ẹ.

Ḍieḅelema Yema 17:1

Sọnọma bọlị ma nyana enjẹlapụma ḅụ gbọrị enjẹlḅọ ị̀ damaḅo se nwọse ị̀ ḅẹmẹ, “Ḅo, ini tọrụsiọrị se árị ẹrẹpaka sẹfịḅọ ma pịrịḅịa ḅara à nwọse ị́ ḍieḅịa, anị tọn-a ideri ḅumengi tọrụ na kpeki nyọ ḅụ ini nama opuama mị.

Jems 5:1

Se mịọkụ alakọn apụma, ómine ị̀ poki! Ómine oloku se owu, ḅo ọ́mịna ọgọnọ gbana-ẹ ḅoarị ḅụfụka ma gose!

1 Kọrịntapụ 10:28

Ọkụma gbọrịḅọ ḅọrọ nwọse ị́ ḅẹmẹ, “Mịn oru pịrị fịye-ẹ,” anị fị ma, mịn mị ḍuko ị́ pịrịḅọ ḅe na pịkị tomoniḅọ koroma mị na gose—

1 Kọrịntapụ 10:26

Anịatịḅị, fịafịa ḍiri mị ḍuko ḅara ḅụ, “Tomonikiri mị na anịa ḅie simeaye mamgba Nyanaḅọ Ḅe oriaye-ẹ.”

Nehọm 1:8

Owoima sọarị opu mengi ye sima ḅara mị ori okorona okorona ori na tarakapụma fama fama ọkụ-ẹ; ori na tụḅụrụapụma ori ini ḅaaḅịa.

Danịẹl 11:22

Ori na tụḅụrụḅọ goyegoye, Gele Tamụnọ Agbamịẹḅọ sọnị, ò nụḅọ ọfịnsinḅịa.

Jerimaya 48:39

Moab mị anị kankọsịsam! Oloku pakụma! Ini Moab mị ḅụgereremasam. Anị sara sọsam, pịkị anị kelema ama mamgba anị se kpọtimẹ. Ị̀rị̀, Nyanaḅọ Ḅe, ḍukosam.”

Jerimaya 46:13

Babilọn Amanyanaḅọ Nebukadneza ḅe Ijipt gbẹịnmachịẹ-ẹ ḅo sịkị, Nyanaḅọ Ḅe ọkwẹịn ị̀ pịrịmẹ. Ori ọkọ ḅẹmẹ,

Aịzaya 59:19

Ịrụapakapaka nyọ ọkịmun ịrụasọsọ nyọ la, tomoniḅọ goyegoye ori na oria kụrọ mị na ḍikiḅalafaḅịa. Owoi ideri mengi na kụrọ fọrụ na ḅo ọkụ ọ̀ nwọse ḅoḅịa.

Aịzaya 28:17

Chukusẹkẹ ḍụparị mị, seni anị tọnḅịaye anị, karakaraye mịẹ mị-ẹ. Anịsịkị seni anịa gbun mị nemiḅịaye anị iruokọnka, tomoni inumaka mị na-ẹ.” Opu ene koro ó kuḅie seni gbana iruoaye mamgba sịkịrịsinḅịa, anịsịkị ọ́mịna kụrọ-a nyọma opu mengi àrị famaḅịa.

Aịzaya 22:1

Mịn mị anị Pẹsịkiri mị ḅe ịkịan gboloma oku-ẹ. Cheye paka-ao? Nde opuama mị ḅie sime apụ mamgba inia warịochuma ọgọnọ sime se ḅieḅẹlẹarịye?

Aịzaya 15:8

Moab eke mamgba ḅụ tomoni owu-atịḅị-ḅie naamẹ. Ẹgleim ama na Biarilim na amama ḅie sọnị ini naamẹ.

Aịzaya 14:31

Ómine oloku-ḅọlọ-owu-kọn, ḅarachụa ọ́ pịrịḅịa ḅọ gose, ómine Filistia opuama mamgba! Ọ́ ḅalafa nyana, ómine mamgba! Fọnfọnfọn soḅuno ọgọnọju ḅoaḅẹ—ḅalafa nyanaḅịa gbọrịḅọ sọ anị owunikpo mị ḅie ofori-ẹ.

Fịafịa Nime 98:7

Ekerea, tọrụ, pịkị ị́ ḅie sime tẹmẹaye mamgba na; nime chu, sẹkiri, ị́ ḅie anga aye mamgba na!

Fịafịa Nime 96:11

Ó ḅieḅẹlẹ, sẹkiri mị na so mị na! Ekerea, tọrụ, ị́ ḅie sime tẹmẹaye mamgba na;

Fịafịa Nime 50:12

“Ḅuru ị̀ tarị ọkụma àrị ọ́mịna ḅara fịye gbela ẹkẹ, anịatịḅị tomonikiri mị na anịa ḅie simeaye mamgba na ị̀yaye-ẹ.

Fịafịa Nime 24:1

Sẹkiri mị na anịa ḅie sime aye mamgba na sime Nyanaḅọ Ḅe pịrịmẹ; tomonikiri mị na anịa ḅie angapụ mamgba na oriaye-ẹ.

Jerimaya 6:22

Nyanaḅọ Ḅe ọkọ ḅẹmẹ, “Ọgọnọju gbọrị amapụ ḅoaḅẹ; ḅọlọju sime gbọrị opu kụrọ ama anịa ḅụ karakarama owu pịrị aḅẹ.

Jerimaya 46:12

Sẹ mamgba ọ́mịna ḅụgerere mị naasam; nwenimgba ọ́mịna owu pụkọ naasam. Gbọrị owuni ḅọ jịn owuni ḅọ ọgọnọ tanjị, se ini mama apụma ḅịkị kirikoromẹ.

Jerimaya 46:24

Ijipt apụma ini ini se ḅụgerere ḅụ chumẹ; ọgọnọju ḅo-a tomonima ini inumamẹ. Ị̀rị̀, Nyanaḅọ Ḅe, ḍukosam.”