Jerimaya 4:4 - Kịrịkẹnị Baịbụl

⁴ Ómine ị̀rị̀ na fị ọḅọkụ mị mịẹ anị chịẹ, ọ́ Nyanaḅọ Ḅe, se ọ́mịna ojuma mịẹfịafịama ị̀ pịrị, ómine Juda na Jerusalẹm-a tomonima. Ó nemikase ọkọ mịẹkẹ ḅẹḅẹ, ị̀ya ịganị fịnị kọrị ọkụ kọrịḅịa ọ́ mịẹsa siaye ma gose. Anị kọrịḅịa se gbọrịḅọ sọ ofori-ẹ anị binmaḅịaḅọ.”

Jerimaya 4:4 Iomraidhean Croise

2 Amanyanapụ Sịkị Mịẹaye Ma 34:25

Ini ị̀ sịkịsam, se agbamịẹ jịn-a oru ma pịrịsam. Ị̀ya ịganị Jerusalẹm ḅụ owoitẹịnsam, anị pịkịna fịkoro ẹkẹ.

Aịzaya 10:17

Tamụnọ, Izrẹl enekuḅu Ḅe, fịnị sọḅịa, Izrẹl fịafịa Tamụnọ Ḅe, ọ̀ kọrịarị fịnị ḅẹlẹ sọḅịa, anị kpọkpọ gbọrị ene ḅụ, ịga na nangị na dọkịmasinḅịa fịnị.

Aịzaya 30:33

Ḅọlọsịkị ngịsị Asiria sẹdaḅọ ḅe dọkịmaḅịa opu fịnị ini nwọ karakarama koromamẹ. Anị gbunmẹ, anị pịkị dabaramẹ, fịnị-a pẹkẹrẹ pịkị anịa ḅie kpelu waraḅẹ. Nyanaḅọ Ḅe fịnị pakụmaḅịa ọwụ nwọse anịaḅụ saraḅịa se fịnị pakaḅịa.

Aịzaya 51:17

Jerusalẹm, sịsẹ! Ị́ ḅụ gunugunu se sịsẹ chịẹ! Ọmọngọ mị ḅie fomuḅara mị ị́ ḅusam anị Nyanaḅọ Ḅe oria ịganị ḅụ se ị́ pịrị ḅu nwọḅẹye mị; ị́ anị ḅu iderimamẹ, se anị pịkị ị́ mịẹse ị́ jiajiamẹ.

Jerimaya 15:14

Àrị ini mịẹḅịa ini fịrịnwẹngị inina-tarakapụma pịrị, ini gbọrịye sọ nemika ama ḅie, anịatịḅị ị̀ya ịganị mị anị fịnị kịkẹmẹ, anị pịkị kọrị gbasoḅịa.”

Jerimaya 21:5

Àrị ị̀ya ịnyọ, ị̀ya ịganị, ị̀ya ḅụosọ, pịkị yesima ịganị mamgba se ị́rị́ na sọḅịa.

Jerimaya 23:19

Oria ịganị mị anị irisi-ẹ, sitịḅịnyanapụma tịḅị ọgọnọ fieḅọrọḅịa kụrọ fọrụ-ẹ,

Jerimaya 36:7

Sosi ini Nyanaḅọ Ḅe tẹkẹḅịa se inia si-a nwẹngị ma ḅie vinpịkịḅịa, anịatịḅị Nyanaḅọ Ḅe, ọ̀ mịna tomonima ẹrẹmasam oria ḅalafama ịganị na owoi-kuḅie na ḅụ.”

Jerimaya 44:22

Mịmgba ọ́mịna ama mị anị sara sọsam, gbọrịḅọ sọnị pịkị anịa ḅie angakẹ. Anị si ḅụ ḅalafamaye sọsam, tomoni-a tọrụ ḅie, tomoni pịkị worinime se anị pịrịaḅẹ, anịatịḅị Nyanaḅọ Ḅe ọ̀ ḅarị ineda ọ́mịna sitịḅị ma na simịẹmịẹaye ma na inemakẹ.

Jerimaya 9:25

Nyanaḅọ Ḅe ọkọ ḅẹmẹ, “Sịkị mị ḅoaḅẹ à fomuḅara se Ijipt na Juda na Idọm na Amọn na Moab na, pịkị onwun ele ḅie-a tomonima pịrịḅịa, anị inia tịḅị inime ma kịrị iderima apụma. Mịna tomoni mamgba inia ḅụ ma pẹlẹmẹ, ọkụma oloko mị fieye ma ini kokokẹ. Mịna tomonima ḅụ gbọrịapụ sọ pịkị Izrẹl-a tomonima na ị̀ya ọḅọkụ mị kokokẹ.”

Kururu Ma 4:11

Nyanaḅọ Ḅe oria opu ịganị mị ọsụn pakụmamẹ; ọ̀ tọnjị Zaịyọn ḅụ chụa fịnị, anị ḍọkịmaḅo kiri saramẹ.

Izikịẹl 16:38

À ḅẹrẹkọn ị́ ḅara simaḅịa sẹfị na nweniḅaa na gose, ị̀ya ịganị na yeḅụosọ na ḅụ àrị ị́ ḅaaḅịa.

Izikịẹl 18:31

Ọ́ mịẹ àrị siye mamgba ḅụ ọ́ ḅarasin, ómine ịwọ koroma na kuḅie na nwọ nyana. Cheye gose ị́ fị ḍọkị-ao?

Izikịẹl 20:33

“Ị̀rị̀ anị Kụrọmamgba Nyana pịkịna ḍumogbaso Tamụnọ Ḅe-ẹ, àrị ó ḅeri jineaḅẹ na ị̀ya ịganị ḅụ à kụrọḅara se ómine ḍikiḍikiḅịa ị̀ya kụrọ ḅụ.

Izikịẹl 21:17

Ị̀rị̀ sọ ị̀ ḅarama farị ḅịa se ị̀ya ịganị mị ḅo ḅọrọḅịa. Ị̀rị̀, Nyanaḅọ Ḅe, à ḍukosam.”

Izikịẹl 24:13

Jerusalẹm, ị́ya sẹfị-a mịẹmịẹyema àrị ị́ pụlamasam. Ị́ fịafịaḅịa ọkụ à ḅụkụrọma nwọ mịẹmẹ nwọḅẹ sọnị, ọkụma ị́ pa pụla ḅụ taḅo sime waraḅẹ. Ị́ ḅarị pịkị fịafịa ẹkẹ ọkịmun, ị̀ya owoi ịganị mị ḅo ị́ laka simeogbo.

Izikịẹl 24:8

Àrị anịnyọ ḅụ pulo mị wẹrịsomẹ, anị ine ḅọị ẹka nyọ ḅụ anị anị ịganị ḅụ so owu ḅiḅịa nyọ mị ḅụ.”

Izikịẹl 44:7

Ini Ị̀ya Oputẹkẹwarị mị pụlamasam anị ini nwọ ḅereni ḅụpẹlẹka jịn sẹ apụma, ị̀ ḅịpị pokipokikapụ ma pịrị se ini Oputẹkẹwarị mị ḅie sọmẹ, ini ḅẹlẹkị na pulo na nwọse Oputẹkẹwarị ḅie agbamịẹ ị̀ pịrịarị sịkị ḅụ. Anị ḅụ ị̀ya tomonima ini ị̀ya ọḅọkụ mị kansam, ini ma ḅụnjịnjịmaye mamgba mịẹsaye gose.

Izikịẹl 6:12

Ḅọlọju ḅụ simeapụma obi ini la se ini fịḅịa; kpekima simeapụma ọmụ ḅie ini fịḅịa, ḍumo apụma ḅuruḅaa ḅie ḅọrọ fịḅịa, anị ị̀ya ịganị mị ḅe kụrọ inia oju ọyịmaḅịa ọkụ-ẹ.

Izikịẹl 8:18

Anịẹrẹchị ị̀ya ịganị mị anịa iku la-ọkụ ini nwọ nemiḅịa, à ḅarasin ini pịrị ẹkẹ, à pịkị ini ḍikiḅụgerere ẹkẹ; ini oloku se owu ị̀ tẹkẹ ọkụ tẹkẹ ọkụ, à ḅifie ini pịrị ẹkẹ.”

Agbamịẹ Apụ 26:28

ị̀rị̀ sọ àrị ị̀ya ịganị ḅụ ọ́ dapaka se jịn sitẹịn tatarị-a ḅụfụka ma nẹngị sọnọma sịkị se fomuḅara seni ọ́ pịrịḅịa.

Agbamịẹ Apụ 26:41

ị̀ mịẹse àrị ini dapaka se ini se ini na tarakapụma ama ḅie kun ḅara ḅie chu apụma. Anịḅe kuluma, ọ́mịna furo pakaḅoḅịa apụma inia ḅụiderima pịkị inia si mị na nyana ḅerenika mị na ḅe fomuḅara mị dasosa ḅẹḅẹ,

Emọs 5:6

Ọ́ Nyanaḅọ Ḅe damamun, ọ́ pịkịna ḍumoḅịa. Ó nemikase munkẹ nwọ ḅẹḅẹ, ọ̀ fịnị kịkẹ ḅarase koroḅo Izrẹlapụma ọfịn sinḅịa. Fịnị mị anị Bẹtẹlapụ ma dọkịma famaḅịa, pịkị ineda anị binmaḅịa gbọrịḅọ sọ ofori-ẹ.

Zẹfanaịa 2:2

fọrụ samịnasa ịnyanya ọfịn sin ọkụ ma ini nwọse ómine ọfịn sinka simeogbo, Nyanaḅọ Ḅe oria ḅalafama ịganị ma ḅo ó laka simeogbo, oria kụrọ ịganị ma ọ̀ nwọse ó ḍieka simeogbo.

Romapụ 2:25

Ị́ nemikase Oloko mị ḍukoye mịẹmẹ ḅẹḅẹ, ị́ya ḅụpẹlẹ mị yelaye-ẹ, ọkụma ị́ nemikase Oloko mị ḍukoye mịẹkẹ ḅẹḅẹ, mgbọkụ ị́ ḅụ sọnị ị́ pẹlẹka iḅitẹịnmẹ.

Maịnkarama Oloko 10:16

Anịẹrẹchị, mịọkụ ọkị tọrọkọ mun ọ̀ Nyanaḅọ Ḅe ḅịpịpoki se ọ́ ḅarị ininachịnma.

Maịnkarama Oloko 30:6

Nyanaḅọ ọ́mịna Tamụnọ Ḅe ḅịpịpoki kuḅiemgbọlụ ọ́ nwọse ómine na ọ́mịna awọma na pịrịḅịa, mịẹse ọ́mịna kuḅie mgba na ọ́ tẹmẹ mgba na se ọ̀ ḅẹlẹmaḅịa ọkụ, mịẹsosịkị ama mị ḅie ómine anga mamunḅịa ọkụ.

Maịnkarama Oloko 32:22

Ị̀ya ịganị mị anị fịnị ḅẹlẹ kọrị ọkụ kọrịḅịa se sẹkiri ḅie simeye goyegoye dọkịmaḅịa. Sẹkiri chuku ḅie sime sẹ mị sọnị anị mun laḅịa se tụndụma chuku mamgba ḍọkịḅịa.

Kolosi 2:11

Kraịst Ḅe na gbọrịye mịẹ ḅụ ọ́ ḅụpẹlẹapụ sọsam, tomoniḅọ ḅụpẹlẹḅụkẹ, ọkụma Kraịst Ḅe ḅụpẹlẹ mị-ẹ, anị mị si ḅụ sime oju mị ḅarị iniḅọ ḅụ kụrọ nyanakẹ nwọ ḅẹye ḅụ simeye mị-ẹ.