Jerimaya 42:4 - Kịrịkẹnị Baịbụl

⁴ À pẹkẹrẹmẹ, “Iḅimẹ, anịọkụma àrị ó ḅi ḅaraḅụ Nyanaḅọ mịna Tamụnọ Ḅe tẹkẹḅịa, se ò ḍukoye goyegoye à ḍuko ọ́ pịrịḅịa. À se ọ́ ḅọịmaḅịa gbọrịye sọ ofori-ẹ.”

Jerimaya 42:4 Iomraidhean Croise

Fịafịa Nime 40:10

Ḍụaḅọrọma iḅi ḅẹrẹ mị ḍuko mị, à se koroma ị̀ ḅụ ngẹrị pịrịkẹ, à sịkịmamgba ị́ya nweni ḅẹlẹma mị na, ị́ya ḅarachụa mị na ḍukopakụmasam. Ị́ya tomonima koḅiria nyọḅụ ma à yawụma simekẹ, anị ị́ya iḅi na ị́ya karakaraye mịẹ mị na pịkị ị́ya kunoka ḅẹlẹma mị na gbakịmaye ḅụ.

Pakaso 8:29

Moziz ḅe nwọse ọ̀ pẹkẹrẹmẹ, “À mịanga so kirikiri, à Nyanaḅọ Ḅe tẹkẹḅịa se ḅa ọmụmụ ma àrị ị́rị́ na, ị́ya fịrịtịḅịdapụ ma na, pịkị ị́ya tomonima na wẹrịsoḅịa. Ọkụma ḅarị epele se wa tima, pịkị tomonima kikima ini somun agbamịẹ Nyanaḅọ Ḅe pịrịḅụ.”

Jerimaya 23:28

Ḍawọ kọn ịkịankoroḅọ ḅe ò ḅereni ọkị na papa ḍawọ mị ọ̀ kọnye-ẹ, ọkụma ị̀ya oku naa ịkịankoroḅọ ḅe, ori ị̀ya oku mị ḍuko wasamaḅịa kuḅie se ḅụgbana ḅaraḅụ. Osirosiroḅa se ịpịamgba mgbọlụma na otoma mị che iḅi mịẹ ḅe?

Jerimaya 23:35

Anịnakaraka, ọrụḅọḅọ nụḅọ ikiapụ na mịnapụ na gbela, ‘Che pẹkẹrẹḅịpị Nyanaḅọ Ḅe ọ̀ nwọ pịrịsa? Cheye, Nyanaḅọ Ḅe ọ̀ nwọ ḅẹsa?’

Jerimaya 26:2

Nyanaḅọ Ḅe, ị̀ ḅẹye-ẹ, “Oputẹkẹwarị mị ḅie kiri mị ḅie chịẹ se, à tọn ị́ pịrị na ḍuko nwọ ḅẹ aye mamgba ḍuko wasama Juda amama ḅie wẹrịḅo tẹkẹḅoapụ mamgba pịrị. Gbọrị ye sọ kọmama.

Izikịẹl 2:7

Àrị ị́ ḅẹ na ḍuko nwọ ḅẹye goyegoye anị ị́ ḍukoḅịaye-ẹ, ini poki-o ini poki ḍụkụka sọ. Se ḅiekoroma na, ini anị ḅịpịpoki-pokika apụ-ẹ.

Okunwẹngịapụ 20:20

Ó nemimẹ na ḅarachụa ọ́ pịrịḅịaye ḅụ à se ọ́ ḅọịma gbọrị kalaye sọnị ofori-ẹ, à nwọ amaogbo na pịkị ọ́mịna warịma ḅie Tamụnọ ḅẹrẹ mị ḍukoarị sịkị ḅụ.

Okunwẹngịapụ 20:27

Anịatịḅị Tamụnọ Ḅe tọn koroma se à ḍuko ọ́ pịrịka se ọlọchịẹmaye ofori-ẹ.

Romapụ 10:1

Ị̀ya mịnapụ, ị̀ kuḅiemgbọlụ ḅụ à ḅiarịye se pịkị Tamụnọ Ḅe tẹkẹ ini pịrịarịye anị ini pa ḍụaḅọrọma nwọ nyana!

1 Samụẹl 12:23

Ị̀rị̀ ọkụma, Nyanaḅọ Ḅe ḍụkụma àrị ọ̀ ḅụ simịẹ anị ḅarị tẹkẹ ọ́ pịrịka ḅụ. Anịnakaraka, ọ́ mịẹ na gbẹịn iḅiye pịkị karakaraye na à nwọse ó ḍieḅịa.