Biblia Todo Logo
Bìoball air-loidhne

- Sanasan -




Jerimaya 4:1 - Kịrịkẹnị Baịbụl

1 Nyanaḅọ Ḅe nwọ ḅẹmẹ, “Izrẹl-a tomoni, ó nemikase vinpịkị ḍọkịmẹ nwọ ḅẹḅẹ, anịọkụma ó vinpịkị ị̀ damaḅo. Ó nemikase kuḅie-se-ị̀-ḅụgbana pịkị à taraka se wẹrịma oru ma tansin ọkụma,

Faic an caibideil Dèan lethbhreac




Jerimaya 4:1
38 Iomraidhean Croise  

Anịgose Jekọb ḅe nwọse ò furo mị na pịkị ori na sime jịn apụma na ḅẹmẹ, “Ọ́ nyana jịn sẹ oru ma ọ́ nwọ wẹrịso; se ómine ọ́ ḅụ ma mịẹfịafịama se fịafịa ḅụchụaye chụa.


Josaya ḅe, Amanyanaḅọ Sọlọmọn ḅe Jerusalẹm ḅie ḅụ ịrụapakapaka nyọ daọrụ ḅụ nama koroma agbamịẹ ẹbẹ ma ori àrị pụlamamẹ, anị Oliv Tụndụ mị ḅụ chuku daọrụ ḅụ, ini seni ḅụngụngụma Astate Saịdọn apụ eremeni oru mị na, Kimọsh, Moab apụ oru mị na, pịkị Amọn apụ oru ma na anị ini tẹkẹtẹkẹḅịa ẹrẹchị pakụma oru tọrụ ma.


Gele Agbamịẹḅọ Hilkaya ḅe Oputẹkẹwarị mị ḅieḅụ ọrịḅo ḍiri mị ḅie gịẹịn oloko mị mịẹse anị kụrọḅịa ẹrẹchị, Amanyanaḅọ Josaya ḅe Jerusalẹm na pịkị bebe Juda ḅie ḅụ na ḅịrịapụma na pịkị ḅaraḍikiapụ mamgba na ori ini desinmẹ, pịkị deinma anga oru ma na, oru ma na pịkị jịn-a orunemiapụ se tẹkẹarị aye mamgba na.


Esa ḅe, ịkịankoro Azaraịya Odẹd yaḅe ḍukoarịaye ma naa sịkị, ò kuḅie kụrọmẹ. Juda sẹ mị na Bẹnjamin sẹ mị na ḅie sime oru mamgba ò dekigbin wokumamẹ, pịkị ori owuḅie ọkị Ifrem chịngị sẹma oru ma na. Oputẹkẹwarị odo ḅie chịẹsime Nyanaḅọ Ḅe oria agbamịẹ ẹbẹ mị sọnị ori anị tẹlịmamẹ.


Izrẹlapụma, ị̀ya oloko mamgba kokomẹ nwọḅẹ ọkụma, pịkị ị̀ya fịrịnwẹngịḅọ Moziz ḅe se ini pịrị Oloko mamgba na ọlọ ọkụma anịọkụma à se inia ḅieju-aḍapụma pịrị ama mị ḅie àrị ini depakụma ẹkẹ.”


Amanyanaḅọ Josaya ḅe Izrẹlapụ eke ma ḅie sime ḅụngụngụma oru mamgba ọ̀ kankọsịmamẹ, pịkịna ò sime la ḍin ma ḅie ọ̀ mịẹmẹ ini Nyanaḅọ inia ḅieju-aḍapụma Tamụnọ Ḅe tẹkẹtẹkẹmẹ.


Nyanaḅọ Ḅe nwọ ḅẹmẹ, “Izrẹlapụ, ị̀ ḅụ ó simịẹsam, ọ́ pịkị ị̀rị̀ na tụḅụrụmẹ. Ọkụma mịọkụ, ó vinpịkị ị̀ damaḅo!


Nyanaḅọ Ḅe, mịn mị pẹkẹrẹmẹ, “Ị́ nemikase vinpịkị ḅomẹ nwọ ḅẹḅẹ, àrị ị́ ọkịḅịa, se ị́ pịkị ị̀ya fịrịnwẹngịḅọ sọḅịa. Ị́ nemikase tịḅịnyanakaye ḍuko na karaka, se yeḅụsọ oku ị́ nwọ ḍuko pakụmamẹ ḅẹḅẹ, ị́ pịkị ị̀ya ịkịankoroḅọ nwọ sọḅịa. Tomonima ini ị́ damaḅoḅịa, se ị́ ḅarị ini damamun ḍọkị ẹkẹ.


À bebe sẹkiri-a tomoni mamgba mịẹḅịa ini ḅụgbiripumaḅara-se-iniaḅụ ḅalafa nyana; anịatịḅị Hẹzekaya ya, Manasẹ ḅe dekimịẹye ma gose Jerusalẹm ḅie, ò Juda sẹ mị ḅie amanyanaḅọ sọ sịkị.”


Mịọkụ mịn mị gose, ḍuko Juda na Jerusalẹm na ḅe-a tomonima pịrị à mịẹ-ẹtọn-aye mị. Ini dapaka pịkị ḅụkarakarama ḅe fomuḅara à nwọse ini pịrị-ẹ mun aḅẹ. Ini ḅẹ ini si ḍumo ḅụ dachịẹ se inia mịẹmịẹaye ma na atelima na tẹlịma.


À se ḅo inia ọgọnọ gbanaḅịa ḅụfụka mịẹḅịa bebe sẹkiri mị ḅie sime sẹ mamgba ḅalafaḅịa. Tomoni ini se ḍẹrịye mịẹḅịa, pịkị ini se kpọtiḅịa, se ini inia ẹrẹ mị se ini woriḅịa àrị ini galagalama koroma nyọ goyegoye ḅụ.


Ini ḍuko ọ́ pịrịmẹ na, ọ́mịna sitịḅị-a mịẹmịẹyema ḍumo ḅụ ọ́ pịkị mịẹso sịkị ómine angama-muḅịa ọkụ Nyanaḅọ Ḅe se gbọtụma ómine na ọ́mịna ḅieju-aḍapụma na pịrị ama mị ḅie.


Nyanaḅọ Ḅe nwọ ḅẹmẹ, “Nemikase gbọrị owuḅọ ḅarị tarọ ma na simekẹ, se árị ọ̀ wẹrịso se mun jịn owuḅọ na simemẹ nwọ ḅe ọkụma, ọ̀ ḅarị ngịsị árị ọkị sime ẹkẹ. Mịn mị jokoma ama mị pụlamaḅịa. Ọkụma, Izrẹl, ị́ tọn-a lekiriapụ nyana ḅọrọsam, se mịọkụ ị́ ḍọkịaḅẹ ị́ pịkịna ị̀ damaḅo!


Ori ị̀ ḅẹmẹ na à mun Izrẹl ma ḅẹ, “Kuḅie-se-ḅụgbana-gbẹịnka Izrẹl, pịkịma ị̀ damaḅo. À ḍikiḅụgerere nyanamẹ, àrị ịganị ẹkẹ; ngịsị àrị ị́ ḍikiḅieḅu ẹkẹ.


“Kuḅie-se-ḅụgbana-gbẹịnka tomoni, ọ́ pịkịmaḅo; ó sime ị̀ pịrịmẹ. Àrị ọ́mịna ḅie gbọrịḅọ gbọrị ama, pịkịna mamapụ gbọrị sẹ, nwọ ọkịḅịa, se àrị ómine pịkịma Zaịyọn Tụndụ mị ḅoḅịa.


Ọ́ pịkịmaḅo, ómine Nyanaḅọ Ḅe ḅụ ḅụsikimasapụ mamgba; ori ọ́ gwọḅịa, ọ̀ pịkị ọ́ mịẹḅịa ó kuḅie-se-ḅụgbana-gbẹịn apụ sọḅịa. Ómine ọkọ ḅẹmẹ, “Iin, wa Nyanaḅọ Ḅe damaḅo aḅẹ, anịatịḅị ori anị mịna Tamụnọ-ẹ.


À pa ị̀ya fịrịnwẹngịapụ mamgba na ịkịankoroapụma na se ọ́ sẹịnma aḅẹ se ini ḍuko ọ́ pịrịsam na ómine ọ́mịna si-a nwẹngị ma ḅụ ḅarasin se karakaraye mịẹ. Ini ó ḅerijinemẹ na ọ́ tịḅịtu se fịrịnwẹngị jịn-a oru pịrịma, mịẹso sịkị ọ́ pa à se ómine na ọ́mịna ḅieju-aḍapụma na pịrị ama mị ḅie anga ma munḅịa ọkụ. Ọkụma ómine ị̀ poki ḍụkụkẹ anịkanịka tọrụ se ị̀ ḍikikẹ.


Sosi Juda tomonima, à tọn na àrị iniaḅụ yesimaḅịa nwọḅẹye mị naaḅịa sịkị ini inia si-a mịẹmịẹaye ma ḅụ vinpịkịḅịa. Anịsịkị mị àrị inia sitịḅị na inia sima na ḅụ ḅarasin ini pịrịḅịaye-ẹ.”


Ómine ị̀rị̀ na fị ọḅọkụ mị mịẹ anị chịẹ, ọ́ Nyanaḅọ Ḅe, se ọ́mịna ojuma mịẹfịafịama ị̀ pịrị, ómine Juda na Jerusalẹm-a tomonima. Ó nemikase ọkọ mịẹkẹ ḅẹḅẹ, ị̀ya ịganị fịnị kọrị ọkụ kọrịḅịa ọ́ mịẹsa siaye ma gose. Anị kọrịḅịa se gbọrịḅọ sọ ofori-ẹ anị binmaḅịaḅọ.”


“Ómine anga àrị ḅara ọ́ nwọ ḍinma se ọ́ mịẹarịye ma ḅụ ọ́ dachịẹ nyana. Ọ́ jụmḅọ jụmḅọ na mịẹarịye ma ḅụ ọ́ karakara nyana.


Ọ́ nemikase ḍinmamẹ ḅẹḅẹ, à ḅereni ọ́ pịrịḅịa ọ́ mịọ angama mun, anị à se ọ́mịna ḅieju-aḍapụma pịrị, se ini anga gbaso nwọḅẹ nyọ mị.


Ini ḅo lasa ḅẹḅẹ, ini ḍọkịḅọ ọrị na, ḅụgbẹịnka aye mamgba na, ini kara oru mamgba na ini àrị tan wokumamẹ.


pịkịna igbiki se sọye mịẹ ḅara ḅụ ḅọlọ pịrị. Ọkọ sime ḅọ mị iniḅọ ḍumo ḅe? Ẹn-ẹn, iniḅọ ḍumo ẹkẹ. Nwọ sime iḅika ye mgba iniḅọ nwọ mịẹsam, anịgose iniḅọ fịḅịa. Iniḅọ gose fịye mị iniḅọ tịḅịogbo simeḅịa.


Mịọkụ jịn-a oru tẹkẹ mị ḅụ ini ḅarasin, ini pịkị inia fịsa amanyanapụ ojuma dekisin. Ini anị ḅara mị mịẹmẹ ḅẹḅẹ àrị inia ogboku anga gbasoḅịa.”


Ó vinpịkị Nyanaḅọ, ọ́mịna Tamụnọ Ḅe damaḅo Izrẹlapụ, ọ́mịna sima ọ́ mịẹse ọ́ ḅụọ tọmbụlọ se ọ́ ḅịkịsam.


Mịn Nyanaḅọ Ḅẹ ḍuko ọkụ-ẹ, “Ị̀ya awọ, ómine ọ́mịna nyengima na ọkwẹịn—á ḅarị ị̀ ta sọka sọ, ị̀rị̀ pịkị ḅarị dewu sọka sọ. Ómine ọkwẹịn á pịrị se árị árịa sẹfị na amanwẹngị na ḅụ ḅarasin.


Ini pa ị̀ ḅụ ḅụ ḍarịma se ịnyọ nyanaka oru ma ḍọkịmamun-aḅẹ. Kuḅie-se-ḅụgbana-gbẹịnka lubu sime ọkụ anị ini sime ọkụ-ẹ. Inia tịḅịnịma ini opuaye mịẹḅara se ọkwẹịn kọnkọn ẹrẹchị, ini kụrọ fị kọnḅịa, se Ijipt apụma ini ini ḍẹrịḅịa.”


“Ọkụma mịọkụ sọnị,” Nyanaḅọ Ḅe nwọ ḅẹmẹ, “ọ́ karakara ḅara se si ḅụ vinpịkị se ị̀ damaḅo, ḅurukụnma ḅụ na owu ḅụ na pịkị ngịrị ḅụ na.


Ómine ọ́mịna ḅieju-a ḍapụma simeọkụ simema. Ḅọlọsa sịkị ngịsị ịkịankoroapụma ị̀ya oku ma se ini pịrịmẹ na, ini ḅarị ngịsị sitịḅịnyana ḍumo kọnma. Ọkụma ini ị̀ pokikẹ, ini pịkị ị̀ ḅịpị pokikẹ.


“ ‘Tamụnọ worinime sime ḍụparị, chịn, anịkanịka ikulele se oru mịẹ se ḅọịma anị tẹkẹḅọ goyegoye nwọ pịrị; Nyanaḅọ Ḅe orutẹkẹ mị ọ̀ taraka se anị wẹrịmamẹ.’ “Nweni mamgba pẹkẹrẹ se nwọ ḅẹḅịa, ‘Amẹn!’


Ọ́ ḅụfụka ḅie sọ se maye mamgba ọ́ ḅụ mịẹsa ḅẹḅẹ, anịsịkị re, mị kuluma ḅụ ó vinpịkị Nyanaḅọ ọ́mịna Tamụnọ Ḅe ḍọkịmaḅo pịkị ọ̀ ḅịpịpokiḅịaye-ẹ.


“Anịẹrẹchị mịọkụ, Jọsụwa ḅe nwọse ini ḅẹmẹ, ómine osi se Nyanaḅọ Ḅe pịrị, kuḅie se ḅụgbana gbẹịn ḅara na pịkị ọ̀ ḅụ ḅereni nyana ḅara na se fịrịnwẹngị ọ̀ pịrị. Ọ́mịna olomu-a ḍapụma Mẹsopotemịa mị na Ijipt mị na ḅie tẹkẹ sime oru mamgba ọ́ nwọ wokuma, se fịrịnwẹngị Nyanaḅọ Ḅe kẹngẹ nwọ pịrị.


Anị ini inia jịn sẹ oru ma wokuma se Nyanaḅọ Ḅe tẹkẹye-ẹ, se Izrẹl mị ọrịarị tọrụsiọrị ma ḅo ḅụḅalaḅala se ọ̀ pịrịmẹ.


Anịgose Samụẹl ḅe nwọse Izrẹlapụma ḅẹmẹ, “Ó nemikase ọ́mịna kuḅie mgba se vinpịkị Nyanaḅọ Ḅe daḅịa ḅẹḅẹ, anịọkụma, jịn sẹ apụ oru ma na pịkị Astate eremeni oru lụgụ mamgba ómine àrị wẹrịsoḅịa. Ómine okorona okorona tẹmẹ anga ḅụ ọ́mịna ḅụ mịẹ fịafịama Nyanaḅọ Ḅe pịrị, se ori kẹngẹ nwọ tẹkẹmẹ ḅẹḅẹ, Filistia apụma ḅara ḅie ori ọ́ ḍụapakụmaḅịa.”


Lean sinn:

Sanasan


Sanasan