Jerimaya 43:3 - Kịrịkẹnị Baịbụl

³ Barọk, Neraya tọkụ ḅe, ị́ chukuruma sịsẹma wa dasam mịẹso sịkị Babilọn apụma kụrọ ẹmbẹ nyana ḅo wa ḅaa anịkanịka wa ọkịso Babilọn munḅịa ọkụ.”

Jerimaya 43:3 Iomraidhean Croise

Fịafịa Nime 109:4

Ini tụḅụrụ ị̀ damẹ, àrị ini ḅẹlẹmamẹ nwọḅẹ sọnị, à pịkị ini gose tẹkẹtẹkẹmẹ nwọḅẹ sọnị.

Jerimaya 32:12

se àrị se Barọk ḅe pịrịmẹ, anị Neraya tọkụ, pịkịna Measaya ḅe yi-ḅọ-ḅe-yi-tọkụ ḅe, à àrị se ọ̀ pịrịmẹ, Hanamẹl ḅe tọrụkuḅu, pịkị onyechịẹ ḅara pụnụ fẹ ayema ḍiri mị pịrị apụma simearịogbo pịkịna ḅẹrẹtọn warị ḅie simeapụma sọ sime sịkị ḅụ.

Jerimaya 36:10

Anị nwenimgba pokiarịogbo, Barọk ḅe à ḍuko ọ̀ pịrịaye mamgba gomẹ fangalama ḍiri mị ḅie. Oputẹkẹwarị mị ḅie anị ọ̀ mị mịẹye-ẹ, Gẹmaraya, Shefan ya ḅẹrẹkọn-warị-ḍiri-gịẹịnḅọ ḅe jukuru ḅie ḅụ. Oria jukuru mị ọgọnọju warị mị ḅie omi-ẹ, anị ḅọrọ Oputẹkẹwarị-mị-ḅe-Ịwọ-Ḅọkọ mị sọ nyọ na kpekima.

Jerimaya 36:26

Anịsịkị mị ọ̀ kụrọ se Amanyanaḅọ Tọkụ Jiramịẹl ḅe na, Azriẹl tọkụ Sẹraịya ḅe na, pịkị Abdil tọkụ Shẹlẹmaya ḅe na, nwọ pịrịye-ẹ na ini ị̀rị̀ na ị̀ya ḍiri gịẹịnḅọ Barọk ḅe na kun. Ọkụma Nyanaḅọ Ḅe ọ̀ wa ḅọịsam.

Jerimaya 36:4

Anịḅụ à Barọk, Neraya tọkụ ḅe, chịnmẹ se Nyanaḅọ Ḅe ị̀ ḅẹye goyegoye nwọ go pakụma ọ̀ pịrịmẹ. Se Barọk ḅe gbọrị fangalama ḍiri ḅie arịmgba gịẹịnmẹ.

Jerimaya 38:4

Anị fịrịnwẹngịapụma amanyanaḅọ ḅe damamun se nwọḅẹye-ẹ, “Ḅeḅọ ḅe ini ọ̀ ḅaaḅịa. Mị ḅara se ọkwẹịn ḅụ, ori opuama mị ḅie sime owunima ḅụlọkọma aḅẹ, se ọ̀ pịkị anị gbọrị ḅara se opuama mị ḅie sime kọn apụma ḅụ gbọrịḅọ gbọrịḅọ mịẹ aḅẹ. Ọ̀ ḅarachụa tomonima pịrịkẹ; ò ḅiaḅẹ ye ini la.”

Jerimaya 43:6

owuapụma na eremeni ma na awọmẹnịma na amanyanaḅọ eremeni awọma na. Nebuzaradan, owunitịḅịnịḅọ ḅe se Gẹdalaya ḅe chuku ḅie koromaso-apụ goyegoye, ị̀rị̀ na Barọk ḅe na, se chụa ini wa ọkị somẹ.

Luk Iḅi Ḅẹrẹ Mị 6:26

“Anị ḅalafamaye sọ ọ́ pịrị ọkụ ḍiki tomoni mamgba ọ́ḅụ iḅiye ḍukoarị sịkị; anịatịḅị inia ḅieju-aḍapụma iruo ịkịankoroapụma ḅụ àrị gbọrị ayema nwọ ḍukomẹ.