Jerimaya 42:2 - Kịrịkẹnị Baịbụl

² se ị̀ ḅẹmẹ, “Sisi wa ị́ ḅara ḅiye mịẹ! Nyanaḅọ Ḅe tẹkẹ mịna tịḅị gose. Tẹkẹ mine kọn apụ mamgba pịrị. Gbọrị sịkị wa ḅakamẹ, ọkụma mịọkụ, mịnaḅụ kalapụ mị kọnsaye-ẹ, ị́rị́ sọ ineda ọrịḅịa.

Jerimaya 42:2 Iomraidhean Croise

1 Amanyanapụ 13:6

Amanyanaḅọ Jeroboam ḅe nwọse ịkịankoroḅọ ḅe ḅẹmẹ, “Sisi ị́ Nyana Tamụnọ Ḅe tẹkẹ ị̀ pịrị, se ọ̀ ḅẹ ori ị̀ ḅara mị gwọ!” Ịkịankoroḅọ ḅe Nyanaḅọ Ḅe tẹkẹ, se amanyanaḅọ ḅe ḅara mị gwọmẹ.

Fịafịa Nime 119:170

Ị̀ya tẹkẹ mị poki, se ị́ ḅerenisa ḅaraḅụ ị̀ ḍụa.

Pakaso 8:28

Amanyanaḅọ ḅe nwọ ḅẹmẹ, “Àrị ọ́ wẹrịso se ó somun agbamịẹ Nyanaḅọ, ọ́mịna Tamụnọ Ḅe pịrịḅịa onwun ele ḅie ó nemikase opuma ḅọlọ anga mun-ẹkẹ ḅẹḅẹ. Tẹkẹ ị̀ pịrị.”

Pakaso 9:28

Nyanaḅọ Ḅe tẹkẹ! Wa dasa soalagba mị na opu ene mgbọlụma na iḅisam! À yeḅerenimẹ na àrị ọ́ wẹrịso se ó soḅịa; ó gose mịanga simeḅịaye ḅarị ofori-ẹ.”

Aịzaya 1:15

“Tẹkẹḅụ ómine ọ́mịna ḅarama dekichịẹma sịkị, àrị ómine ḍiki ẹkẹ. Ọ́ tẹkẹ laḅara laḅara sọnị àrị ó poki-ẹkẹ, anịatịḅị ọ́ ḅakama ḅẹrẹnemika tomoni ḅaasam.

Aịzaya 1:9

Kụrọmamgba Nyanaḅọ Ḅe, ḅọrọ fị ḅie dapụ sinka ọkụma, mgbọkụ Jerusalẹm mgba gbọtụma kansosam, anị Sọdọm na Gomọra na ḅara mị.

Aịzaya 37:4

Asiria sẹdaḅọ ḅe oria ọmụkụlọdaḅọ ḅe fịrịmaḅo ḍumo Tamụnọ Ḅe wọlọmẹ. Ye Nyanaḅọ Tamụnọ Ḅe ma wọlọ ọkwẹịn ma naa se ḅụfụka se àrị kọn apụma pịrị. Anịẹrẹchị Tamụnọ Ḅe tẹkẹ mịna tomonima ḅie fịkọnmapụ ma pịrị.”

Aịzaya 42:20

Izrẹl ọ́ ḅakama ye ọrịsam, ọkụma anị mị ọ́mịnaḅụ anị che fie? Ó ye naa ḅeri nyanamẹ, ọkụma jokoma ó che naa?”

Jerimaya 15:11

Nyanaḅọ, ye inia woria ḅịpị ma ḅo kọkọmaye sọ, nemikase ma àrị iḅiọkụma fịrịnwẹngị ị́ pịrịkẹ nwọ ḅẹḅẹ, ma à pịkị ị̀rị̀na-tarakapụ ma tịḅị gose, ị́ tẹkẹkẹ nwọ ḅẹḅẹ, ini ḅụfụka ḅie sime, pịkị kuḅiesi nyana sịkị ḅụ.

Jerimaya 2:27

Ómine mgba ini ọ́ ḅụgereremaḅịa, ómine eje mị anị ọ́mịna ḍa-ẹ, anịsịkị ḍụparị mị anị ọ́mịna nyengi-ẹ nwọḅẹ apụma. Mịn mị mịẹḅịa, anịatịḅị ọ́ tọrụ pịkị ị̀ da-na-karaka ómine ọ́ tọrụsinmẹ ị̀ ḅụ. Ọkụma ọ́ ḅụfụka ḅie sọsịkị ómine ị̀ ḅẹḅịa à ḅo ọ́ ḍụa.

Jerimaya 21:2

“Sisi, ọkwẹịn Nyanaḅọ Ḅe pịrị mịna tịḅị gose, anịatịḅị, Nebukadneza, Babilọn Amanyanaḅọ ḅe na oria ọmụ ogbo mị na, ini opuama mị gbẹịnmachịẹ aḅẹ. Ọbịasi Nyanaḅọ Ḅe ḅo oria gbọrị ḅụbuamaye mịẹ wa pịrịḅịa se Nebukadneza ḅe mịẹse ori ọḅụdaḅịa.”

Jerimaya 36:7

Sosi ini Nyanaḅọ Ḅe tẹkẹḅịa se inia si-a nwẹngị ma ḅie vinpịkịḅịa, anịatịḅị Nyanaḅọ Ḅe, ọ̀ mịna tomonima ẹrẹmasam oria ḅalafama ịganị na owoi-kuḅie na ḅụ.”

Jerimaya 37:20

Mịọkụ, ị́ya amanyanakiri ḅụ, àrị ị́ tẹkẹmẹ, ị̀ poki, se àrị ị́ ḅara ḅiḅịaye mịẹ. Sisi, ḅarị ị̀ se Jonatan ikoliwarị ḅie sẹịnma. Ị́ nemikase ị̀ se sẹịn, pikipikiye ofori-ẹ, à fịḅịa anịnyọ.”

Jerimaya 37:3

Amanyanaḅọ Zẹdẹkaya ḅe, Jẹhukal Shẹlẹmaya owutọkụ ḅe na agbamịẹḅọ, Zẹfanaya, Measaya owutọkụ ḅe na, fịrịma ị̀ sẹịnmamẹ na iniḅo ị̀ ḅe à Nyanaḅọ mịna Tamụnọ Ḅe tẹkẹ mịna sẹ mị tịḅịgose.

Jerimaya 38:14

Jịn sịkị ḅụ, ini ị̀ ọkịḅo Amanyanaḅọ Zẹdẹkaya ḅe pịrịmẹ, tẹrẹ karama ḅọkọ ḅụ, ḅọrọ Oputẹkẹwarị sọḅịa nyọ ḅụ, se ọ̀ nwọ ḅẹmẹ, “À gbọrị ḅẹrẹ se ị́ gbelaḅịa, se à pịkị ḅiḅịa anịa karakaramgba ị́ nwọ ḍuko ị̀ pịrị.”

Jerimaya 40:15

Johanan ḅe ḅọịma ọ̀ ḅẹye-ẹ, “Ye à mun Ishmẹl ḅe ḅaa, se gbọrịḅọ sọ nemi ẹkẹ anị mịẹḅọ. Cheye gose ini ḅereni ọ̀ pịrị se ò ḅo ị́ ḅaaḅe? Anị ineda mịẹse iniḅo ị́ gbori Juapụ mamgba galagalamaḅịa, se anị ḅụfụka ọkịḅo Juda ḅie simekọn-a tomoni mamgba pịrịḅịa.”

Jerimaya 42:20

na fịdekiḅoḅịa mịẹmịẹaye ọ́ nwọ mịẹ-aḅẹ. Ómine ị̀ ḅẹmẹ à tẹkẹ Nyanaḅọ mịna Tamụnọ Ḅe pịrị ọ́ tịḅị gose, se ó ḅerenimẹ, na ọ̀ tọn ọ́ pịrịye goyegoye ọ́ mịẹḅịa.

Kururu Ma 1:1

Yei pakaye mị ḍiki! Jerusalẹm mị kpọngọlọma sime ọkụ ḍiki, anị tomoni gbọrị sịkị ḅein nyọ mị! Gbọrị sịkị sẹkiri mị mgba kụn se pịrị nyọ mị, mịọkụ anị ḅo deḅọ fịsa eremeniḅọ kpọngọlọma sime ọkụ simesam; Ḅọrọsa sịkị ḅụ sẹma ḅie mgba ẹrẹ pakatẹịn sẹ mị anị ḅịkị ḅo omoni ḅara ḅie sọsam.

Izikịẹl 12:16

À mịẹḅịa ọmụ ḅie kala apụ ḍumoḅụ pakaḅoḅịa, pịkị ḅuruḅaa na obi na ḅie, mịẹso sịkị ini sime sẹma ḅie inia ḅụgbẹịnka mịẹmịẹaye ma ini nwọ ḍukopakụma se kaịnḅo nyana, na Ị̀rị̀ anị Nyanaḅọ Ḅe-ẹ.”

Hosia 8:10

Ọkụma mịọkụ àrị ini koḅiri gboloma se fomuḅara se ini pịrịḅịa. Ḅọlọ ẹkẹ ini oju akụ nyanaḅịa Asiria sẹdaḅọ ḅe ori ini pụndaḅịa sịkị.

Agbamịẹ Apụ 26:22

À si namama se ọ́ fịrịmaḅịa se ọ́mịna awọma ḅaaḅịa, ómine na anga nama mamgba à àrị ḅaaḅịa, ọ́mịna ḅụ bokapụ kẹngẹ anị kọnḅịaye-ẹ, anịsịkị ọ́mịna ateli ma ḅo gbọịnma simeḅịa.

Emọs 7:2

Tẹmẹḅụ àrị ọrịye àrị igurube ma ọrịmẹ àrị bebe ama ḅie kiri ḅie sopakaye goyegoye fịfamamẹ, anị à ḅẹye-ẹ, “Kụrọmamgba Nyanaḅọ, ḅarasin ị́ya tomoni, Izrẹlapụma pịrị! Nde ini ineda ḍumoḅịa ọkụ? Ini ngịsị ḅakakẹ, ini pịkị ịnyọ nyanakẹ!”

Matio 24:22

Ọkụma Tamụnọ Ḅe enema ḅụ yesinsam, ò nemikase ọkọ mịẹka ọkụma, gbọrịḅọ sọnị ḍụaḅọrọma nyana-ẹkẹ, ọkụma ọ̀ sẹlẹsapụma gose, ori enema ḅụ yesinḅịa.

Okunwẹngịapụ 8:24

Saịmọn ḅe nwọse Pita ḅe na Jọn ḅe na ḅẹmẹ, “Pasisi ọ́ Nyanaḅọ Ḅe tẹkẹ ị̀ pịrị, mịẹse ó ḍukoarịye ma ḅụ gbọrịye sọnị paka ị̀ pịrị ẹka ḅara.”

Maịnkarama Oloko 28:62

Sotọrụ ḅụ lolia ma ḅaka ọkụ ó ḅo ọkọ ḅakasam nwọḅẹ sọnị, ọ́mịna ḅie boka apụ kẹngẹ anị kọnḅịaye-ẹ, anịatịḅị Nyanaḅọ ọ́mịna Tamụnọ Ḅe ḅịpị ó pokikẹ.

Maịnkarama Oloko 28:63

Anị nwọ Nyanaḅọ Ḅe ḅụḅẹlẹ se ori ọ́ mịẹse ọ́ lọkọlọkọ pịkị su ọkụ mị anị anị pịkị ọ̀ ḅụḅẹlẹ se ori ọ́ ḅaafama pịkị ọ́mịna aye mamgba simafamaḅịa ọkụ mị-ẹ. Ómine ọkị anga-ẹmun-arị ama mị ḅie ḅụ, ori okorona okorona ó bura pakụmaḅịa.

Maịnkarama Oloko 4:27

Nyanaḅọ Ḅe ori ọ́ galagalama jịn-a sẹma ḅie chuḅịa, ọ́mịna ḅụ kalapụ kẹngẹ anị ọ̀ kọmaḅịaye-ẹ anịa ḅie.

Jems 5:16

Anịẹrẹchị, ómine ọ́mịna sima ḍukopakụma jịnḅọ jịnḅọ pịrị, pịkị tẹkẹ jịnḅọ jịnḅọ pịrị mịẹse ọ́mịna ḅụ deinḅịa ḅara, karakaraḅọ ḅe tẹkẹ mị anị kụrọ fịrịnwẹngị nwẹngịmẹ.

1 Samụẹl 12:19

se ini nwọse Samụẹl ḅe ḅẹmẹ, “Sisi, wa nyanaḅọ, ị́ nyana Tamụnọ Ḅe tẹkẹ wa pịrị, mịẹse wa fị ẹka ḅara. Mịọkụ anị mịna ḅụokorosam na mịna sima sikima ọkụma, wa simịẹmẹ wa amanyanaḅọ ḅiye gose.”

1 Samụẹl 12:23

Ị̀rị̀ ọkụma, Nyanaḅọ Ḅe ḍụkụma àrị ọ̀ ḅụ simịẹ anị ḅarị tẹkẹ ọ́ pịrịka ḅụ. Anịnakaraka, ọ́ mịẹ na gbẹịn iḅiye pịkị karakaraye na à nwọse ó ḍieḅịa.

1 Samụẹl 7:8

ini nwọse Samụẹl ḅe ḅẹmẹ, “Nyanaḅọ mịna Tamụnọ Ḅe tẹkẹ ḅụ sime se ò Filistia apụma ḅara ḅie wa ḍụaḅọrọma.”