Jerimaya 3:1 - Kịrịkẹnị Baịbụl

¹ Nyanaḅọ Ḅe nwọ ḅẹmẹ, “Nemikase gbọrị owuḅọ ḅarị tarọ ma na simekẹ, se árị ọ̀ wẹrịso se mun jịn owuḅọ na simemẹ nwọ ḅe ọkụma, ọ̀ ḅarị ngịsị árị ọkị sime ẹkẹ. Mịn mị jokoma ama mị pụlamaḅịa. Ọkụma, Izrẹl, ị́ tọn-a lekiriapụ nyana ḅọrọsam, se mịọkụ ị́ ḍọkịaḅẹ ị́ pịkịna ị̀ damaḅo!

Jerimaya 3:1 Iomraidhean Croise

Fịafịa Nime 106:38

Ini si ḅụ oforika awọmẹnịma ḅaamẹ, ini ama mị pụlamamẹ ninikọn ḅụ.

Aịzaya 24:5

Tomonima ini sẹkiri mị pụlamasam, anị Tamụnọ Ḅe olokoma kan pịkịna ori-ini-na-fị sime gbasoḅịa ọḅọkụ mị kanye gose.

Jerimaya 2:20

Kụrọmamgba Nyana Tamụnọ Ḅe nwọ ḅẹmẹ, “Izrẹl, ḅọlọsa sịkị ngịsị ị́ ị̀ya kụrọ mị sịkịmẹ; ị́ ị̀ ḅịpị poki se ị̀ tẹkẹ ḍụkụkẹ. Gele chịngịma ọgọnọ ḅụ goyegoye na pịkị eje chuku ma na ḅụ ị́ fịye pakụma oru ma tẹkẹmẹ.

Jerimaya 2:23

Nyanaḅọ Ḅe nwọse Izrẹl mị gbelamẹ: Nde ị́ ineda ḅẹḅịa ọkụ na ma ị́ ḅụ pụlamakẹ, na jenejene ma ị́ Beal ḅe tẹkẹkẹ? Ị́ ị̀ simịẹ ọkụ ḍiki pẹsịkiri mị ḅie; ị́ mịẹye ọrị. Mangị sịkị ḅụ piri ike-nambulo ị́ nwọ kịkẹmẹ, tịḅịtọnka ḅara se mangịma ḅọrọ,

Jerimaya 2:7

Àrị ini ọkịḅo lọkọlọkọ kiri lamẹ, se anịa ḅie ini ḅo fịayesoku na jịn iḅiaye na ḅe tọrụḅẹlẹ nyọ nyanaye-ẹ. Ọkụma anịnakaraka ini ị̀ya kiri mị simamẹ; ini à se ini pịrị sẹ mị pụlamamẹ.

Jerimaya 22:20

Jerusalẹm-a tomoni ó so Lẹbanọn mun se oloku, ó Bashan ama mị mun se owu; Moab tụndụma ọgọnọ ómine ini chịn pakụma, anịatịḅị ọ́mịna ḅụ sọ apụ mamgba ọmụ inia ḅara sisam.

Jerimaya 3:22

Ọ́ pịkịmaḅo, ómine Nyanaḅọ Ḅe ḅụ ḅụsikimasapụ mamgba; ori ọ́ gwọḅịa, ọ̀ pịkị ọ́ mịẹḅịa ó kuḅie-se-ḅụgbana-gbẹịn apụ sọḅịa. Ómine ọkọ ḅẹmẹ, “Iin, wa Nyanaḅọ Ḅe damaḅo aḅẹ, anịatịḅị ori anị mịna Tamụnọ-ẹ.

Jerimaya 3:9

pịkị ngịsị ḅụgerere nemikẹ. Árị ama mị pụlamamẹ, pịkị sẹfịmẹ á nwọ ḍụparị na eje na tẹkẹsa sịkị.

Jerimaya 31:22

Ọ́mịna kuḅie maịn maịn tọn mun nde sịkị laḅe, kuḅie-se-ḅụgbanaḅịa ọkụ ofori-a tomoni? Àrị ịwọye pịkị kịrịye mịẹpakụmasam, owuḅọ-tẹrẹ-arị eremeniḅọ kịrị ọkụ kịrịye.”

Jerimaya 4:1

Nyanaḅọ Ḅe nwọ ḅẹmẹ, “Izrẹl-a tomoni, ó nemikase vinpịkị ḍọkịmẹ nwọ ḅẹḅẹ, anịọkụma ó vinpịkị ị̀ damaḅo. Ó nemikase kuḅie-se-ị̀-ḅụgbana pịkị à taraka se wẹrịma oru ma tansin ọkụma,

Jerimaya 4:14

Jerusalẹm, ị́ kuḅiemgbọlụ sime sima sịkịrịsin, mịẹso sịkị ị́ ḍụaḅọrọma nyanaḅịa ọkụ. Ị́ pa sikoroma nyanama mun nde sịkị laḅe?

Kururu Ma 1:2

Ḍin mịmgba árị owumẹ; owu-a-mengi ma á tọrụ iderimẹ. Arịa olomu ikiapụ mamgba, á kuḅie kụrọmaḅọ ḅarị ofori-ẹ. Árị na gbolomapụ ma ini ḅụọ-se-á-chụasam, se inimgba ḅarị árị na tarakẹ.

Izikịẹl 16:26

Ị́rị́ na kpeki ere ḍọkị Ijipt apụma ị́ ḅereni nwọ pịrịmẹ ini ị́rị́ na mọnọye ọgọnọ sẹfị mẹ, ị́ya sẹfị mị ị́ nwọse ị̀ ịganịmamẹ.

Izikịẹl 16:30

Mịn anị Kụrọmamgba Nyana Tamụnọ Ḅe ḍuko ọkụ-ẹ. “Ma yemamgba ị́ nwọ mịẹmẹ ḅụgerere nemika amanwẹngịḅọ ḅara.

Izikịẹl 16:35

Mịọkụ, Jerusalẹm, ị́rị́ amanwẹngịḅọ! Nyanaḅọ Ḅe ḍukoaye ma na.

Izikịẹl 33:11

Ḍuko ini pịrị na pikipikiye ofori-ẹ na Ị̀rị̀ Kụrọmamgba Nyanaḅọ Ḅe anị ḍumo Tamụnọ Ḅe-ẹ ḅẹ sịkị goyegoye, si ḅọ ḅe oria si ḅụ sime fị mị, anị ị̀ ḅieḅẹlẹmakẹ. Anịnakaraka ori oria si ḅụ ḅarasin se ò ḍumo mị anị iḅiye-ẹ. Izrẹl, ị́ mịẹarị siye mị ḅụ ḅarasin. Cheye gose fị mị re ị́ nwọ ḅi-ao?

Hosia 1:2

Nyanaḅọ Ḅe tatarị Hosia ḅe ḅụ ḅọrọ ọkwẹịn Izrẹl pịrị sịkị, ọ̀ nwọse Hosia ḅe ḅẹmẹ, “Mun amanwẹngị eremeniḅọ sime, á yi ḅịa awọma sọ pịkị amanwẹngịapụ sọḅịa. Anị gbọrị ḅaraḅụ, ị̀ya tomonima ini ị̀ wẹrịsosam, se tomoni-kuḅie-se-ḅụgbana-ẹkapụ nwọ sọsam.”

Hosia 2:2

Mịn Nyanaḅọ Ḅẹ ḍuko ọkụ-ẹ, “Ị̀ya awọ, ómine ọ́mịna nyengima na ọkwẹịn—á ḅarị ị̀ ta sọka sọ, ị̀rị̀ pịkị ḅarị dewu sọka sọ. Ómine ọkwẹịn á pịrị se árị árịa sẹfị na amanwẹngị na ḅụ ḅarasin.

Maịka 2:10

Ọ́ sịsẹ se so; mịanga dein ḅarị ofori-ẹ. Ọ́mịna sima àrị mị nyọ mị ọkị guluguluma sam.

Zẹkaraịa 1:3

ọkụma mịọkụ, àrị ọ́ ḅẹaḅẹ, ‘Ó vinpịkị ị̀ damaḅo, Ị̀rị̀ sọ à pịkị ọ́ damaḅoḅịa.

Matio 5:31

“Ini pịkị ọkọ se anị ḅẹmẹ na, ‘Iniḅọ ta na so ḅọ sime sime, ori árị na sosam nwọ ḅẹ ḍiri ọ̀ nwọ gịẹịn á pịrị.’

Maịnkarama Oloko 22:21

ini tọkụ ma ọkị paka ḍawu ḅe oria warị ḅọkọ munḅịa se anịju árịa ama owuapụma á gbin ḅaaḅịa. Á ḅụgereremaye mịẹmẹ mịna sẹ mị ḅie, anị ma árị owuḅọ simeka sime ogbo mun owuḅọ nemimẹ, anị ḍawu ḅe warị ḅie á simearịogbo. Mịn ḅara mị ḅụ ọ́ mị siye mị dachịẹmaḅịa ọ́mịna ogboku.

Bẹrẹkọn Apụ 19:2

Ọkụma ọ̀ mịẹye á ḅụosọse á so Bẹtlihẹm ḅie ḍawu ḅe warị mun sime inein-a akalụ nwọ lamẹ.