Jerimaya 4:2 - Kịrịkẹnị Baịbụl

² anị ómine na iḅiḅịa, ómine ị̀ya ẹrẹ ḅụ ye karịfịḅịa ọkụma. Anịsịkị sẹ mamgba ị̀ ḅẹḅịa à ḅẹlẹma se ini pịrị, se ini ị̀ tokoniḅịa.”

Jerimaya 4:2 Iomraidhean Croise

Chukusakị 22:18

Sẹ mamgba ḅẹḅịa àrị ị́ furo ḅie pakaḅo apụma ḅẹlẹma ọkụ nwọse ini ḅẹlẹma—arịmgba anịatịḅị à tọn ị́ pịrịye ị́ nwọ mịẹmẹ.”

1 Amanyanapụ 3:6

Sọlọmọn ḅe nwọ pẹkẹrẹmẹ, “Sịkịmamgba ị́ opu ḅẹlẹma ḍiepakụma ị̀ ḍa Devid ḅe pịrịpịrịmẹ, anị ị́ya fịrịnwẹngịḅọ ḅe, ọ̀ pịkị iḅiḅọ sọmẹ, nyanaḅereni, pịkị kuḅie se ḅụgbana gbẹịnḅọ sọmẹ, ori na ị́rị́ na sime ḅara ḅụ. Ị́ pịkị pa ị́ nyana ọ̀ pịrị kụrọ ḅẹlẹma mị ḍiepakụma ọ̀ pịrị ḅụ; gbọrị owutọkụ seni ọ̀ pịrịmẹ, anị mịmgba oria kiriḍinma amanyanakiri mị ḅụ simemẹ.

Fịafịa Nime 72:17

Ye ini ngịsị amanyanaḅọ ḅe ẹrẹ mị se ḅieḅaramama; ye oria opu mị ịrụa mị ḅọlọ la-ọkụ la. Ye sẹ sẹ mamgba Tamụnọ Ḅe na ori ini ḅẹlẹma, ori amanyanaḅọ ḅe ḅẹlẹma ḅara.

Fịafịa Nime 99:4

Opu amanyanaḅọ, ị́ karakaraye ḅẹlẹmamẹ; ị́ mịẹmẹ Izrẹl ḅie karakaraye mị ḅụọnyana chịẹsam; karakaramịẹmịẹaye na iḅiyemịẹḅara na ị́ nwọse ḅosam.

Aịzaya 45:23

Ị̀ya ẹrẹ ḅụ à ḅereni ye mị karakaraye, anị pịkị ḍinma ẹkẹ. Àrị osi ḅaraḅụ sime ḅara mgba nwọse yeḅerenimẹ: Tomoniḅọ goyegoye ḅo ị̀ tọrọkọ kpẹrẹkịḅịa pịkị yeḅereniḅịa na nụḅọ karakaraye ḅụ ị̀ ḅereniḅịa.

Aịzaya 45:25

Ị̀rị̀, Nyanaḅọ Ḅe, à Jekọb furoḅie awọ mamgba ḍụaḅịa, se ini pịkị ị̀ bomaḅịa.

Aịzaya 65:16

Ama mị ḅie ḅẹlẹma ḅiḅọ goyegoye nụḅọ kuḅie-se-ḅụgbana gbẹịn Tamụnọ Ḅe ḅara ḅẹlẹma mị ḅi, na ori ị̀ ḅẹlẹma-ẹ. Kuḅie-se-ḅụgbana gbẹịn Tamụnọ Ḅe ẹrẹ ḅụ yekarịfịḅọ goyegoye nyana ḅọrọsa ḅụfụkama, ini pịkị àrị se ḅieḅaramasam.”

Jerimaya 10:10

Ọkụma ị́rị́, Nyanaḅọ Ḅe, anị karakara Tamụnọ Ḅe-ẹ, ị́rị́ anị ḍumo àrị Tamụnọ Ḅe-ẹ pịkị simegbaso amanyanaḅọ ḅe-ẹ. Ị́ ịganịsa ḅẹḅẹ, sẹkiri jikemẹ; sẹma ineda ị́ya ịganị mị inema ẹkẹ.

Jerimaya 12:15

Ọkụma àrị ini ọkịso sa ḅẹḅẹ à ḍikiḅụgerere nyana ini pịrịḅịa; à gbọrị-sẹ-gbọrị-sẹ ọkịḅo nụḅọ ḅo kiri koromaḅịa nụḅọ opu sẹ ḅie.

Jerimaya 12:16

Nemikase ini inia kuḅie mgba se ị̀ya tomonima tẹkẹḅara nwọ ọkị se yekarịfịḅịa ḅẹḅẹ, Nyanaḅọ Ḅe ḍumo wara sịkị, ini gbọrị sịkị ḅụ Beal karịfị ḅara se ị̀ya tomonima ḍie ọkụ mị—anịsịkị ini ị̀ya tomonima ḅụapụ sọḅịa, se lọkọlọkọ nyanaḅịa.

Jerimaya 16:19

Nyanaḅọ, ị́rị́ anị ị̀ ḍikiḍiki se ịnyọ se ị̀ pịrịḅọ ḅe-ẹ; tọrụsiọrị sịkị ị́ ḅarachụa ị̀ pịrịmẹ. Sẹ sẹ tomonikiri mị ḅe-ịkọlị-ịkọlị ḅụ ị́ damaḅoḅịa se nwọ ḅẹḅịa, “Mịna ḅieju-aḍapụma nyanaye ofori-ẹ. Iruo-a oru ma sikima, ini nyanaye ofori-ẹ, sọye ḅụ oforika oru ma sikima.

Jerimaya 3:17

Anị ḅo anị sịkị lasịkị, ini nwọse Jerusalẹm mị chịnḅịa, ‘Nyanaḅọ Ḅe Emine,’ se sẹ mamgba anị nyọ ḅụ ḅo koḅiria se tịḅịtu ị̀ tẹkẹḅịa. Ini ḅarị inia ininachịn si-a kuḅie ma tọn ini pịrị ayema mịẹ ẹkẹ.

Jerimaya 33:9

Jerusalẹm mị anịḅo ḅieḅẹlẹ na kụn na opuayemịẹ na nwọ sọ ị̀ pịrịḅịa, se sẹkiri ḅie sẹ goyegoye ḅalafaḅịa pịkị ḅụgeregereḅịa, à mịẹ Jerusalẹm-a tomonima pịrị iḅiaye ma na mịẹye ḅarasọ ma na ini nwọ naaḅịa sịkị.”

Jerimaya 5:2

Ị́ ḅereni ọkịmẹ na ị́ Nyanaḅọ Ḅe tẹkẹmẹ nwọḅẹ sọ, ị́ ḅẹye ị́ nwọ mịẹkẹ.

Jerimaya 7:5

“Ómine anga àrị ḅara ọ́ nwọ ḍinma se ọ́ mịẹarịye ma ḅụ ọ́ dachịẹ nyana. Ọ́ jụmḅọ jụmḅọ na mịẹarịye ma ḅụ ọ́ karakara nyana.

Jerimaya 9:24

Nemikase ḅụboma ḍọkịḅọ omi-ẹ nwọ ḅẹḅẹ, ọ̀ ḅụboma na ori ị̀ nemi pịkị ị̀ kaịnḅomẹ, anịatịḅị ị̀ya ḅẹlẹma mị sịkịmamgba omi-ẹ, à pịkị karakaraye na mịẹgbẹịnye na mịẹmịẹmẹ. Ma ayema anị ị̀ ḅieḅẹlẹmarịye-ẹ. Ị̀rị̀, Nyanaḅọ Ḅe, ọkwẹịnsam.”

Hosia 2:19

Izrẹl, àrị ị́ se ị̀ ta mịẹḅịa; À karakaraye mịẹḅịa pịkị kuḅie-se-ḅụgbanaḅọ-nwọ sọḅịa; À binka-ḅẹlẹma na ḍikiḅụgerere na nwọse ị́ ḍieḅịa pịkị ị́ se ị̀yaye mịẹgbasoḅịa.

Joẹl 2:12

“Ọkụma mịọkụ sọnị,” Nyanaḅọ Ḅe nwọ ḅẹmẹ, “ọ́ karakara ḅara se si ḅụ vinpịkị se ị̀ damaḅo, ḅurukụnma ḅụ na owu ḅụ na pịkị ngịrị ḅụ na.

Zẹkaraịa 8:8

se ịrụapakapaka nyọ na, ịrụasọsọ nyọ na àrị ini ọkị pakụma ini ḅo Jerusalẹm ḅie angaḅịa. Ini ị̀ya tomoni sọḅịa, ị̀rị̀ pịkị inia Tamụnọ sọḅịa, kuḅie se ḅụgbana gbẹịn ḅaraḅụ na karakara ḅaraḅụ na à ḅẹrẹtọn ini pịrịḅịa.

Malakaị 1:11

Tomonikiri mị ḅie, gbọrị ịkọlị ọkịmun ísí ịkọlị la, tomoni osi nyana ị̀ pịrịmẹ. Nyọ goyegoye ḅụ ini insẹnsị dọkịma ị̀ pịrị, pịkị ị̀ ḅụḅẹlẹ agba nwọ mịẹ ị̀ pịrịpịrịmẹ. Inimgba ini osi nyana ị̀ pịrịmẹ!

1 Kọrịntapụ 1:31

Anịọkụma, fịafịa ḍiri mị ḍuko ḅara ḅụ, “Ḅụbomaḅịa ẹrẹchị ḍọkịarịḅọ goyegoye mịẹka mịẹka ḅara ḅụ Nyanaḅọ Ḅe nwẹngị sa fịrị mị nwọ boma.”

2 Kọrịntapụ 10:17

Ọkụma fịafịa ḍiri mị ḍuko ḅara ḅụ na, “Ḅụboma ḅi ḅọ omi-ẹ ḅẹḅẹ ye iniḅọ Nyanaḅọ Ḅe mịẹsaye ḅụ wẹrị boma.”

Galesia 3:8

Fịafịa ḍiri mị pịkịna tatarị ḍukosam na Tamụnọ Ḅe Jịnsẹapụma inia ḅereni ḅụ ḅọrọ ini na karakaraḅịa. Anịgose Fịafịa ḍiri mị iḅiọkwẹịn mị ḅụ ḅọrọ ḍuko Ebraham ḅe pịrịmẹ na: “Tamụnọ Ḅe ị́ ḅụ ḅọrọ tomoni mamgba nwọ ḅẹlẹmaḅịa.”

Maịnkarama Oloko 10:20

Nyanaḅọ ọ́mịna Tamụnọ Ḅe ḅịpị ọ́ nwọ poki se ori kẹngẹ nwọ tẹkẹ. Ómine ọ̀ ḅụ ḅereni nyana se oria ẹrẹ kẹngẹ ḅụ chịẹsime yeḅereni.

Maịnkarama Oloko 4:30

Ọ́ ḅụfụka ḅie sọ se maye mamgba ọ́ ḅụ mịẹsa ḅẹḅẹ, anịsịkị re, mị kuluma ḅụ ó vinpịkị Nyanaḅọ ọ́mịna Tamụnọ Ḅe ḍọkịmaḅo pịkị ọ̀ ḅịpịpokiḅịaye-ẹ.

Maịnkarama Oloko 6:13

Nyanaḅọ ọ́mịna Tamụnọ Ḅe ómine ò ḍikiḅalafa, ori kẹngẹ nwọ tẹkẹ, pịkị oria ẹrẹ ḅụ kẹngẹ chịẹ sime yeḅereni.

Filipaị 3:3

Mine anị kọkọma ḅụpẹlẹ mị nyanasaye-ẹ, inikẹ, anịatịḅị Tamụnọ Ḅe ọ̀ Tẹmẹ ḅụ mị wa wẹrị ọ̀ tẹkẹarịye-ẹ, se mịna ḍumo ḅụ ḅieḅẹlẹaḅẹ Kraịst Jizọs Ḅe na gbọrịye mịẹ mị ḅụ. Wa kuḅie se ojumịnị ḅụ tọrụseọrịarị mịẹmịẹye ḅụgbanakẹ.

Ruf Ḍiri Mị 3:13

Ḍin mị mgba se mịanga sime, se dede ḅie lasịkị, ori ị́ ḍikiḍikiḅịa na ori ị́ ḍikiḍiki-ẹka na, wa nwọ ḍọkịḅo ọrịḅịa. Anị-ẹ ḅẹḅẹ, opuma iḅimẹ; anịkẹ ḅẹḅẹ, à ḍumosime Tamụnọ Ḅe karịfịmẹ na àrị ị́ ḍikiḍikiḅịa. Mịanga ḅọlọlọ sime koru se dede la.”

1 Samụẹl 20:3

Ọkụma Devid ḅe nwọse ọ̀ pẹkẹrẹmẹ, “Ị́ ḍaḅe ori iḅiọkụma nemimẹ ị́ ị̀ ḅẹlẹma la-ọkụ, anịẹrẹchị ọ̀ tọnpẹlẹsam ọ̀ mịẹ ḅiye mị ò ḅi ẹkẹ ị́ nemi, anịatịḅị anị opuma ị́ ḅụosọḅịa. À ḍumo sime Nyanaḅọ Ḅe karịfị ị́ pịrịmẹ na kalaye kọnmẹ à fịsam!”