Jerimaya 3:3 - Kịrịkẹnị Baịbụl

³ Anịgose ini enema ọlọchịẹmamẹ, se kiriḅie ideri mengi ma ḅarị sara paka ḅokẹ. Ị́ sẹfị ḅọ kịkẹmẹ, ị́ ḅụgerere nemikẹ.

Jerimaya 3:3 Iomraidhean Croise

Chukusakị 19:34

Ene mị ḅasịkị, sẹnịḅọ ma nwọse kalaḅọ ma ḅẹmẹ, “Ḅịa ḍin ḅie àrị ori na gbolomamẹ; mịọkụ ye wa pịkịna mị ḍin ọ̀ mịẹse ò ḅu, se ị́rị́ mun ori na gboloma. Anị ḅaraḅụ mịnaḅụ gbọrịḅọ gbọrịḅọ mịna ḍaḅe ḅụ ḅọrọ se tọkụ nyanaḅịa.”

Nẹhimaya 9:17

Ini ḅịpịpoki ḍụkụkẹ; ị́ mịẹaye mamgba ini se ḅieḅaramamẹ; ị́ mịẹsa ḅụgbiripumaye ma ini se ḅieḅaramamẹ. Inia opuaye mịẹḅụ ini tịḅịdaḅịaḅọ sẹlẹmẹ, ini seni pịkịma mun Ijipt ḅie omoniapụ mịẹḅịa ẹrẹchị. Ọkụma ị́rị́ yeḅụ ḅarasinsin Tamụnọ-ẹ; ị́rị́ iḅi pịkịna ḅẹlẹma nyanamẹ, ị́ sarama ịganị-ganịkẹ. Ị́ya ḍikiḅụgerere mị ḍụḅamẹ; ị́rị́ ini sịkịkẹ.

Kaḅo Ma 21:29

Karakaraye mịẹ apụma ini inia ḅụ kaịnḅomẹ; sitịḅịnyana apụma ini simeka iḅi ḅara ini ḅụkụrọma nwọ ḍiepakụma-pakụmamẹ.

Aịzaya 5:6

À wẹrịso seni ịga na osuein na arịa ḅie pakaḅịa. Ozu mị à ḅarị anị tẹlịma ẹkẹ à pịkị ḅarị anịa ḅie ọgụ seni fịrịnwẹngị ẹkẹ, anịnakaraka àrị anị wẹrịso se ịga na opu osuein na anịa ḅie sẹnị anị gbẹịnḅịa. À soḅuno ma kikiḅịa se ene ḅarị koro anịa ọgọnọ sara ẹkẹ.”

Jerimaya 14:1

Nyanaḅọ Ḅe nwọse ị̀ ḅẹmẹ, ịrụakpoin mị na gbolomaye ḅụ,

Jerimaya 14:22

Sẹ ma ḅie sime oru ma ḅụ ineda ene koromaḅịa oru ofori-ẹ; so mị ngẹrị mịnaḅụ na ineda nwẹnẹnwẹnẹ ene koroma ẹkẹ. Mịna kuḅie wa se ị́ ḅụgbanasam, Yei Nyanaḅọ, mịna Tamụnọ, anịatịḅị ị́rị́ anị mayema mịẹye-ẹ.

Jerimaya 14:3

Ngọ nyanapụma inia fịrịnwẹngịapụma fịrịmamẹ mengi gose; ini mengi kokonyọ ma mun mẹ, ọkụma ini mengi ọrịkẹ; ini inia yeḅieoforika ojongo ma na pịkịma ḅomẹ. Kuḅie lọkọ na ḅụḅalaḅala na ḅụ, ini inia tọrụ ma ḅọịmẹ.

Jerimaya 14:4

Ene koroka ẹrẹchị, pịkị kiri mị sọ nwọ samịna sịkị, ozu ḍipi apụma ḅụgerere inia tọrụ sọmẹ; se ini inia tọrụ ma ḅọịmẹ.

Jerimaya 36:2

“Fangalama gbọrị ḍiri ọkịḅo se à ḍuko ị́ pịrịḅịaye goyegoye, Izrẹl na Juda na, pịkị sẹ mamgba na ḅụ, nwọ gịẹịn anịa ḅie chụa. Yemamgba gịẹịn, anị Josaya ḅe sakị amanyana sịkị ngịsị à tatarị ḍuko ị́ pịrịye goyegoye ọkịḅo mịọkụ la.

Jerimaya 5:24

Jenejene ó koromakẹ, kụn nyana ị̀ pịrị, à kala ene na opu ene na pịkị fịaye soku sịkị kụra goyegoye se ọ́ sẹịnmamẹ nwọ ḅe sọnị.

Jerimaya 5:25

Anịnakaraka, ọ́mịna sima àrị ma iḅiaye ma dachịẹmamẹ ọ́mịna ḅụ.

Jerimaya 5:3

Kọkọmaye-ẹ kuḅie-se-ḅụgbana anị Nyanaḅọ Ḅe ọ̀ ḍọkịarịye-ẹ. Ori ị́ ḅakụmẹ, ọkụma ị́ tọrụ kweinmakẹ; ori ị́ kọsịmamẹ, ọkụma ị́ yeḍawọ ḍụkụkẹ. Ị́ ininachịnmẹ, pịkịna ị́ya sima ḅie ị́ pịkị ḍụkụkẹ.

Jerimaya 6:15

Inia ḅụgerereka ini mịna tọrụsimaye ma mịẹarị sịkị? Ẹn-ẹn, ngịsị inia ḅụgererekẹ ini pịkị ḅụgerere nemikẹ. Anịgose ísíapụma ḅịkị ọkụ mị inisọ ḅịkịḅịa ọkụ-ẹ; àrị inia tọrụsiọrịmaḅịa anịsịkị, anị inia kuluma-ẹ. Ị̀rị̀, Nyanaḅọ Ḅe, ọkwẹịnsam.”

Jerimaya 8:12

Ị̀ya tomoni, ọ́ ḅụgerere nọ ọ́ ma ḅụnwọnwọ mayema mịẹ ẹrẹchị? Ẹn-ẹn, ngịsị ọ́ ḅụgererekẹ; ngịsị ọ́ pịkị ḅụgerere maye nemikẹ. Anịgose ísíapụma ḅịkị ọkụ, ọ́ ḅịkịḅịa; à fomuḅara se ọ́ pịrịso sịkị anị ọ́mịna kuluma sọḅịa. Ị̀rị̀, Nyanaḅọ Ḅe, ọkwẹịnsam.”

Jerimaya 9:12

À gbelamẹ, “Nyanaḅọ, cheye gose ama mị kan se samịna onwun ele kịkẹ, mịẹse nweni ḅarị anịa ḅie ḅọrọka? Tụḅọ ineda iḅiọkụma yenemi se mịn mị kaịnḅoḅe? Ị́ anị ḍuko finjima tụḅọ pịrịsa mịẹsosịkị ori ineda ḍuko jịn apụ pịrịḅịa ḅara?”

Izikịẹl 3:7

Ọkụma Izrẹlapụma ini ị́ poki ḍụkụ ẹkẹ; ị̀rị̀ na mịnaḅụ na ini ị̀ poki ḍụkụkẹ; anịatịḅị inimgba ḅịpịpokika, pịkịna sitịḅịnyana apụ-ẹ.

Agbamịẹ Apụ 26:19

Ọ́mịna ininachịn opuayemịẹ mị, àrị anị anyịmaḅịa; ene ḅarị koro ẹkẹ, anịsịkị ọ́mịna kiri mị samịna ikulele kụrọ ọkụ anị nwọ kụrọḅịa.

Emọs 4:7

Ị̀rị̀ ene mị kikimẹ ó ḍipi fịayemgbọlụ ma opuma ene mị ḍọkị sịkị ḅụ. Ị̀rị̀ anị ene se gbọrị opuama sẹịnma se ísí amama sẹịnmakaḅọ ḅe-ẹ. Ene gbọrị ele ḅụ koroḅịa ọkụma ísí ele samịnaḅịa.

Emọs 4:8

Mengi pụkọtarị se ḅụlọkọ, tọn-a opuama ḅie-a tomoni, inia amama wẹrịso jịn ama mun mengi ḍọkịmẹ ọkụma ini tụkụma mengi ọrị ḅukẹ. Ọ́ pa pịkịma ị̀ damaḅokẹ.

Zẹfanaịa 2:1

Ḅụgerere nemika sẹ, ọ́ sakị koroma nyana

Zẹfanaịa 3:5

Ọkụma Nyanaḅọ Ḅe ọ̀ pa opuama mị ḅie omi-ẹ; ọ̀ karakaraye mịẹmịẹmẹ, ori ngịsị iri ye mịẹmịẹkẹ. Gbarịmaka ḅara ḅụ, dede layelaye ori iḅi ḅẹrẹ ḅịpị se ḅo oria tomonima pịrịpịrịmẹ. Anịẹḅẹsọ, ḅụgerere nemika ḅara ḅụ, karakaraye mịẹkapụ ma ini pa inia iri ayema mịẹma mun aḅẹ.

Hagaị 1:11

À mịẹse kụrọ ịrụa kpoin kiri ọgọnọ ma na—chịngịma ọgọnọ ma na, fịayemgbọlụ ozuma ḅie na, irumịẹ chịnmgbọlụ ozuma ḅie na, oliv ozuma ḅie na—kiri mị pakụma pakụmaye goyegoye ọgọnọ na, tomoni ọgọnọ na, namama ọgọnọ na, ḍipi se pakaḅịaye goyegoye ọgọnọ na sarasam.”

Maịnkarama Oloko 28:23

Ene koro ẹkẹ, se ọ́mịna kiri mị pịkị ikulele kụrọ ọkụ kụrọḅịa.

Hibru 12:25

Anịẹrẹchị ómine ọbị, se ọkwẹịn àrị ḅọ ḅe poki ḍụkụka apụ ọ́ nwọ sọma. Anịatịḅị tomonikiri ḅie Tamụnọ oku poki ḍụkụka apụma ḅụ nemikase ḅọrọkẹ nwọ ḅẹ ọkụma, nde mịnaḅụ ḅọrọḅịa ọkụ wa nemikase soḅie ḅụ ọkwẹịn àrị ḅọ Ḅe nwọ pokika ọkụma.