Jerimaya 42:1 - Kịrịkẹnị Baịbụl

¹ Anịeso, owuni tịḅịnị mamgba, Johanan, Karea tọkụ ḅe na Hoshaya tọkụ Azaraịya ḅe na iniaḅụ sọ se ogbogboḅụ tomonima na ị̀ damaḅo

Jerimaya 42:1 Iomraidhean Croise

2 Amanyanapụ 25:23

Ma ḅara dekichịẹma Nebuzaradan ḅe pịrịka Juda ọmụtịḅịnị ma na owunima na mịn mị naa sịkị, ini mun Gẹdalaya ḅe ḅụ sọmẹ Mizpa mị ḅieḅụ. Mịna tịḅịnịma anị: Ishmẹl, Netanaya yaḅe na, Johanan, Karea yaḅe na, Sẹraịya, Tanhumẹt ya Nẹtofa amaḅọ ḅe na, pịkị Jezanaịya, Meaka amaḅọ ḅe na.

Aịzaya 29:13

Nyanaḅọ Ḅe nwọ ḅẹmẹ, “Mịnapụ ma ini ḅereni ọkịmẹ na ini ị̀ tẹkẹḅịa, ọkụma inia ọkwẹịn ma yeḅụsọkẹ, inia kuḅiemgbọlụma pịkị jịn anga ḅụ omi-ẹ. Inia ḅereni mị jịnyekẹ, tomoni chụa olokoma na, ama mịẹmịẹaye ma na sakị sikima, ma anị ini se inia kuḅie chụa se ḅịpị ḅụ gopakụmarịye ma-ẹ.

Aịzaya 48:1

Ọ́ mịn mị poki Izrẹlapụ, ómine Juda furoḅie apụ; Ọ́ Nyanaḅọ Ḅe ẹrẹ ḅụ yekarịfị se ḅereni ọkịmẹ na ómine Izrẹl Tamụnọ Ḅe tẹkẹtẹkẹ ḅịa— ọkụma ó ḍukoaye ma ḅụ gbọrịye sọ ọ́ mịẹkẹ.

Jerimaya 37:3

Amanyanaḅọ Zẹdẹkaya ḅe, Jẹhukal Shẹlẹmaya owutọkụ ḅe na agbamịẹḅọ, Zẹfanaya, Measaya owutọkụ ḅe na, fịrịma ị̀ sẹịnmamẹ na iniḅo ị̀ ḅe à Nyanaḅọ mịna Tamụnọ Ḅe tẹkẹ mịna sẹ mị tịḅịgose.

Jerimaya 40:13

Mị ḅọrọso, Johanan ḅe na ma ḅịkịka owuni tịḅịnịma na Gẹdalaya ḅe, damamunmẹ Mizpa ḅie

Jerimaya 40:8

Anị, Netanaya tọkụ Ishmẹl ḅe na Karea tọkụ Johanan ḅe na, Tanhumẹt tọkụ, Sẹraịya ḅe na, Nẹtofaḅọ Efaị awọma na, Meaka ḅo Jezanaya ḅe na, inia tomonima na, Mizpa ḅie Gẹdalaya ḅe damamunmẹ.

Jerimaya 41:11

Johanan ḅe na owuni tịḅịnị mamgba na, Ishmẹl ḅe mịẹ siye mị naamẹ.

Jerimaya 41:16

Anị Johanan ḅe na ọmụ ogbo mị ḅe tịḅịnịma na Ishmẹl ḅe Mizpa ḅie ikoliapụ ḅara ọkịsoarịapụ ma, ò Gẹdalaya ḅe niniso sịkị, nwọ ọkị ḍikiḍikiye-ẹ—owuni na, eremeni na, awọ na, ini posapụ na.

Jerimaya 42:20

na fịdekiḅoḅịa mịẹmịẹaye ọ́ nwọ mịẹ-aḅẹ. Ómine ị̀ ḅẹmẹ à tẹkẹ Nyanaḅọ mịna Tamụnọ Ḅe pịrị ọ́ tịḅị gose, se ó ḅerenimẹ, na ọ̀ tọn ọ́ pịrịye goyegoye ọ́ mịẹḅịa.

Jerimaya 42:8

anị à Johanan ḅe na ori na sime ọmụ tịḅịnịma na ísíapụ mamgba na chịn gbolomaye-ẹ.

Jerimaya 43:2

Anịeso, anị Hoshaya tọkụ Azaraịya ḅe na Karea tọkụ Johanan ḅe na ísí opuayemịẹ owuapụma na ị̀ ḅẹye-ẹ, “Ị́ iruokọn-aḅẹ. Nyanaḅọ, mịna Tamụnọ Ḅe, ị́ fịrịmakẹ ḅo ḍuko wa pịrị na wa Ijipt mun angama-ẹ.

Jerimaya 44:12

Juda-a tomonima ọkụma, anị ama ḅie kọn se so Ijipt ḅie mun anga ḍọkịarịapụ ma à ḍọkịḅo ọrịḅịa na ini inimgba ḅaamẹ. Inimgba, kalaḅọ-o, sẹnịḅọ-o, Ijipt ḅie ini fịḅịa, owu ḅie anịkanịka ḅuruḅaa ḅie. Ini ḅalafama sisaye-sọḅịa tomoni-a tọrụ ḅie, tomoni ini se kpọtiḅịa, se worinime se inia ẹrẹ pịrịḅịa.

Jerimaya 6:13

Nwenimgba, opu na kala na, furuḅaraḅụ igbiki mịẹ-aḅẹ; ịkịankoroapụma na agbamịẹapụma na sọnị nweni inumaḅẹ.

Jerimaya 8:10

Anịgose àrị inia ozuma se ịwọ apụ pịrị se ini àrị nyanaḅịa se inia erema se jịn owuapụ pịrịḅịa. Ḅẹḅọ ḅẹḅọ, opu na kala na, furuḅọkọ ḅụ igbiki mịẹ-aḅẹ. Ịkịankoroapụ na agbamịẹ apụ na sọ tomonima inuma mẹ.

Izikịẹl 11:1

Tamụnọ Ḅe kụrọ ị̀ deki iwo mun Oputẹkẹwarị mị ḅụ ịrụapakapaka nyọ daọrụ mị ḅụ si me onu mị ḅọkọ lamẹ. Anịa anga ḅọkọ mị angasịkị sisọnọ-a owuapụ fịnjị à nwọ ọrịmẹ, inia ḅie dapụ anị Jeazanaịya, Azọ yaḅe, pịkị Pẹlataya, Bẹnaya yaḅe na, mịna apụma anị sẹ mị ḅie tịḅịdaye-ẹ.

Izikịẹl 33:31

Anịẹrẹchị ị̀ya tomonima iniḅo kpokponimamẹ ị́ ḍukoḅịaye nwọ naaḅịa ẹrẹchị, ọkụma ị́ ḍuko ini mịẹ nwọḅẹye mị ini mịẹkẹ. Inia ḅịpịḅọkọ ma ḅụ ḅịpịḅẹlẹ omi-ẹ, ọkụma inia ịmụkụ-a mịẹmịẹaye ma ini pa nwọ mịẹ-aḅẹ.

Izikịẹl 8:11

Izrẹlapụma ḅie tịḅịdapụ ḅụ kịnị-a tesi oyifịnjị anịnyọ omi-ẹ, inia ḅie gbọrịḅọ anị Jeazanaịya, Shefan yaḅe-ẹ. Inia ḅie gbọrịḅọ gbọrịḅọ insẹnsị dọkịmaye nwọ ọlọ waraḅẹ, kụnụ onwoin pịkị arịa ḅie soaḅẹ.

Matio 15:8

‘Mịnapụma inia ḅịpịḅọkọ ḅụ mị ini ị̀ osi ye-ẹ, ọkụma inia kuḅiemgbọlụma iḅi ḅara se ị̀ ḅụ wẹrị sasamẹ.

Okunwẹngịapụ 8:10

se ama mị ḅie sime kala na opu na tọrụ se ò ḍikimẹ. Ini nwọ ḅẹmẹ, “Ori anị Tamụnọ kụrọ mị-ẹ, ‘Opu kụrọ ini nwọse chịnye mị.’”