Jerimaya 3:4 - Kịrịkẹnị Baịbụl

⁴ “Ọkụma mịọkụ ị́ nwọse ị̀ ḅẹmẹ, ‘Ị́rị́ ị̀ ḍa-ẹ, na kalatọkụ ḅụ à sime sịkị ngịsị ị́ ị̀ ḅẹlẹmamẹ.

Jerimaya 3:4 Iomraidhean Croise

Fịafịa Nime 119:9

Nde asẹmẹnịḅọ ḅe oria ḍumo mị mịẹfịafịama ḅịa ọkụ? Anị ị́ya olokoma koko mị ḅụ-ẹ.

Fịafịa Nime 48:14

“Ḅe Tamụnọ Ḅe mịna Tamụnọ-ẹ ọkịmun ḅene-ḅene laḅịa; sịkịmamgba ọ̀ wa pamunḅịa.”

Fịafịa Nime 71:17

Ị́ yese ị̀ ḍiemẹ kalatọkụ ḅụ à sime sịkị ngịsị, à pịkị pa ị́ mịẹ ḅụgbiripumaye ma ḍukoaḅẹ.

Fịafịa Nime 71:5

Opu kụrọ Nyanaḅọ, à kuḅie se ị́ ḅụ gbanamẹ; kalatọkụ ḅụ à sime sịkị ngịsị à kuḅie se ị́ ḅụ gbanamẹ.

Kaḅo Ma 1:4

Àrị pịkị ineda iḅiọkụma nemi nyanakaḅọ mịẹse ò yenemitẹịn se ye se asẹmẹnị awọ telimaḅịa, se mịẹsosịkị ini sọnị ḅo mịẹye nyana apụ sọḅịa ọkụ.

Kaḅo Ma 2:17

anị deḅọ na mịnaḅụ na ḅarị kuḅie se ḅụgbanaka, pịkị á fị fịafịa ọḅọkụ mị se ḅieḅaramasa eremeniḅọ ma.

Jerimaya 2:2

na à mun mịn oku mị ḍuko kelema ḅẹḅọ ḅẹḅọ pịrị Jerusalẹm mị ḅie. “À se ḅiekoromamẹ, ị́ kala tọkụ ḅụ sime sịkị, ị́ kuḅie se ḅụgbana-na-gbẹịnḅọ-sọ ọkụ, wa tatarị ama-na-ere-na sime kọn sịkị ị́ ị̀ ḅẹlẹma ọkụ; onwun ele ḅie ị́ ị̀ ḍukonwẹngịmẹ, ma ini ye ḍipika kiri ḅụ ị́ ị̀ ḍukonwẹngịmẹ.

Jerimaya 2:27

Ómine mgba ini ọ́ ḅụgereremaḅịa, ómine eje mị anị ọ́mịna ḍa-ẹ, anịsịkị ḍụparị mị anị ọ́mịna nyengi-ẹ nwọḅẹ apụma. Mịn mị mịẹḅịa, anịatịḅị ọ́ tọrụ pịkị ị̀ da-na-karaka ómine ọ́ tọrụsinmẹ ị̀ ḅụ. Ọkụma ọ́ ḅụfụka ḅie sọsịkị ómine ị̀ ḅẹḅịa à ḅo ọ́ ḍụa.

Jerimaya 3:19

Nyanaḅọ Ḅe ọkọ ḅẹmẹ, “Izrẹl, à ḅimẹ àrị ị̀ya tọkụ ḅara se ị́ ọkị se ḍikitọrụgbẹịn amakiri se ị́ pịrị, sẹkiri mgba ḅie iḅitẹịn amakiri. À ḅimẹ ị́ ḍaḅọ se ị̀ chịn se jenejene ḅarị ị̀ ḅụḅụ ị́ tọrụ sin ẹkẹ.

Jerimaya 31:22

Ọ́mịna kuḅie maịn maịn tọn mun nde sịkị laḅe, kuḅie-se-ḅụgbanaḅịa ọkụ ofori-a tomoni? Àrị ịwọye pịkị kịrịye mịẹpakụmasam, owuḅọ-tẹrẹ-arị eremeniḅọ kịrị ọkụ kịrịye.”

Jerimaya 31:9

Ị̀ya tomonima ini owu na pịkịma ḅoḅịa, tẹkẹ ḅụ na àrị ini paḅoarị sịkị. Àrị ini se ideri mengi aka mọnị mọnị ateliogbo ḅọrọḅịa inia ḅụọ tọmbụlọ ẹka nyọ. Ị̀rị̀, Izrẹl ḍa-ẹ, pịkị Ifrem ḅe anị ị̀ya tatarị owutọkụ-ẹ.”

Hosia 2:15

Á tatarị nyana ḅọrọsa irumịẹ chịnmgbọlụ ozuma à nwọse á pịrịḅịa, se “Ḅụfụka Pẹsịkiri” mị à anị mịẹḅịa anị ḅo ḅọrọ nyọ sọ mun kụrọkuḅie nyọ laḅịa. Anịju, árị ire ḅụ sime se Ijipt ḅie ḅụ ḅo sịkị árị ị̀ ọkị ḅara, á nwọse ị̀ ọkịḅịa.

Malakaị 1:6

Kụrọmamgba Nyanaḅọ Ḅe nwọse agbamịẹ apụma ḅẹmẹ, “Tọkụ mịna ḍaḅọ osisimẹ, fịrịnwẹngịḅọ pịkị ọ̀ nyanaḅọ ḅe osisimẹ. Ị̀rị̀ ọ́mịna ḍa-ẹ—cheye gose ómine ị̀ osisika? Ị̀rị̀ ómine nyanaḅọ-ẹ—cheye gose ómine ị̀ osisika? Ómine ị̀ ḍikisimamẹ, anịẹḅẹsọ, ó gbelaḅẹ, ‘Nde wa ị́ ḍikisima ọkụ?’

Malakaị 2:14

Ị́ gbelaḅẹ, cheye gose ọ̀ ḅarị àrị ọkịkịka nọ? Anịatịḅị, ò nemimẹ na ị́ya asẹmẹnị sịkị ḅụ, ị́ sime eremeniḅọ, ị́ ta ma, ị́ ḅereni á pịrịye mị ị́ kansam. Árị ma ị́ya arụḅọ-ẹ, se ị́ ḅereni á pịrịye mị ị́ kansam anị Tamụnọ Ḅe tọrụkuḅu ị́ ḅereni ọkịmẹ na, ị́ iḅiọkụma árị ọkị pịkị á ḅụ ḅereni nyanaḅịa nwọḅẹye mịẹ.